1 Kedinto 10:14 - Seysyo No Tao

¹⁴ Am ori an, ji kamo rana manaralay so malas a iraralay nyo, manga keypong an.

1 Kedinto 10:14 ပူးပေါင်းရင်းမြစ်များ

Nimlivolivon 15:20

Apyapya pa o kapeyteygami ta nira a manci no kaji da nganan so nipazos da. Taosya o kapangzakza da so icyatatao da. Taosya o kakan da so rala no vinyay a kano nivitkeh da vinyay a nimazakat a jya nimvoyog so rala.

Loma 12:19

Ji nyo to meyneynakman o kapatonggal nyo do amwoya ninyo a tao, manga keypong. Cyaha, ta si Ama ta do to o mapasapa do dang. Ta maniring do Seysyo am, “Yaken o mapasapa do oyaoyyan da ninyo. Yaken o mapeyvazay so amwoya ninyo.” Ori rana am ciring na no Panirsirngen ta.

1 Kedinto 10:15

Yako nanawen inyo a mateteneng a tao. Jyabo kaji nyo makatenngan do kanoyong na, kalas na no ciring ko a.

1 Kedinto 10:19

Ikongo peypeypangayan no akman sang a ciring. Manngwa, manoyong o kakdeng na no malas a iraralay da kano pazos?

1 Kedinto 10:7

So ji nyo nginarai so yatatasa ka tao jira a manaralay so malas a iraralay da, akman so ciring do Seysyo. Ta maniring am, “No kapanaralay da so malas a iraralay da am makapya sira o aro a tao a malimolimot a amyop a koman a maganam.”

1 Kedinto 5:11

O peypeypangayan no ciring ko am ji macihza do mapasagpyan so nakenakem na, mangamkam, manaralay so malas a iraralay, mangangavain, masakisakin a kano manakaw a ji mamlis so nakenakem a sinjya. So ikanoyong no kaji nyo macihzan jira a ji macihanghang jira.

2 Kedinto 11:11

Ikongo ko peycirngan sang. Manngwa, ko jyarilawan inyo? Cyaha, ta na katenngan ni Ama ta do to o ko karilawan ninyo.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Kedinto 12:19

Ala nyo ipanci yamen a yamangamaog no kataotao namen so ciring. Am to ko na macitangayan jinyo am namen jyakman sang an. Ta o ciriciring ni Kizisto o namen ipanci jinyo do tangain ni Ama ta do to. Manga keypong, o vazay namen am namen kanakenakem so yakasidong jinyo a peypahagnaten so nakenakem ji Ama ta do to.

2 Kedinto 6:17

Am ori o ji nyo pehngai so onowned nyo do ji manaralay a tao. Ji kamo macizanod jira. Ji nyo nginara o malas a vazay da. Ta ori o sarayan ko ninyo.”

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Veydipi 4:1

Am ori o ikakdeng nyo pa so onowned a meyhanhan ni Ama ta do to, manga keypong an. So ko sarayan ninyo a akma koy kakteh do cinai. Ta yamyan so kakownongan na no vazay ko jinyo. Inaoy no si macita ko pa inyo.

Veydimeng 1:1

Yaken rana am si Pawlo ko. Yako akmey nimanakaw a tao a yada aptengen do yako kahap so vazay na ni Yeso Kizisto. Yaken a kani Timotay am namen ipeyteygami imo a akma nameney kakteh do cinai, mo Veydimeng,

Sipolay 6:9

Am inyo rana manga keypong am tana akman sang o ciring ko am yako anoyngan o kapyapya na pa no mahap nyo a patazadangen na ni Ama ta do to do teyngato.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

1 Yowani 5:21

Inyo rana manganako am makowyowyat kamo pa mapahawa so kataotao nyo do malas a iraralay da.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 2:14

Am yamyan pa so yako oyyan ninyo. Yamyan jinyo so yana nicirara ni Palang a yaomonot do nanao ni Palake. Si Palang am yamanci no Isedi a tao a meyraraten a nikoman so mina pazos da so malas a iraralay da a da kapasagpyan so aktokto da.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.