Bisalu bi Bakime 15:22 - Sangu: Isangu (snq) NT

²² Ve yulu vane, bakime ne bivuunde ne dibuundu dyotsu, bayulusunu mu wusoole batu ve ganegarawu mu wusindige yawu ne Pol ne Barnabase gu Antyose. Kagu basoole re Sude, wutsitswa re Barsabase, ne Silas. Batu bene bile batu badigobe ve pwase baane ba Tayi ba dibuundu.

Bisalu bi Bakime 15:22 ပူးပေါင်းရင်းမြစ်များ

Bisalu bi Bakime 1:23

Kere vane batelige babagele babeyi: Susefu ne Matyas. Susefu abile ne mine mamosi, Barsabase ne Sustus.

Bisalu bi Bakime 11:19

Batu bapanzige tselu ne tselu, mumbare batsogusungu ve yulu difu di Ityene. Bane ve ganegarawu bayende nguu ne gu museengi wu Fenisi, gu niingi yi Sipre ne gu divule di Antyose. Te yawu baloonze musamu wu Nzambi ke gu Basifu piinze.

Bisalu bi Bakime 11:20

Nane bane batu ve ganegarawu baburugu gu Sipre ne gu divule di Sirene, bayende gu Antyose guloonze Musamu Wumunyi wu Fumu Sesu keke gu batu babasaandi Basifu.

Bisalu bi Bakime 11:22

Batu ba dibuundu di Serusalem bayulu dyo, ne vane basindige Barnabase gu Antyose.

Bisalu bi Bakime 11:27

Mu dikyesi dyene, babigitsi baburugu gu Serusalem mu wuyende gu Antyose.

Bisalu bi Bakime 15:23

Baveege yawu mugaande wuteendu re: «Bakime ne bivuunde bi dibuundu baveege bambolu gu baane ba tayi babasaandi Basifu, babakatsageli gu Antyose ne gu miseengi mi Siri ne mi Silisi.

Bisalu bi Bakime 15:25

Re dibaandu batu bootsu bayulusunu mu wusoole batu mu wusindige gu yenu. Bayi mu yiloonge ne bambaatsi betu ba murime, Barnabase yane Pol,

Bisalu bi Bakime 15:27

Kagu dikesindigile yenu Sude ne Silas bakekuunze wunyigule yawu bene maambu madimateende mu mugaande wuwu.

Bisalu bi Bakime 15:3

Dibuundu aveege yawu bibile nawu ne nzale mu munyalu. Bavyoge Fenisi ne Samari, nuyambile nave gyelugu babasaandi Basifu gu Fumu. Tsaangwene yilabise wunyi gu bootsu babasiinge Nzambi.

Bisalu bi Bakime 15:30

Ve mane yawu wulagile dibuundu, bayende gu Antyose, guune, badugise dibuundu dyotsu ne bayakise yawu mugaande.

Bisalu bi Bakime 15:32

Sude ne Silas bababile yawu bene babigitsi, bavure wuloonge baane ba tayi mu wugwaarise yawu ne mu wusike gitu gyawu.

Bisalu bi Bakime 15:40

Pol asoole Silas. Ve mane wuyakusu Pol ne baane ba tayi mu gyese gi Nzambi, ayende.

Bisalu bi Bakime 16:19

Ve labe bafumu baandi re muyiilu wawu wumavate, bagaange Pol ne Silas. Badutumune yawu ve ngangele ve wusu bivovi.

Bisalu bi Bakime 16:25

Ve ganegare dibati, Pol ne Silas basaambilenge ne bayimbenge miimbu ma Nzambi. Bisi tsugu bamosi bayulungu.

Bisalu bi Bakime 16:29

Mukyelitsi atombe bapage. Ayende bambaangu gugare yirini gi ndagu tsugu ne wuregeme, asume magonungu ve wusu Pol ne Silas.

Bisalu bi Bakime 17:10

Ve tsime wisi, baane ba tayi bababise wuyenze Pol ne Silas gu Beré. Ve pule yawu, banyingene gu ndagu disaambulu yi Basifu.

Bisalu bi Bakime 17:14

Ne vane baane ba tayi baleenge wuyenze Pol gu tselu yi mubu; te Silas yane Timuti basaale ke gu Beré.

Bisalu bi Bakime 17:4

Dikabu di Basifu basiinge maambu mene, ne baputegene ne Pol yane Silas. Nane re navage yinoombu gi Bagreke gibile ne kyere Nzambi Basifu, ne mbili bagyetu bababile ne manyaange.

Bisalu bi Bakime 18:5

Te ve burugu Silas ne Timuti gu Masedwane ne wupule gu Korinte, Pol avyose dikyesi dyandi dyotsu ne wuloonze mabigu ma Nzambi. Asupule gu Basifu re Sesu re Wusoolu ne Nzambi,

Bisalu bi Bakime 8:14

Ve yulu bakime bababile gu Serusalem re bisi Samari batsesiinge musamu wu Nzambi, basindigile yawu Pyere ne Sa.