1 Kedinto 1:10 - Seysyo No Tao

¹⁰ Manga kakteh, ko vavagan inyo no ngaran ni Yeso Kizisto a Panirsirngen ta akmey asa so ciriciring a ji meykataretarek so nakenakem a malwalovot, akmey asa so onowned, akmey asa so pangozayan.

1 Kedinto 1:10 ပူးပေါင်းရင်းမြစ်များ

Matay 9:16

“Abo tao a mapatapang so vayo a milakayob do adan a ayob. Ta ji macimangno. So ikapising no adan a ayob ang. So ikarakorako na pa no kazamitan na.

Make 2:21

“Abo tao a mapatapang so vayo a milakayob do adan a ayob. Ta ji macimangno. So ikapising no adan a ayob ang. So ikarakorako na pa no kazamitan na.

Make 3:24

No maciraherahet sira so panyokodan o asa ka mahataw am jyabo kapya da.

Yowani 10:19

Mamizing da o aro a ciring ori no tao do Yotay am meyhatay sira so onowned a ji macipaswasovoy.

Yowani 17:23

Ko macikaop jira. Yaka macikaop jyaken a da kakmey yasa rana. So ikanoyong da rana no tao do karawan a makateneng jimo a marilaw no omanoyong jimo a tao. Akman jyaken a yamo ikaglaw a kapakateneng da rana no tao do karawan do kanitomovoy mo jyaken do teyrahem.

Yowani 7:43

Ori o nipeyhatay da so onowned a ji macipaswasovoy.

Yowani 9:16

Maniring o tatasa ka tao a macyagom do Vadisay am, “O yanimapeyvazay so sang a tao am jyabo na kanimapo ji Ama ta do to a. Ta ikongo na ji mangozai do nanao do ipeywalam no tao.” Am maniring sira o karwan da am, “O meyraraten a tao am ikongo na to mapeyvazai so yamapeyzokab a vazay.” Am ori o peyhatay da so onowned a ji macipaswasovoy.

Nimlivolivon 4:32

Omraralay rana ni Yeso a tao am meyyangangay o onowned da. So ikabo no asa ka tao a maveyvow do kangangay na, ta akma dey todalovoci apzapzatan.

Loma 1:13

Yako masangib a yamnakenakem so yako kangay jinyo manga kakteh. Am na katey aro no yamzazat jyaken. Am ori o ko jyangai jinyo do dang. Ta ko ikakza inyo a nanawen a kapeyparo da no tao a omanoyong ji Yeso Kizisto do dang, akman so niomanod a beken a tao do Yotay no keyyan ko pa do ili da no beken a tao do Yotay.

Loma 12:1

Manga kakteh, ko vavagan inyo an. Ta yatey rako na kasyan nyaten ni Ama ta do to. Am ori o torwan nyo no kataotao nyo a italamozong na a komaro do raraten nyo. Ta ori sarayan na ninyo ni Ama ta do to a meyngongyod so onowned a amraralay nya.

Loma 12:16

Peyyangangain nyo o tao a sidongen. Ji nyo pahama o nakenakem nyo, ta pehbowen nyo o nakem nyo. Ji kamo mapakateneteneng.

Loma 15:30

Manga kakteh, ko pangozayan si Yeso Kizisto a Panirsirngen ta kano Seyzi a yamanta nyaten so pangarilawan ta. Inaoy no si ipeynozi nyo yaken.

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

1 Kedinto 1:11

Ta o kararay na ni Kelay a tao am sya jya nimanayotayo so ciring da jyaken. Maniring sira jyaken am yamyan kono jinyo do dang so nyo ipeykataretarek so nakenakem.

1 Kedinto 11:18

Ney manma na am yamyan so tao a yamanci nya jyaken so nyo ikavwavwak a yameykalyalipenpenan so nakenakem no kamo malwalovot a meynozi. Ko anoyngan no kanoyong no yatatasa dang a ciring.

1 Kedinto 12:25

So icyakma dey asa a macisidosidong.

1 Kedinto 3:3

Ta inyo rana am nyo pa pangozayan o icicirawat no tao. Ta amyan pa jinyo so yamanginanahet a kano yamgalagal a tao. O na ikakman sang am kakownongan na no nyo kapacikaop pa do karawan.

1 Kedinto 4:16

Am ori o ko vavagan jinyo a ominara jyaken.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

2 Kedinto 13:9

Tana da ipanci yamen a abo so oyowyat a omwoya ninyo a kakdeng no nakenakem nyo ji Ama ta do to am isaray namen o akman sang. O namen kakzeben am kapeypahagnat nyo so nakenakem ji Ama ta do to.

2 Kedinto 5:20

Lamlamsoy na yamen ni Kizisto. Na nitovoy yamen a amvavaga jinyo. Namen akmey kataotao ni Ama ta do to a manci nya jinyo so: Mamlis kamo rana a omanop si Ama ta do to. Ta ori o ipacikaop na jinyo.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 4:12

Manga kakteh, inaoy si inarahen nyo yaken a ji rana mangozay do iwawalam ni Moyse. Ta beken a iwawalam nyo o kapangozay nyo do iwawalam ni Moyse a beken a tao do Yotay. Am ori o ko sarayan ninyo.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 3:16

Am ji ta ablis so nakenakem a mangozay do manoyong a nanao a nimamizing ta.

1 Tesalonicya 5:13

So karilawan nyo nira ahapen so vazay an. Makapiya kamo so nakenakem do kadwan jinyo an.

2 Tesalonicya 2:1

No si mirwa mai si Yeso Kizisto a Panirsirngen ta no malovot ta amrapong sya manga kakteh am namen kakdain inyo,

1 Timotay 5:21

Yako myan do tangain na ni Ama ta do to a kani Yeso Kizisto a kano tinsi a yamanci nya jimo. So hapan mo so nanao eya an. No si myan so pacicin mo am amizngen mo o manoyong. Peyyangangain mo sira citahen so karatan.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.