1 Kedinto 1:17 - Seysyo No Tao

¹⁷ Ta o nipamnekan na jyaken ni Kizisto am beken a manaktak. Ta kapeylimwang ko no Mapasaray a Ciriciring na ni Ama ta do to. So ji ko mangozai do teneteneng ko a mangononong. Ta si akman sang am o teneteneng ko a mangononong o ikakza da ahapen no tao, a kaji da na ngapan so oyowyat no mina kawakwak na ni Kizisto do jyojika.

1 Kedinto 1:17 ပူးပေါင်းရင်းမြစ်များ

Yowani 4:1

Mamizing da no tao a macyagom do Vadisay si Yeso a manara so macilocilolo jya a kapakamizing da sya arwaro pa so nitaktakan a kani Yowani.

Yowani 4:2

Am beken a si Yeso o manaktak, ta o macinanao jya am ori o manaktak.

Nimlivolivon 10:48

So pancyan na nira ni Pite a mangozay do ngaran ni Yeso Kizisto a tomaktak jira.

1 Kedinto 2:1

No kangay ko pa jinyo no kakwa pa am ji ko nipatwaw o makdeng a ciriciring ko jinyo a kano teneteneng ko a inanao ko jinyo no kapeylimwang ko no ciriciring na ni Ama ta do to jinyo.

1 Kedinto 2:13

Ori an, ikabeken a teneteneng no tao o namen inanao jinyo a ciriciring. Ta ciriciring no Seyzi o namen ninanao jinyo a na yanan rana no Seyzi na ni Ama ta do to.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 11:6

Tana ko jyateneteneng a meyzezyak am jyabo katonton ko so teneteneng jira mangalalas a tao. So yako ikasangib a yamapacita no akman sang a vazay jinyo.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

2 Pite 1:16

Beken a namen to mangamaog so kavavatanen a namen ipamizing jinyo a yamanci no keypirwa na mai ni Yeso Kizisto a yatey mowyat a Panirsirngen ta. Ta manoyong o kanimakacita namen sya a tey mazway a Tao do to.