Epireeyɛ 8:11 - Nkomine Fal Ritɛlɛ́

¹¹ Piukɑ úu yɛ́ pɛɛ uuyucɔ céési. Piukɑ úu yɛ́ kɔ uumɑrɛcɔ símisi rɛ: A Upíimɑ ceri! Asei kɛcɑ́ɑ́, pinnɛ́í yɛ́ nɛ́ céri. Kɑi n kpísi pikɛcɔpɛ kɛwɑ̃́ síńsɑ́pi hɑ́i nɛ uwɛ́ɛ́sɛ kɛ́mɛɛ́-pɔ.

Epireeyɛ 8:11 ပူးပေါင်းရင်းမြစ်များ

Yohɑni 6:45

Li ɑntepuyɛ ɑtɛlɛ́-i wɔ́lɑɑlɛ̃ tɛ: Uléécɑɑ yɛ́ pinnɛ́í céési. Nkó yɛɛ Sɑ́ɑ kutu rińcɔ uu uicélɑɑ kom, yɛɛ yɛ́ kɛnɛ́mɛɛ kɑm.

Uléécɑɑ Pitumɛ Mɛwɑi 8:10

Pisoi nnɛ́í, kɑi n kpísi siwɑ̃́ nɛ piwɛ́ɛ́sɛ yɛ pɛɛ u wɑisɛlɛnlɛ hɑ́i. Api yɛ mɑɑ rɛ: Uléécɑɑ nnɑŋɛ kɑpi yɛ n sée rɛ ńnɑŋɛ mɑɑ mɛɛ usoi nkó kɛ́mɛɛ we.

1 Yohɑni 2:27

Nfɑ́ɑsɔnɛ mmɛ̃ kɛ Uléécɑɑ uu nɔ̃́ n hɛ yɛ nɔ́kɛnɛ́mɛɛ welɛ. Lɛ̃ nnyɑ, ɑ́i nkpɑ́ni pisɛ rɛ pikɛ́ kɔ nɔ̃́ picélɑɑ rikpɑ́. N yɛ́ ḿpɑ́ yo nɔ́ céési yɑrɛ kɑi m pisɛ, nnɔ́ɔmɛ ńn kɛmɛ́ɛ we. Lɛ̃ nnyɑ, ɑni lɛ̃ kɛ Nfɑ́ɑsɔnɛ nn nɔ́ n céesi wɑ, lɛlɛɛ rɛ ɑni Kirisi kupɛ́nɛcɔ kɛ́mɛɛ́ n we.

1 Yohɑni 5:20

Tɔ kɔ nyulɛ rɛ Uléécɑɑ Kɛpipi yɛ kɑlɛ ɑkɛ mɛsɔhɔ rɔ́ hɛ tɔkɛ́ yɛ nɛ Uléécɑɑ yíkíyiki céri. Ukɛpipi Yeesu Kirisi kɛɛ tɔ́ nɛ Uléécɑɑ yíkíyiki uyɛ̃ tipɛ́nɛ tɔn nɛ we. Yeesu Kirisi uyɛɛ Uléécɑɑ yíkíyiki. Uyɛɛ nfɑ́ɑ tɛnɛcirɛ́.