1 Kedinto 1:7 - Seysyo No Tao

⁷ So yana ikabo no yana jya nitoro jinyo no Seyzi a oyowyat a kano teneteneng nyo, do nyo kapanala si Yeso Kizisto a Panirsirngen ta a mai.

1 Kedinto 1:7 ပူးပေါင်းရင်းမြစ်များ

Matay 25:1

“O ipakaranes no araraw no italamozong ni Ama ta do to am akman so asa ngarnan a mavakes a meypinan so zampo a mangay a omrapong so mapazagpit a tao.

Locya 12:36

akman so lamlamsoy a tao a omnanala so lawpan da nimapo do mamaring so kanen a nimeysinmo a tao. Ta no makaranes do vahay na o lawpan am iwangan da no lamlamsoy na o pazevngen.

Locya 17:30

O araraw no yai ko a Nipamnekan na ni Ama ta do to a tao am akman so sang.

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

2 Kedinto 12:13

Yabo nyo pacinasan do peycyakyokyokayan na. O ko kaji mangapan so nyo nipatodeh jyaken. So to nyo peykaboboi so kalasan ko a jya nimahap so patodahen nyo jyaken!

Cyalatay 5:5

Am yaten rana am na oyatan yaten no Seyzi a meyhanhan ni Yeso Kizisto. Am ori o na abnekan rana jyaten ni Ama ta do to a abo rana so raraten do tangain na.

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

Kelosi 3:4

Si Yeso Kizisto rana am yapwan no to meyyonong a ikavyay no pahad nyo. Si mirwa mai si Yeso am ipanta na inyo so vayo a kataotao nyo a pazanoden do azwazway na.

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

2 Tesalonicya 1:7

Inyo rana a yakman jyamen a da peyrarehten am ji kamo alaw, ta balinasen na rana ni Ama ta do to o alalaw ta no si mai si Yeso a Panirsirngen ta a meygegcin apo do teyngato a maciralay do apoy a kano aro a mowyat a tinsi. So ikanoyong no ji nganoyong jya tao a kano ji ngamizing so Mapasaray a Ciriciring na ni Yeso a Panirsirngen ta a ioya na.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

1 Pite 1:13

Am ori o ipeytataziman nyo a mahap so vazay na ni Ama ta do to a meyhanhan nya a manta ninyo so aryarilaw na no mai rana si Yeso Kizisto.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.

2 Pite 3:12

a omapananala so araraw ni Ama ta do to a ji meyyahahay a makaranes. No si marateng o araraw ori am matemtem o masaod no hanit. So ikabo na rana no masaod no hanit a omonag no lila no apoy.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.

Yota 1:21

Ji nyo ngawawan do onowned nyo o pangangarilawan na ni Ama ta do to a meyhanhan ni Yeso Kizisto a Panirsirngen ta a marilaw ninyo a manta ninyo so to meyyonong a ikavyay no pahad nyo.