Mɑtiyee 21:42 - Nkomine Fal Ritɛlɛ́

⁴² Kei kɛ Yeesu uu pi pisɛ rɛ: Áni nsímɛ́ mmú píkɑi Uléécɑɑ Nsímɛ́ ritɛlɛ́ kɛ́mɛɛ kɛ́ɛ́nlɛ̃ tɛ: Tipɑrɛ kɛ pimɔ́mɛ ɑpi n fóm tɛɛ pɑnsɛ ricírɛ-cirɛ tɛɛ kɛnui-i ń wee? Upíimɑ yɛɛ lɛ̃ wɑ. Mɛwɑisɑŋɑ kuu rɔ́ n yɛ́nɛisɛ yɛ mɛ̃!

Mɑtiyee 21:42 ပူးပေါင်းရင်းမြစ်များ

Mɑtiyee 21:43

Yeesu uu kɔ pimɑ́ɑ pi kpɑ́ rɛ: Lɛ̃ nnyɑ, nɔ́ mpí, nɔ́ɔ nní Uléécɑɑ iyɔɔpi kɛ́mɛɛ ń we, pi yɛ́ ikɛmɛɛ nɔ́ lesɛ ɑpi mpuri féé mɛɛ Uléécɑɑ mɛlɑ n wɑi tonsɛ.

Uléécɑɑ Pitumɛ Mɛwɑi 4:11

Yeesu uyɛ̃ kɛcɑ́ɑ́ kɑi wɔ́lɑɑlɛ̃ tɛ: Tipɑrɛ tɛ̃ kɛ nɔ̃́ pimɔ́mɛ ɑni n fómpɔ, tɛɛ nkpéni pɑnsɛ tikɛcirɛ tɛɛ kɛnui-i ń we.

Rɔm 9:33

Tipɑrɛ tɛ̃ nsímɛ́ mɛɛ Nléécɑɑsimɛ́ ritɛlɛ́ kɛ́mɛɛ wɔ́lɑɑlɛ̃ tɛ: Nɔ yɛ̃ɛ, nɛ Siyɔɔ kɛtẽ-pɔ ripɑrɛ yekeilɛ tɛɛ yɛ pisoi rinkpɔ́usɛ nɛ kupɑrɛcɑŋɑɑ kpɛɛ yɛ pisoi n lóisɛ. Amɑ́ nkó yɛɛ ripɑrɛ tɛ̃ nɛ kɛfɑ n tɛnɛ úu isɛi mɛlukɛ mɑ́.

Efɛɛsi 2:20

Nɔ nkpéni pɑnsɛlɛ kɛ́yɔ kɛɛ m mɔ́mɑɑlɛ̃. Pitumɛ nɛ ɑntepuyɛ pɛɛ kɛrikui. Kirisi Yeesu ricuruu yɛɛ kɛsinui ripɑrɛ.