Bisalu bi Bakime 14:26 - Sangu: Isangu (snq) NT

²⁶ Kere vane bapeke mu dibatu mugabugu gu Antyose yi Siri. Gu divule dyene re gu yakusu yawu mu gyese gi Nzambi mu yisalu gimavage yawu.

Bisalu bi Bakime 14:26 ပူးပေါင်းရင်းမြစ်များ

Bisalu bi Bakime 11:19

Batu bapanzige tselu ne tselu, mumbare batsogusungu ve yulu difu di Ityene. Bane ve ganegarawu bayende nguu ne gu museengi wu Fenisi, gu niingi yi Sipre ne gu divule di Antyose. Te yawu baloonze musamu wu Nzambi ke gu Basifu piinze.

Bisalu bi Bakime 11:20

Nane bane batu ve ganegarawu baburugu gu Sipre ne gu divule di Sirene, bayende gu Antyose guloonze Musamu Wumunyi wu Fumu Sesu keke gu batu babasaandi Basifu.

Bisalu bi Bakime 11:23

Ve tsoombugu yandi, alabe nave Nzambi aveege mwile gu batu babasiinge Fumu. Alabe wunyi wumbili ne agwaarise yawu mulaande Fumu ne murime wawu wotsu.

Bisalu bi Bakime 11:26

Ve dagise yandi Sol, abege yandi gu Antyose. Yawu bootsu babeyi bavyose yilime gi fwiimbe gu dibuundu dyene. Baloonze mbili batu. Gu Antyose re gubaande tsitsu dimareege balaanditsi re, bakeriti.

Bisalu bi Bakime 11:27

Mu dikyesi dyene, babigitsi baburugu gu Serusalem mu wuyende gu Antyose.

Bisalu bi Bakime 14:19

Basifu baburugenge gu Antyose yi Pisidi ne gu divule di Ikonyume, barimbule piti. Ne vane, banoonge Pol mamanyi, kere badutumune yandi ne bavatise yandi gu divule, bataasenge nde re atsefu.

Bisalu bi Bakime 14:21

Gu divule di Derbé, Pol ne Barnabase baloonze Musamu wu Munyi. Nzoku batu bakalugu balaanditsi. Kere vane bagabugu gu Listre ne gu Ikonyume ne gu Antyose yi Pisidi.

Bisalu bi Bakime 14:23

Mu mabuundu mootsu, Pol ne Barnabase basoole bivuunde; ve mane yawu wusaambile ne wumine kugi, bayakise yawu gu Fumu yibile nawu ne gitu.

Bisalu bi Bakime 15:22

Ve yulu vane, bakime ne bivuunde ne dibuundu dyotsu, bayulusunu mu wusoole batu ve ganegarawu mu wusindige yawu ne Pol ne Barnabase gu Antyose. Kagu basoole re Sude, wutsitswa re Barsabase, ne Silas. Batu bene bile batu badigobe ve pwase baane ba Tayi ba dibuundu.

Bisalu bi Bakime 15:30

Ve mane yawu wulagile dibuundu, bayende gu Antyose, guune, badugise dibuundu dyotsu ne bayakise yawu mugaande.

Bisalu bi Bakime 15:40

Pol asoole Silas. Ve mane wuyakusu Pol ne baane ba tayi mu gyese gi Nzambi, ayende.

Bisalu bi Bakime 20:32

Ne mapape, makeyakise yenu gu Nzambi ne mu mabigu mandi ma gyese gyandi. Mabigu mene mane dinyaange diwugwaarise gitu gyenu. Mu mo gaandi, Nzambi arungule wuveege mikwanyi misile yandi baandi.