Bisalu bi Bakime 2:22 - Sangu: Isangu (snq) NT

²² Batu ba Israel, yulwanu dimekeyambile yenu: Nzambi aritsige yenu ne veele re Sesu mwisi Nasarete bile mutu wusindige yabene. Mumbare yabene Nzambi re wuveege Sesu dinyaange diwuvage bimwiile ne biliimbe ne maambu ma biviinge ve ganegarenu, na yatsi yenu bene.

Bisalu bi Bakime 2:22 ပူးပေါင်းရင်းမြစ်များ

Luke 11:20

Nungyenze magonepunze manyunyi mamabi nde ne ngudi yi Nzambi, re divindugulu muloonze re Bufumu bu Nzambi butseruge kwanga ne gu yenu.

Luke 18:37

Batu bayagule yandi re: «Nde Sesu mwisi Nasarete agonevyoge.»

Luke 24:18

Wumoosi ve ganegarawu wulugu re Kelopase ayagule yandi re: «Bisi Serusalem bootsu bayatsi maambu matsevyoge mu batsufu tsitsi! Ne yipiinze yiseyabe mo?»

Bisalu bi Bakime 13:16

Pol ateleme, asiimbule googu ne ayambile re: «Batu ba Israel ne yenu bamosi badine kyere Nzambi, yulwanu!

Bisalu bi Bakime 14:27

Ve pule Pol ne Barnabase gu Antyose yi Siri, badugise batu ba dibuundu. Banyigule mootsu mavage Nzambi nawu ne bayambile yawu nave tsibule Nzambi nzile yi gitu gu batu babasaandi Basifu.

Bisalu bi Bakime 2:19

Magulabise maambu ma biviinge gu yulu ne biliimbe bi bimwiile gu tsi: Gugubile maluungu ne mbaawu ne bipume bi nzumbili,

Bisalu bi Bakime 2:43

Mutu mutu abile ne kyere, mumbare Nzambi avagisenge ne bakime mbili maambu ma biviinge ne bimwiile.

Bisalu bi Bakime 21:28

ne mindunge re: «Batu ba Israel, tsiyamunyanu yetu! Rawu, mutu wugoneloonze mu bitsige byootsu ne gu batu bootsu mu wukole yitsuku gyetu ne mugage wetu ne Ndagu Nzambi! Atsenyingise nisi babasaandi Basifu gunu, ne atsevage nzoruru mburene yi reel.»

Bisalu bi Bakime 22:8

Matombe re: “Fumu, yinde nyi?” Duufi diyagule me re: “Mare Sesu mwisi Nasarete, mare wuyigonetsogise.”

Bisalu bi Bakime 24:5

Yetu ditselabe re mutu wuwu yinwaangu giginene. Agonetumbise diyunge ve ganegare Basifu ba buloongu bwotsu, yandi nubile yivuunde gi yivive gi bisi Nasarete.

Bisalu bi Bakime 26:26

Maate Agripa atseyulu maambu mane mootsu re disine magoneyambile guga wome va wuswandi. Mayatsi nungyenze re asetsiimbu maambu mane mootsu, mumbare mo masevyoge gu mbure yi diswele.

Bisalu bi Bakime 26:9

Mabene matasenge nde re ne masuge mootsu magukubise dine di Sesu mwisi Nasarete mu wukume.

Bisalu bi Bakime 3:12

Ve labe Pyere nane, ayambile ne piti re: «Batu ba Israel, mugi yenu dimagibeme mu dyaambu dimavyoge vave? Mutu wuwu asateleme mu ngudi yi yetu bene konane mumbare diyibatareme ne Nzambi.

Bisalu bi Bakime 3:6

Ve yulu vane, Pyere ayambile yandi re: «Masaandi nisi ne badole, nisi ne lor, te makeveege yu gi nami: mu dine di Sesu Kristi Wusoolu ne Nzambi, mwisi Nasarete, teleme, yendenge!»

Bisalu bi Bakime 4:10

Vane, bweedi yenu diyabi dyo, yenu bootsu, ne yitsuku gyotsu gi Israel: Ga mutu wuwu ayi ve wuswenu ne buvinyi, nde mu dinyaange di dine di Sesu mwisi Nasarete Wusoolu ne Nzambi, wugomine yenu va kurusu, wuraambusu ne Nzambi ve ganegare bafuumbi.

Bisalu bi Bakime 5:35

Kere ayambile ne bababile vane re: «Batu ba Israel, diraambile mu dikevage yenu mu batu babe.

Bisalu bi Bakime 6:14

Yetu ditseyulu natseyambilenge yandi re Sesu yiyi yi mwisi Nasarete agupanze Ndagu Nzambi ne agukaluse maambu maloonzu yetu ne Muyise.»