Lomu 3:4 - Siane Lambau

⁴ E’e, feito minámiye. Wenina muki ya sugi monako molo minae, loto wa betiyanogoloba, ido Goti monala ya u ona hulako minowa-minowa oto minanaibo ne, loto wa edanogolone. Feito yagunu ya ha ma feto loto nebo, Hemo ha lanibo ya moda fefe lotoko lo-lo o minane, loti holinigilae. Ido masi li halo molo hedanabo ya moda li fulo betinogolane, loto ha mono lufuwau (Sng 51:4) ya nebo ne.

Siani Komongu

⁴ E’e, etito minámaiye. Wenena muki ya suki monako mele minae, loto geyenagoloba, ido Goti monala ya u ona kulako minowa-minowa oto minenami ne, loto eyenagolone. Etito yamu ya ka ma eti loto nemo, Kamo ka lanimo ya moda efe lotoko lo-lo o minane, loti kolinagilae. Ido mate olu kalo mele kedenawamo ya moda olu fulo gedenagolane, loto ka mono lufuwau (Sng 51:4) ya nemo ne.

Lomu 3:4 ပူးပေါင်းရင်းမြစ်များ

Matiu 11:19

Ido nemo We Hula ya loto hafa hobina, no waini noto moi iyámoto wa nedoti, Ake, moda hoba naba-naba noto no waini naba-naba noto ido hefana takisi li-li abo we ido lifimatina nebo wenina yotinawe ya ne, loti lo nedae. Feto lafa, ido hala-mananau nebo ya mona dowa molaibo yakafo fefe libo we ne, loti idipinogolaiye.

Luka 20:16

Emokafo minado uto ya nala waini mina hiyaba o edabo wewa muki ya hofo beti fulito, migu ononawa ya eito wenina adinalo molanogolaiye, loto lobiye. Lobito, hawa holiyado feto labo, Ei, feto ámanaibo ya dowa ne, loti lae.

Yoni 3:33

Gotikafo ilifi molaibo we lula-halau ya Weuna faitoto molainako, Goti hala ya lo nebo yagunu ha libo holi hikitabo wenina yasi Goti monala ya mona ona hula ya ne, loti li faka lo minabo ne.

Lomu 11:1

Yagunu ha ma lanogolowe. Holilo. Gotikafo Isilaeli weninala ya meya bife? E’e, feito minámiye! Neimo yagi Isilaeli we, Abalahamu yufa fibo we, Benisamini wenina yauti oloto pito minoboma ne.

Lomu 11:11

Feito ya ha ma lanogolowe. Holilo. Isilaeli weninawa uteba iyabo, ya lumu fou loti u hopa unabo nefe? E’e, feito minámiye! Gotikafo wauwa linae, loto, ya holiti holiyámoti abo mona yagunu ya eito feka wenina li nomudina waibo hanu li oloto pi betibo ne.

Lomu 3:31

Feito neboma nenako, yagunu holi hikitonibo monawa yakafo lo molaibo ha li aifa idafa itobe? E’e, feito minámiye. Holi hikitonido yamo lo molaibo ha ya li auba i edone.

Lomu 6:15

Yagunu ya nena-idafa feyanune? Lo molaibo ha hilalau minámoto, aifa li dowa lo ledaibo monala hilalau minonima nenako, loto nosámibo mona aifa molanubo nefemo? E’e, feito minámiye!

Lomu 6:2

E’e, feito minámiye! Nosámibo mona moda fuli muwonima nenako, yagunu igaidana oto aya monalo onu ito molomo unubo ne?

Lomu 7:13

Feito neboma nenako, yagunu idafawa dowa ya hofo nedo fulibo idafa ma nefe? E’e, feito minámiye! Nosámibo mona ya hofo nedo fulibo idafa ya ne. Holi minafe? Nosámibo mona ya eimola monala nosámibo ona oloto pinaiye, loto idafawa dowa loto lito ya hofo nedo fulibo hanuwa li oloto pibo, ya lo molaibo hawa yakafo nosámibo monawa ito yoto nosámibo ona ne, loto li oloto pi ledaibo ne.

Lomu 7:7

Yagunu neidafaiye loto lanune? Lo molaibo ha mona ya nosámibo mona nefe? E’e, feito minámiye! Lo molaibo ha holiyámobo neko, nemo nosámibo mona ya holiyámodi ne. Holi minafe? Lo molaibo ha yakafo feto libo, Wenina idafatina yagunu holiyámilo, loto ha mono lufuwau (Kis 20:17; Lo 5:21) nebo ha yakafo lo fuko ledámibo neko, ya idafatinagunu holinubo mona ya nosámibo mona ne, loto holiyámodi ne.

