1 Kedinto 1:21 - Seysyo No Tao

²¹ Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 1:21 ပူးပေါင်းရင်းမြစ်များ

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Locya 10:21

No kanang am nipasaray no Seyzi si Yeso. So nipancyan na no, “Mo Ama a Panirsirngen do teyngato a kado karawan, ko isaray jimo. Ta mo nibengbeng do mapakateneteneng a tao o aro a vazay mo, a mo kapatwaw sya do yamapehbo so nakem da tao, mo Ama do to. Ta o akman rana sang am monganay do nakenakem mo.”

Locya 12:32

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

Yowani 12:31

Oya rana o ipacici so tao do karawan. Oya rana o isakeb ni Satan a yatomalamozong no tao do karawan.

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

Loma 11:33

Yatey rako o pangangasyan na ni Ama ta do to. Ta yabo o makahap so teneteneng na. Sino makapatak no ahahapan na sya ni Ama ta do to. Sino makateneng do vazay na.

1 Kedinto 1:18

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

1 Kedinto 1:24

Am do tao do Yotay a kano beken a tao do Yotay a nipamnekan na ni Ama ta do to a omanoyong ji Kizisto am katenngan da si Kizisto a yanan no rako a oyowyat na ni Ama ta do to a kano teneteneng na ni Ama ta do to.

1 Kedinto 1:25

Ta o todalapit a teneng ni Ama ta do to am maharahara pa kano teneteneng no tao. O alikey a oyowyat ni Ama ta do to am rakorako pa kano rako a oyowyat no tao.

1 Kedinto 1:27

Am nipamnekan na ni Ama ta do to o ipangoyongoyod da a jyateteneng a tao do karawan, mangay na ipeyleylak so mapahama so nakem a tao do karawan.

1 Kedinto 11:32

Am o oyyan na nyaten ni Ama ta do to am inanao na jyaten. Ta ori o ji ta macizanoji do ji nganoyong jya tao a peydednan na so peyoyaoyyan na no makwa.

1 Kedinto 2:14

O kabwan no Seyzi na ni Ama ta do to am ji na hap o itoro no Seyzi na ni Ama ta do to. Ta o akman rana sang a tao am ji da tenngi o akman sang a vazay. Ta ipanci da abo so angangayan. Ta o yanan no Seyzi na ni Ama ta do to o makateneng jya.

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

1 Kedinto 6:2

Manngwa, nyo jyatenngi yaten a italamozong na ni Ama ta do to o mapacici so tao do karawan no makwa? No si inyo eya mapacici so tao eya am manngwa, ji nyo rana zavat o likta a vazay?

Cyalatay 1:15

No kaji ko pa nimatazakan a tao am nipamnekan na rana yaken a mahap so vazay na ni Ama ta do to, do karilaw na nyaken.

Cyalatay 4:8

No kakwa pa am ji nyo a tenngi si Ama ta do to. Am ori o ikanoyong nyo a lamlamsoy no makakaday a malas a iraralay nyo.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Ivoso 3:10

Ta na kakzeben ni Ama ta do to o kapakacita da sya no tinsi jyaten a yamraralay nya tao so apiya vazay na kano teneteneng na ni Ama ta do to.

Kelosi 1:19

Ta kakdain na ni Ama ta do to o Anak na macikto jya so kadmayan.

Sipolay 1:14

Ikongo o tinsi. Sira rana am na kalamsoyan sira ni Ama ta do to a somidong so yarana makahap so to meyyonong a ikavyay no pahad da tao.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Yake 4:4

To kamo makasi yaomalalas ji Ama ta do to a tao. Ta manngwa, nyo jyatenngi o kapeykavosoyan na si Ama ta do to no meyparai jya so nakem a tao? So ji na alasi no akman sang a tao a mapeykavosoyan si Ama ta do to.

Yake 5:15

No ipeyhanhan nyo o ngaran na am mavoga na o ingingnen na no makaliliw sya tao. So ikanoyong na rana nikeywakwakan so kataotao. No myan so raraten no tao ori am todavonas rana.

Yake 5:20

manakem nyo an. O tao a nimapaoli so akma ney kakteh do cinai a apo do peyraratenan na am manoyong o akman sang a tao a niomagag sya do peyoyaoyyan na ni Ama ta do to, do kanimavonas na rana no aro a raraten na.