Bisalu bi Bakime 20:24 - Sangu: Isangu (snq) NT

²⁴ Mu me, monyu wami wusaandi ne tsoongu. Te digoneroonde me ke wumanisile yisalu gyami ne wuvage byootsu birumu me ne Fumu Sesu: wuvage bumweenyi bu Musamu Wumunyi wu gyese gi Nzambi.

Bisalu bi Bakime 20:24 ပူးပေါင်းရင်းမြစ်များ

Luke 16:28

mumbare mane baane ba maame baraanu bababagele. Ayendi mu wulubuse yawu mure bakereruge ne yawu gu yitsige gi maguge gigi.”

Bisalu bi Bakime 1:17

Nane Suda ne yandi abile ga yetu gu dikabu di bakime. Avagenge mudyanzu wumoosi netu.

Bisalu bi Bakime 11:23

Ve tsoombugu yandi, alabe nave Nzambi aveege mwile gu batu babasiinge Fumu. Alabe wunyi wumbili ne agwaarise yawu mulaande Fumu ne murime wawu wotsu.

Bisalu bi Bakime 13:25

Ve mane Sa yisalu gyandi ayambile re: “Yenu dikataasi nde re, mande nyi? Masaandi wu yenu digonevingile. Te yulwanu: Agwitse ve yulwami, te masaandi nisi nguu mu wuburule mataambi mu byoru byandi.”

Bisalu bi Bakime 14:3

Nisi nane, Pol ne Barnabase bavyose mbili batsufu gu Ikonyume. Bayambilenge guga wome, babasu ne gitu mu Fumu. Fumu aveege yawu dinyaange diwuvage bimwiile ne bimage biritsigenge yimwanze gi maambu maloonzenge yawu mu gyese gi Nzambi.

Bisalu bi Bakime 15:7

Mutsuundu wubile wumunene, ne vane Pyere ateleme ne ayambile re: «Baane ba maame, yenu diyatsi re, Nzambi asoole me kekale ne kale, ve ganegarenu mure makeloonze Musamu Wumunyi gu babasaandi Basifu. A vane baguyulu ne bagusiinge Nzambi.

Bisalu bi Bakime 18:5

Te ve burugu Silas ne Timuti gu Masedwane ne wupule gu Korinte, Pol avyose dikyesi dyandi dyotsu ne wuloonze mabigu ma Nzambi. Asupule gu Basifu re Sesu re Wusoolu ne Nzambi,

Bisalu bi Bakime 20:21

Matsitse Basifu ne yawu babasaandi Basifu mu wugyelugu gu Nzambi ne mu wusiinge Fumwetu Sesu.

Bisalu bi Bakime 20:23

Te mu mavule mootsu, Dinyunyi Disuungeme digonelubuse me re magutsoge ne magunyingene tsugu.

Bisalu bi Bakime 20:32

Ne mapape, makeyakise yenu gu Nzambi ne mu mabigu mandi ma gyese gyandi. Mabigu mene mane dinyaange diwugwaarise gitu gyenu. Mu mo gaandi, Nzambi arungule wuveege mikwanyi misile yandi baandi.

Bisalu bi Bakime 21:13

Te ayagule re: «Mugi yenu digonelile mu wutsirise me murime? Me, make nguu mu wuyende katu ne wuboku gu Serusalem mu dine di Fumu Sesu.»

Bisalu bi Bakime 22:21

Fumu ayambile me re: “Yende, makesindige yu gu vale, gu tselu yi babasaandi Basifu.”»

Bisalu bi Bakime 9:15

Te Fumu ayagule yandi re: «Yende, mumbare matsesoole yandi mu dyanzile me: Aguyabise dine dyami gu batu ba beenyi ne gu bamaate bawu, kere ne gu bisi Israel.