Luka 4:8 - Siane Lambau

⁸ Feto loto lomuito, Yesukafo ha liwila oto feto loto lomuibo, Ena ha ma feto libo, Wenaba Gotitina huliya li faka loti weudina-lutina-hatina muti, eimolako houba-naba o edalo, loto ha mono lufuwau (Lo 6:13) ya nebo ne, loto lomuiye.

Siani Komongu

⁸ Eti loto loumaito, Yesukafo ka itibito eti loto loumami, Ena ka ma eti limo, Wekola Gotitina kuliya olu faka loti oudi-luti-kati umuti, aimolako kouba-naba o edalo, loto ka mono lufuwau (Lo 6:13) ya nemo ne, loto loumaiye.

Luka 4:8 ပူးပေါင်းရင်းမြစ်များ

Matiu 16:23

Lomuito, Yesu elepa ito libo, Sataniyo, negeka uwa. Hemo ya hefanalo hine uteba inabo hefana yaidana oto minane. Goti hala kibo yaidana oto haka kiyámoto, aifa mikalo wenina hatina kiyabo yaidana oto haka kiyanibo ne, loto lomuiye.

Matiu 4:10

Yesukafo libo, Ha mono lufuwau feto libo, Wenaba Gotitina weudina-lutina-hatina muti eimolako hidina obula fiti houba-naba o edalo, loto libo (Lo 6:13) nenako, yagunu Sataniyo, nemodokati faiga uwowo! loto lomuiye.

Luka 4:4

Lomuito, Yesukafo ha liwila oto feto loto lomuibo, Wenina mino holinabo ya wetina-idafa nanabo yako minámiye, loto ha mono lufuwau (Lo 8:3) ya nebo ne, loto lomuiye.

Luka 4:7

Yagunu huline li faka loto weuga-luka-haka nomagetoma, idafawa muki ya hemo idafaka anaiye, loto lomuiye.

Yemusi 4:7

Yagunu ya hemotina utina-hulitina iti lumuti Goti halalo meyalo molalo. Hamade hi-hi aibo we Satani ya fina fi muwato, moda fulo betitoto holi unaiye.

1 Pita 5:9

Ena mono weninatina mikau-mikau ya henawa ayaidanako oloto pi beti fulitaibo ne, loti holi minanako, yagunu holi hikitina auba iti sinoi minoti, fina fi muilo.

Oloto Pibo Ha 19:10

Feto lito, weune-lune-hane munogolowe, loto hinalo hine obula fiyofa, feto libo, Hemo feto feyámo. Nemokafo hemogi ido hounakafo-mota Yesu ha ona hula ya oloto pi ledaibo ya holi hikito li-li abo we yamaidana oto Goti houba-nabala we minowe. Hemo Goti yako weuga-luka-haka muto huliya li faka lo. Yagunu Yesu hala ona hula ya oloto pi ledaibo yakafo polofeti hala ukuwa lo oloto molanae, loto mino o betibo ne, loto lonumibo ne.

Oloto Pibo Ha 22:9

ido emokafo, Hemo feto feyámo. Nemo ya hemogi ido hounakafo-mota polofeti ido lo oloto molaibo ha bukuwa negu ya meyalo molo-molo abo wenina muki yagi maina houba-nabala we ya minone. Yagunu Goti yako weuga-luka-haka muto, huliya li faka lo mino, loto lonumiye.