Epireeyɛ 5:8 - Nkomine Fal Ritɛlɛ́

⁸ Ḿpɑ́ kuu nní Uléécɑɑ Kɛpipi, íwɛ kuu n li yɛɛ tíyɛsɛ kuu ipɑkɑrɛ ceri.

Epireeyɛ 5:8 ပူးပေါင်းရင်းမြစ်များ

Mɑtiyee 3:15

Yeesu uu pɛɛ u pɛsɛ rɛ: A riyɑ́ likɛ́ pɛɛ lɛ̃ n we kɛlenɛ. Lɛ̃ kɑri yɛ́ fe ɑrí nɛ lɛ̃ nnɛ́í kɛ Uléécɑɑ uu ń lɑ ńsɔnɛ wɑi. Kuu lɛ̃ ḿ mɑ, Yohɑni uu pɛɛ kóm uu míni u wolɛ.

Yohɑni 10:18

Úkɑ úu nfɑ́ɑ nɛ́ yɔ́su. Nɛ́ɛ rinɛ́cúruu ŋmurɛi rɛ kɛ́ kpu. Nɛ ńnɑŋɛ mɑ́lɛ nɛn yɛ́ kpu ɑm kɔ limɛmɑ́ɑ́ nfɑ́ɑ yɛnu. Lɛ̃ kɛ Unɛ́sɑ́ɑ uu nɛ́ n forii rɛ kɛ́ wɑ yɛ lɛ̃.

Yohɑni 15:10

Nɔn inɛ́sé m múílɛ̃, nnɛ́lɑ kɛ́mɛɛ kɑni lɛ̃ we yɑrɛ kɑm Unɛ́sɑ́ɑ isé rimmúlú ɑm pɛɛ unlɑ kɛ́mɛɛ n we mɛcɔ.

Yohɑni 4:34

Yeesu uu pɛɛ pi mɑɑ rɛ: Inɛ́lukɛ yɛɛ rɛ kɛ́ uyɛɛ nɛ́ n tummɛ mɛlɑ n wɑi, kɛ́ kɔ pikɛi pɛ̃ kuu nɛ́ n forii n wɑi nɛ kɛ́tɔ-pɔ.

Yohɑni 6:38

Li we rɛ ɑ́m kɛyómɛcɑɑ-pɔ súimɛ rɛ kɛ́ mɛnɛ́lɑ wɑ, ɑmɑ́ uyɛɛ nɛ́ n tummɛ mɛlɑ kɑm piwɑi kɑ.

Filipu 2:8

Kuu lɛ̃ umɛcirɛ n wɑisɛ uú n we yɑrɛ sisoipipi, uu pɛɛ umɛcirɛ cɛpisɛ uu Uléécɑɑ pɑkɑrɛ uú hɑ nɛ kpi. Hɑ́i kunɑpɛ́ɛ́kɔɔ́ kɛcɑ́ɑ́ kuu pɛɛ kɔ kpu.

Epireeyɛ 1:2

Ukɛpipi kuú nɛ siyɑ́ɑ tɔrɔɔ nsí kɛ́mɛɛ ritiki uú nɛ rɔ́ símisi. Uyɛ̃ kuu kɔ nɛ ritiki uú nɛ ḿpɑ́ yo wɑi. Lɛ̃ nnyɑ kuu kɔ u wɛ́ɛ uu ḿpɑ́ yo uɑnipɛ-i wɑi rɛ ukɛ́ n te.

Epireeyɛ 1:5

Pikɛcɔpɛ úye kuu kɛtumɛ mɑɑlɛ̃ tɛ: Pɔ Kɛnɛ́pipi lɛ, kɑí nɛ nɛni n kpísi, nɛ́ɛ pɔ́ mɑ́ri? Pikɛcɔpɛ úye kuu kɛtumɛ símɑɑlɛ̃ uú nɛ mɑɑ rɛ: Nɛ́ɛ yɛ́ hɑ Uusɑɑ uyɛ̃ ukɛ́ kɔ Kɛnɛ́pipi?

Epireeyɛ 1:8

Amɑ́ u Ukɛpipi pɔ̃́ nkɔ́ mɑɑ rɛ: Hói Uléécɑɑ, tipɔ́yɔ́ɔpitũ nɛ welɛ nɛ ḿpɑ́ píyei-pɔ. Pɔ ɑsei pɑnsɛsɛlɛ kupɔ́yɔ́ɔpinɑɑpi.

Epireeyɛ 3:6

Amɑ́ Kirisi pɔ̃́ nɛ Kɛpipi lɛ kɛɛ Uléécɑɑ pikɔ́ kɛcɑ́ɑ́ ḿ pɑílɛ̃ ńsɔnɛ. Lɛ̃ kɛ́mɛɛ kuu ɑsei ute. Tɔ́ɔ nní lɛ̃ ukɛyɔ pikɔ́, in tɛ ɑ́ri iwɑmɛ mɑ́, tɔn kɔ tɑ́lɛ̃ in kɔ rɔ́ lɑ́ɑ́rú.