Matiu 12:3 - Siani Komongu

³ Loumato, amokafo itibito limo, Defitiki lawoko moinamo wenenaki kadunamu fuluti neta amo ka ya mono lufuwau yau linate katoti kolámafe?

Siane Lambau

³ Lomuwato, emokafo liwila oto libo, Defitigi mako moniyabo weninagi inagunu fuliti idafa feyabo ha ya mono lufuwau yau hemotina hitoti holiyámafe?

Matiu 12:3 ပူးပေါင်းရင်းမြစ်များ

Matiu 12:2

Eti amo ya Falisi we yate geyeti loga o edeti eti lamo, Kolabe? Kege-kege moinamo we yate lo fukami neta ya oti Sabati foli monala ya olu kopaitae, loti loumae.

Matiu 12:4

Goti numunau diti beleti melamo neta felegagale, loti lamo ya yokila ki umami we oluto gimaito namoma ne. Nato lo melami kala yau Gotikafo yokila ki umamo we inanimoniko nenawae, loto limo netawa Defiti ido wenenala ánenawamola ya nae.

Matiu 12:5

Ido lo melami ka mono lufuwa wiyagu yau Sabati foliku yokila ki umu-umu amo we ya mono numugu lono oluti, Sabati foli monala ya meyalo melámafa, lifimanina minámami ne. Kawa ya katoti kolife ádafe?

Matiu 19:4

Loga o edato, amokafo eti limo, Kana ya mika kosina olu oloto piyami wekafo we wena olu oloto piyaiye, loto ka mono lufuwau (Stt 1:27) nemo ka ya katoti kolife loti kolámafe? Ido ka ma eti limo,

Matiu 21:16

Etiti ya loga o edamo, Amau minamo wenena ka lamo ya kolabe? loti lato, Yesukafo itibito logimami, O, moda kolowe. Ido ka ma, Nomilipa namunaki ido nomilipa yaki wenidoti keboka lenawae, loto ya oloto piyane, loto ka mono lufuwau (Sng 8:2) nemo kama linate ya katoti kolámafe? loto loga o gedaiye.

Matiu 22:31

Ena wenena folaguti kofa nedinawamo kamena yamu Gotikafo logimami ka ya katámafe?

Maki 12:10

Ido mono lufuwau ya eti limo, Kifana ya numuna kuwamo wenena eye fa netaidana itamo nefa, ido aya kifanawa yama moda numuna lagi kola fiyami ne.

Maki 12:26

Ido wenena folaguti kofa nedinawamo yamu linate Mosese mono lufuwa wiyaigu ya yá kefolalo yo limo kala lufuwa wiyami ya katámafe? Yalo Gotikafo ka eti loumami, Namo ya Abalahamu Gotila minoto, ido Aisaka Gotila minoto, ido Yekopu Gotila minowe, loto ka mono lufuwau (Kis 3:6) ya nemo ne.

Luka 10:26

Loga o edaito, Yesukafo eti loto loga o edami, Lo melami ka lufuwa wiyaigu yau nediye liye? Kamo ya katoto nediye loto kolane? loto loumaiye.

Luka 6:3

Yesu ka itibito logimami, Defitiki lawoko moinamo wenenaki kadunamu fuluti neta amo ka ya mono lufuwau yau linate katoti kolámafe?