Bisalu bi Bakime 2:39 - Sangu: Isangu (snq) NT

³⁹ Re dibaandu Nzambi aveege ndagi gu yenu ne gu baane benu kere ne gu batu babagonepake gu vale, ne bootsu baketsitsu ne Fumu Nzambyetu.»

Bisalu bi Bakime 2:39 ပူးပေါင်းရင်းမြစ်များ

Bisalu bi Bakime 10:45

Babaande wuyambile mu maloongu magayulu yawu ne wugitse wunene wu Nzambi. Ve Basifu babasiinge Sesu babaruge ne Pyere bayulungu mayambilenge yawu, bavure wugibeme, mumbare Nzambi abase batu babasaandi Basifu ne Dinyunyi Disuungeme. Kere Pyere ayambile re:

Bisalu bi Bakime 14:27

Ve pule Pol ne Barnabase gu Antyose yi Siri, badugise batu ba dibuundu. Banyigule mootsu mavage Nzambi nawu ne bayambile yawu nave tsibule Nzambi nzile yi gitu gu batu babasaandi Basifu.

Bisalu bi Bakime 15:14

Simu atsenyigule manenu nave soole Nzambi yitsuku gikebile gyandi ve ganegare babasaandi Basifu.

Bisalu bi Bakime 15:3

Dibuundu aveege yawu bibile nawu ne nzale mu munyalu. Bavyoge Fenisi ne Samari, nuyambile nave gyelugu babasaandi Basifu gu Fumu. Tsaangwene yilabise wunyi gu bootsu babasiinge Nzambi.

Bisalu bi Bakime 15:8

Nzambi ayatsi mirime mi batu. Aritsige re asiinge yawu babasaandi Basifu. Diyatsi dyo, mumbare aveege yawu Dinyunyi Disuungeme naveegu manenu.