1 Kedinto 1:26 - Seysyo No Tao

²⁶ Manga kakteh, naknakmen nyo an. Ta akman kamo so wanjin a tao no kapamnek na jinyo ni Ama ta do to. No ahapen ta do tao am apereh jinyo o mateteneng a kano meynakem a tao.

1 Kedinto 1:26 ပူးပေါင်းရင်းမြစ်များ

Locya 1:3

O akman rana sya vazay am ko na nimanlolok a nyapo do atngeh na kangay na do pinangavosan na a ko nipakapya a nipacinanawan. Am ori o ko pancyan ya jimo, mo Tiawveylo.

Locya 10:21

No kanang am nipasaray no Seyzi si Yeso. So nipancyan na no, “Mo Ama a Panirsirngen do teyngato a kado karawan, ko isaray jimo. Ta mo nibengbeng do mapakateneteneng a tao o aro a vazay mo, a mo kapatwaw sya do yamapehbo so nakem da tao, mo Ama do to. Ta o akman rana sang am monganay do nakenakem mo.”

Nimlivolivon 13:12

Macita na ni Secyo Pawlo o akman sang a vazay am anoyngan na rana si Yeso, do kapeyzokab na no oyowyat no ipangnanao da a omagaz ji Yeso.

Nimlivolivon 13:7

Kagagan na o mateneng a panirsirngen no Saypolose a meyngaran si Secyo Pawlo. Nipanci na si Parnapo a kani Sawlo a mai, ta kakzeben na o kamizing na so ciriciring na ni Ama ta do to.

Nimlivolivon 17:34

So niyan no tao a omanoyong ji Yeso a kapacihza da rana ji Pawlo. O asa am asa ka panirsirngen da do Adipako a meyngaran si Tinisyo a kano asa ka mavakes a meyngaran si Tamadi a kano karwan da tao.

Loma 11:29

Ta jyablis o nakenakem na ni Ama ta do to a marilaw no nipamnekan na tao.

1 Kedinto 1:20

No akman sang am wanjin o teneteneng da no mateneng a tao. Wanjin o teneng da no aro so nivilangan a tao. Wanjin sira o makey a macinekanekad a tao do karawan. So na nipeyolyan sya ni Ama ta do to so teneteneng no tao do karawan abo so angangayan.

1 Kedinto 2:13

Ori an, ikabeken a teneteneng no tao o namen inanao jinyo a ciriciring. Ta ciriciring no Seyzi o namen ninanao jinyo a na yanan rana no Seyzi na ni Ama ta do to.

1 Kedinto 2:8

O panipanirsirngen do karawan am abo jira o manoyong a makateneng do pamnemnekan na ni Ama ta do to. No nikatenngan da am jyabo kato da padketan so mazway a Panirsirngen ta do jyojika.

Veydipi 4:22

Sira mamimin o sinjya do jya kano tao do vahay na ni Kaysa a yameyminaminasi ninyo.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

2 Yowani 1:1

Yaken rana am cyozo ko. Yako ipeyteygami imo a yana nipamnekan ni Ama ta do to amraralay nya a mavakes a kano ananak mo. Yatey rako o yako karilawan ninyo. Am beken a yakehen o yamarilaw ninyo, ta yamamimin sira o yamakateneng do nanao ni Ama ta do to a yamarilaw ninyo.