Bisalu bi Bakime 20:7 - Sangu: Isangu (snq) NT

⁷ Mu wisi wu mareege wu tsonu, dibeengunu mu wugabene dipe. Pol mbe wumende ne ngwaali yine ayambile ne baane ba tayi. Adaavise musamu wandi nguu ne ve murime dibati.

Bisalu bi Bakime 20:7 ပူးပေါင်းရင်းမြစ်များ

Luke 22:19

Kere vane aboonge dipe. Ve mane yandi wugabuse dinyi gu Nzambi, atabule dipe ne agabile bayikitsi nuyambile re: «Dipe didi re nyurwani yikeveegu mu yenu. Yangenganu dyo mu wutasilenge me.»

Luke 24:35

Bayikitsi babeyi banyigule bambaatsi maambu mavyoge mu nzile ne bayambile re: «Ditseyabe Sesu keke mu dikyesi di yandi atsegabile yetu dipe.»

Bisalu bi Bakime 16:10

Ve yulu yivivulu gilabe Pol, yetu diroonde wuyende nyavu gu Masedwane mumbare diyulusu re Nzambi yabene re wutsitse yetu guloonze Musamu Wumunyi guune.

Bisalu bi Bakime 2:42

Ne ikodi, bootsu bayulungu maambu maloonzwa yawu ne bakime, mubile ne yinoongu va ganegare baane ba nguyi, mugabene yilaambu ne musaambile mbure mosi.

Bisalu bi Bakime 2:46

Bawisi bootsu, ne murime wumoosi babeengunungu gu Ndagu Nzambi. Bayangenge bilaambu byawu ke dipute gu bandagu bawu ne yinyunge ne mirime ne veele.

Bisalu bi Bakime 20:11

Kere vane Pol abemake, agabe dipe ne ayi. Abedaavise wuyambile nguu ne ve gi wisi, kere ayende.

Bisalu bi Bakime 20:31

Kagu bilanu musigi! Ne bangulanu re: mu bilime bireru, ne dibati ne nyangu, mavure wuloonge mutu mutu va pwasenu ne matsange mu miisu.

Bisalu bi Bakime 20:5

Yawu baregile, baviingile yetu gu Trowas.

Bisalu bi Bakime 20:9

Vane ve bile mufudu dibagele wulugungu re Etike, matsagele ve tuungu pangele. Ve daavise Pol musamu wandi, Etike atobe gyolu, ne alage baande gu ndilu yi mureru yi ndagu ndeki kwanga ne gu tsi. Asiimbulu keke amafu.

Bisalu bi Bakime 28:23

Bakumeke ba Basifu ne Pol basoole wisi wubengunu, ne wisi wene baruge gu mbugandi. Diyakene didi, baruge mbili. Baande yipali nguu ne tsisige, Pol ayambile yawu mavindugulu, ne aloonze yawu ne mu dyaambu di Bufumu bu Nzambi. Ayambile yawu mu Sesu ne amaange wukaluse mataase mawu. Mu dyo araange mugage wu Muyise ne migaande mi babigitsi.