Bisalu bi Bakime 24:14 - Sangu: Isangu (snq) NT

¹⁴ Te nungyenze mayatsi ve wuswagu re magonelaande nzile Fumu yigonetase yawu re nde nzile yiwufure. Te magonedyanzile Nzambi yi bakaage betu ne mane gitu mu maambu mootsu mateendu gu migaande mi mugage ne mi babigitsi.

Bisalu bi Bakime 24:14 ပူးပေါင်းရင်းမြစ်များ

Luke 1:70

Nane re na yambile yandi dyo kale mu mine mi babigitsi baandi basuungeme re:

Luke 16:16

Mugage wu Muyise ne migaande mi babigitsi migobusu ne batu Kwanga ne mu dikyesi di Sa Batise. Baande mu dikyesi dyene musamu wumunyi wu Bufumu bu Nzambi wugoneloonzu, mutu mutu agonerageme mu wunyingene.

Luke 16:29

Abaraam agabusile yandi re: “Baane bangwagu bayi ne migage mi Muyise ne migaande mi babigitsi mu lubuse yawu, bayululu myo.”

Luke 24:27

Kere Sesu anyigule yawu mootsu mateendu mu dyaambu dyandi, gu migaande mi Nzambi. Baande gu migaande mi Nzambi arume Muyise muteende, kwanga ne gu migaande myootsu mirume yandi babigitsi muteende.

Luke 24:44

Kere vane ayambile yawu re: «Ve betsingi me kike nenu, mayambile yenu re: mootsu mayambile migage mi Muyise ne migaande mi babigitsi ne migaande mi Miimbu mu dyaambu dyami, byootsu bine gabiselabene.»

Bisalu bi Bakime 10:43

Babigitsi bootsu bayambile mu yandi re: Mutu wotsu wune gitu mu Sesu, agusiingulu kokolu mu mabi mandi mu dinyaange di dine dyandi.»

Bisalu bi Bakime 13:15

Ve yulu wumane wurange migaande mi migage ne mi babigitsi, bivuunde bi ndagu disaambulu bayambile Pol ne Barnabase re: «Baane ba tayi, yenu ga dine dibigu di wugwaarise piti, sa yambilyanu.»

Bisalu bi Bakime 15:5

Te ma dikabu di bafwarisi babasiinge Nzambi bayambilenge re: «Bweedi mugyere babasaandi Basifu ne wuyambile yawu mugobise mugage wu Muyise.»

Bisalu bi Bakime 19:23

Mu dikyesi dyene gubile dimbunge didinene, mu dyaambu di nzile Fumu.

Bisalu bi Bakime 19:9

Te ma dikabu di batu diseroonde wuyulu, dibuse wusiinge ne didetenge ve wusu piti bootsu babalaande nzile Fumu. Pol ayagene nawu ne ayende ne bayikitsi, re wisi wotsu aloonzenge yawu gu dikoole di mutu wulugu re Tiranose.

Bisalu bi Bakime 22:14

Abeyambile me re: “Nzambi mikoku myetu amane wusoole yu ke kale mure yikeyabe maambu makarondi yandi. Asoole yu mure yikelabe Sesu wusuungeme, ne mure yikeyulu duufi dyandi.

Bisalu bi Bakime 24:22

Feliks ayabenge bweedi dyaambu di nzile Fumu, avitsule bumbaanze mu diyakene di nzime ne wuyambile Basifu re: «Magupase mbaanze dyaambu dyenu vekeruge Lisyas yivuunde gi migole.»

Bisalu bi Bakime 24:5

Yetu ditselabe re mutu wuwu yinwaangu giginene. Agonetumbise diyunge ve ganegare Basifu ba buloongu bwotsu, yandi nubile yivuunde gi yivive gi bisi Nasarete.

Bisalu bi Bakime 25:8

Pol akare manyuru mandi ne wuyambile re: «Masavage dyaambu dibive, nisi mu mugage wu Basifu, nisi mu Ndagu Nzambi, nisi mu Sesar.»

Bisalu bi Bakime 26:22

Te nguu ne gi nemunyi wu, Nzambi agonesike ke me ne magonekoonde ke wubile yimweenyi gyandi ve wusu bootsu, bangyebe ne bivuunde. Babigitsi ne Muyise bamane wuyambile mu maambu makeruge, me, masaandi ne dimosi diwukoonde.

Bisalu bi Bakime 26:27

Maate Agripa, yine gitu mu mabigu ma babigitsya? Masetsiimbu re yine gitu.»

Bisalu bi Bakime 26:4

Basifu bootsu bayatsi monyu wami baande gu buleengi bwami. Basetsiimbu napakenge me baande ve dibaandu, gu Serusalem ve ganegare yitsuku gyami.

Bisalu bi Bakime 26:6

Maketsuundusu nemunyi mumbare mane gitu mu ndagi yivage Nzambi gu mikoku myetu.

Bisalu bi Bakime 28:22

Te yetu digoneroonde re yisupuli yetu magonetaase yu, mumbare disetsiimbu re mu bambure tsyotsu batu bagoneyambilile yine dikabu dyagu ke maambu mabive.»

Bisalu bi Bakime 28:23

Bakumeke ba Basifu ne Pol basoole wisi wubengunu, ne wisi wene baruge gu mbugandi. Diyakene didi, baruge mbili. Baande yipali nguu ne tsisige, Pol ayambile yawu mavindugulu, ne aloonze yawu ne mu dyaambu di Bufumu bu Nzambi. Ayambile yawu mu Sesu ne amaange wukaluse mataase mawu. Mu dyo araange mugage wu Muyise ne migaande mi babigitsi.

Bisalu bi Bakime 3:13

Nzambi yisaambile Abaraam ne Isaak ne Sakob, mikoku myetu, aritsige bunduumbe bu musalitsi wandi Sesu. Yenu bene digabe yandi gu bivuunde ne yenu dibuse yandi ve wusu Pilate, nane Pilate aroonde wunyangumuse yandi.

Bisalu bi Bakime 5:30

Nzambi mikoku myetu afwangule Seswene yigomine yenu ve kurusu nubokise.

Bisalu bi Bakime 7:32

“Mare Nzambi yi bakaage bagu, Nzambi yi Abaraam, Nzambi yi Isaak ne Nzambi yi Sakob.” Muyise nuregeme ne wome, asebepuke wumonige.

Bisalu bi Bakime 9:2

Atombe yandi migaande mi wusiingise yandi munyingene mu bandagu ba masaambulu tsi gu Damas, mure ga adagise batu, babagele vo bagyetu, balaande nzile Fumu, akegaange yawu muyende nawu gu Serusalem.