1 Kedinto 1:27 - Seysyo No Tao

²⁷ Am nipamnekan na ni Ama ta do to o ipangoyongoyod da a jyateteneng a tao do karawan, mangay na ipeyleylak so mapahama so nakem a tao do karawan.

1 Kedinto 1:27 ပူးပေါင်းရင်းမြစ်များ

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Matay 21:16

Maniring sira ji Yeso am, “Mo mamizing sira yamlololos a yameyzezyak ang?” Maniring si Yeso am, “Noon, ko mamizing. Ta maniring do Seysyo am, ‘Ninanao mo o kanakan a kano si Kekey pa so ngaran a mapatwaw so ney yapya na yadmadmay da si Ama ta do to.’ Manngwa, ji nyo pa nivilangan o akman sang a ciring?”

Matay 9:9

Karwan na do dang ni Yeso am macita na o mapeyvazay so deyking a tao a meyngaran si Matay a omlisna do torotorwan no deyking a vahay. Maniring jya am, “Sijya, kapacilolo mo jyaken.” Meyratateng am meytatanek a kapacilolo na rana jya.

Locya 21:15

Ta ipanta ko inyo so teneng nyo, kaji da makatenngan do ciring nyo a tovisan no maoya ninyo a tao.

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Nimlivolivon 7:35

“Si Moyse rana am ji dakzan no keylyan na a somidong sira. Maniring sira am, ‘Sino nimamnek jimo a yatomalamozong nyamen.’ Am iya rana am nipamnekan ni Ama ta do to a amyokod nira a komaro do Ayci, do kanisomidong na sya no tinsi a nimacisirsiring jya do amlila tazici ang.

Nimlivolivon 7:54

Mamizing da no panipanirsirngen no tao do Yotay o ciring na ni Setiven am meyoyaoya sira a mangisem.

1 Kedinto 1:20

No akman sang am wanjin o teneteneng da no mateneng a tao. Wanjin o teneng da no aro so nivilangan a tao. Wanjin sira o makey a macinekanekad a tao do karawan. So na nipeyolyan sya ni Ama ta do to so teneteneng no tao do karawan abo so angangayan.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 2:12

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 4:7

Am yamen rana am katonodan namen o nyamaog no tana vanga a maspispi. Am o maoran do onowned namen a ciriciring na ni Ama ta do to am tey makdeng. So ikabeken a yamonganay jyamen no oyowyat a meylimwang nya, ta monganay ji Ama ta do to.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.