Bisalu bi Bakime 19:21 - Sangu: Isangu (snq) NT

²¹ Ve vyoge maambu mene, Pol akate munyalu wuyende gu Serusalem, te aroonde wuvyoge kinde gu miseengi mi Masedwane ne Akayi. Ayambile re: «Va yulu wuburugu gu Serusalem, bweedi mareyende gaandi ne gu Rome.»

Bisalu bi Bakime 19:21 ပူးပေါင်းရင်းမြစ်များ

Bisalu bi Bakime 16:12

Kere diyende gu Filip, divule di yirini gi museengi wu Masedwane. Batu babatsagelenge gu divule dyene babilenge ne manyi ne manyaange ga bisi Rome. Yetu divyose mbili batsufu gu divule dyene.

Bisalu bi Bakime 18:12

Mu dikyesi dibile Galiyon muverner wu Rome gu Akayi, Basifu bayulusunu ne babage Pol ve wusu misaambu.

Bisalu bi Bakime 18:21

Ne alagile yawu nuyambile re: «Magugabugu gu yenu, ga Nzambi aroonde.» Kere vane aburugu gu Ifese mu dibatu.

Bisalu bi Bakime 19:22

Asindige babeyi va pwase bayamunitsi baandi gu Masedwane, bile re Timuti ne Eraste, te yabene asaale ma pesu dikyesi gu Asi.

Bisalu bi Bakime 19:29

Dimbunge didugulu divule dyotsu, batu bootsu bakuunge gu mbure yiyinene yikavagu bingane. Badutumune Gayuse ne Aristarke, bootsu babeyi bisi Masedwane bambaatsi ba minyalu ba Pol.

Bisalu bi Bakime 20:16

Pol aseroonde wusikeme ve Ifese, mure akerevyose dikyesi gu museengi wu Asi. Akube mu wupule gu Serusalem mu wisi wu Pentekote, ga diyelimine.

Bisalu bi Bakime 20:22

Te ne mamape, makeyende gu Serusalem. Dinyunyi Disuungeme digonerume me mu wuvage dyo. Maseyabe dyaambu dikerugile me guune.

Bisalu bi Bakime 21:17

Ve tsoombuge yetu gu Serusalem, baane ba tayi bayake yetu ne yinyunge.

Bisalu bi Bakime 21:4

Gu Tire didagise bayikitsi ne yetu divyose tsonu nawu. Ve lubusu yawu ne Dinyunyi Disuungeme, bayambile Pol re: «Yiyayende gu Serusalem!»

Bisalu bi Bakime 23:11

Dibati dyene, Fumu atutugile Pol ne ayambile yandi re: «Gware! Yibetsi yimwenyi gyami gunu, gu Serusalem. Bweedi yibili gaandi yimweenyi gyami gu Rome.»

Bisalu bi Bakime 27:1

Va tuungu dyo re diguyende mu dibatu gu Itali, Pol ne bisi tsugu bamosi bayakusu gu Sulyus yivuunde gi kame migole mi Rome. Yandi abile gu nguunge yi migole mikadyanzili yivuunde giginene gi Rome.

Bisalu bi Bakime 27:24

Atseyambile me re: “Pol, yiyayulu wome! Bweedi re yitsuundusu ne Sesar, ne Nzambi mu diroonde dyandi mu yu agusise yu monyu ne gaandi gu bootsu babagoneyende nagu gu munyalu.”

Bisalu bi Bakime 28:16

Ve pule yetu gu Rome, Pol asiingusu wubile gu ndagu yiyapiinze, ne mugole wumoosi wu wukyele yandi.