Lomu 9:14

Yagunu neidafaiye loto lanune? Goti monala ya fefe ladámiye, lanube? E’e, feito minámiye.

1 Kolinti 6:15

Hemotina utina ya Kilisto ula hofala-ana-hina ne, loti holiyámafe? Feito Kilisto ula hofala-ana-hina ya igaidana oto lito hopa li unaibo wenalo ya kelanobo ne? E’e, feito minámiye!

2 Kolinti 1:18

Goti ya ha ona yawala nenako, yagunu lemo ha lobiyonibo ya aifa O, loto ido E’e, loto maina keloto ladámone.

Galesia 2:17

Feito minoba, ido Kilisto lulau mino edonibo yagunu monatina fefe libo wenina minae, loto lo ledaibo hanudo moniyonibo hamenalo, ya leimo Yuda wenina ya eito feka wenina yamaidana oto nosámonibo wenina minone, loto monate li oloto piyagetoma, ya neidafaiye loto lanune? Kilisto ya nosámibo monau lilimibo we ne, lanube? E’e, feito minámiye.

Galesia 2:21

Goti aifa li dowa lo ledaibo monala ya li aifa idafa buliyámowe. E’e, lo molaibo ha meyalo molonibo yagunu monatina fefe libo wenina minae, lo ledaibo neko, Kilisto fulibo mona ya aifa idafa adi ne.

Galesia 6:14

Feto fe minafa, neimo huline li faka ladámanogolowe. E’e, Wenabate Yesu Kilisto yá yofola yagunuko holito huliya li faka lanogolowe. Emogi kelobo yagunu mikaleka mona-fana ya yá yofolalo fuliboidana oto ika o nedámiye. Ido nemo yagi yá yofolalo folomo yamaidana oto minonako, mikaleka mona-fana yagunu holiyámobo ne.

1 Timoti 3:16

Goti monala ona hula ya homu faluku aibo nefa, onesa li oloto pito Yesudoka lilibibo ya idafa naba-naba ona hula ne, loto holiyonibo ha ya feito ne: Emo ya u wenina yaidana oto ulagi oloto pito, Weunakafo monala fefe libo yagunu lo oloto pito, enisole yasi wa edato, hala ukuwa ya eito feka wenina lo oloto biyato, mika onuwa-asumaugi wenina holi hikito muwato, okuluma lamenau ya liwila oto ilimito yoiye.

Taitusi 1:2

Nomude hofawa minowa-minowa anubo hawa holi hikitoto holifefe lonibo ya Goti ha sugi ladámibo we yakafo homu aidena okuluma mika li oloto piyámibo hamenaloti ya lo molo ledaibo yamagunu holito hiyaba minone. Hawa ya aidenati libo nefa,

Hibulu 6:18

Feito ya u eito aguwámanaibo idafa loiti yamagunu Goti ha sugi lanaibo ogofuwámiye, loto lilibido, yalo ya leimote holi emodoka uwonibo wenina ya hawa moda hulawa molo ledaibo ne, loto dowa loto holito hiyabala omo yowonibo mona li hiki lanae, loto lute-hate li auba i ledaiye.

1 Yoni 5:10

Goti Hipala holi hikito muwabo wenina lutinau yau lo oloto molaibo hawa ya moda holi minabo ne. Ido Goti holi hikito umámabo wenina ya Hipala yagunu lo oloto molaibo ha holi hiki ladámabo yamo Goti ha sugi we ne, loti lo edaboidana hiliye.

1 Yoni 5:20

Ido Goti Hipalakafo lumuto ya ona hula yawalagi hutifina oto minanune, loto lute-hate li lamena o ledaiye, loto holifefe lo minone. Ido ona hula yawala lulau mino edonibo, ya Hipala Yesu Kilisto lulau ya mino edonibo ne. Ya we ya Goti ona hula nebo, ya hofawa minowa-minowa oto minomo yonubo yawala ne.

Oloto Pibo Ha 3:7

Ena ha ma feto loto libo, ido Filadelifiaka monolo nuba o-o abo wenina enisoletinama ya lufuwa ito fulo edo. Ha me ya ya fele nebo we ona hula nebo we anau yau Defiti hanu sinaibo osola ki ya li nebo we hala ya ne. Emokafo hanu sinaibo ya we makafo hunaibo ya ogofuwámiye. Ido hanu hunaibo ya we makafo sinaibo yagi ogofuwámiye.