Bisalu bi Bakime 21:8 - Sangu: Isangu (snq) NT

⁸ Ne ngwaali yine, yetu dibegabugile munyalu ne dipule gu Sesaré. Vane, dinyingene gu ndagu yi Filip, muloonzi wu Musamu Wumunyi. Yandi bile re wumoosi va pwase babagele tsaambu basoolu gu Serusalem ne yetu ditsagele gu ndagwandi.

Bisalu bi Bakime 21:8 ပူးပေါင်းရင်းမြစ်များ

Bisalu bi Bakime 10:1

Gu bile gu Sesaré dibagele ditsitsungu re Korneye, abile yivuunde gi dikabu di kame migole mi rome dikatsitsu re: dikabu di Itali.

Bisalu bi Bakime 16:10

Ve yulu yivivulu gilabe Pol, yetu diroonde wuyende nyavu gu Masedwane mumbare diyulusu re Nzambi yabene re wutsitse yetu guloonze Musamu Wumunyi guune.

Bisalu bi Bakime 16:13

Mu wisi wukaloogi Basifu, yetu divate mu wuyende bebele ne mwaambe wutaasenge yetu re Basifu bakadugeseni vane mu wusaambile. Vebile dikabu di bagyetu bagukegene vane. Yetu ditsagele ne diyambile nawu.

Bisalu bi Bakime 16:16

Wisi wumoosi, yetu diyende gu yibeengunu gi disaambulu. Dibeengunu ne musalitsi wumoosi wu mugyetu. Yandi abile ne dinyunyi di bive di wusoke. Bafumu baandi badilenge mbili badole musoke wene.

Bisalu bi Bakime 18:22

Pol apule gu Sesaré, ayende gu Serusalem gu yubule dibuundu, ve yulu vane ayende gu Antyose.

Bisalu bi Bakime 20:13

Yetu disome mareege mu dibatu mu wuyende gu Asos gu dikekudule Pol, nayambile yabene, mumbare aroonde wuyende mu nzile yi tsi.

Bisalu bi Bakime 20:6

Gu yetu, dinakeme mu dibatu gu yiseni gi Filipe, ve vyoge diyayi di mape maga putu ne yisemu. Tsufu yiraanu ne wuvyoge, didagise yawu gu Trowas gu mane yetu tsonu yi fwiimbe.

Bisalu bi Bakime 21:16

Dikabu di bayikitsi ba divule di Sesaré bayende gu wusunze yetu. Bayende netu gu mutu wulugu re Menason mwisi niingi yi Sipre, muyikitsi wukale ne kale. Gu mbugandi re gu laame yetu.

Bisalu bi Bakime 23:23

Ve pwase migole myandi, yivuunde gi migole atsitse mibeyi ne ayambile yawu re: «Gukiganu kame beyi tsi migole babane mayenge, magumi tsaambu ma migole babakeyende mu baseval ne kame beyi tsi migole babane makongu. Bilanu bootsu batsonzeme mu wuyende gu Sesaré ve magwere yiwe ma tsisige.

Bisalu bi Bakime 27:1

Va tuungu dyo re diguyende mu dibatu gu Itali, Pol ne bisi tsugu bamosi bayakusu gu Sulyus yivuunde gi kame migole mi Rome. Yandi abile gu nguunge yi migole mikadyanzili yivuunde giginene gi Rome.

Bisalu bi Bakime 28:11

Ve vyoge migweli mireru, yetu diyende mu dibatu diburungu gu divule di Alekesandi. Dine di dyo re Kastor ne Poluks, dyo divyose dikyesi di mosu gu yiseni gi niingi.

Bisalu bi Bakime 28:16

Ve pule yetu gu Rome, Pol asiingusu wubile gu ndagu yiyapiinze, ne mugole wumoosi wu wukyele yandi.

Bisalu bi Bakime 6:5

Dibuundu dyotsu disiinge ditaase dyene. Ne vane, basoole Ityene, dibagele dibase ne gitu ne Dinyunyi Disuungeme, kere ne Filip ne Prokore ne Nikanor ne Timu ne Parmenas ne Nikolas mwisi divule di Antyose, wusiinge wusaambile Nzambi Basifu.

Bisalu bi Bakime 9:30

Ve yulu babasiinge Nzambi dyo, bayende ne Sol gu Sesaré, gu yawu bayenze yandi gu Tarse.