Luka 3:2 - Siani Komongu

² Gamani kiyabani wewa etiti minomo wato, ido Goti yokila ki umamo we kiyabani we wenabani kulini ya Anasite ido Kaiyafasite ya mono lono olu minami ne. Ido aya kamena yalo ya Sekalaiya nalafo Yoni ya mika kofo mikalo minaito, amodoka Goti kala ya o fedeto mino edami ne.

Siane Lambau

² Gamani hiyabatina wewa feti minomo uwato, ido Goti sokila hi muwabo we hiyabatina we wenabatina hulitina ya Anasite ido Kaiyafasite ya mono onona liyaibo ne. Ido aya hamena yalo ya Sekalaiya hipala Yoni ya mika hafali mikalo neto, emodoka Goti hala ya lo fedoto mino edaibo ne.

Luka 3:2 ပူးပေါင်းရင်းမြစ်များ

Matiu 11:7

Eti logimaito, ya Yoni ege melamo we ya itibiti wae. Itibiti wato, Yesukafo wenena mau witi minamo ya logimami, Yoni yamu kofo mikalo wamo ya nena neta kenune, loti wamo ne? Konofa epekafo oluto uto oto imo ya kenagili wafe?

Matiu 26:3

Ena kamena yalo yokila ki umamo we kiyabani we wenaba kuliya Kaiyafasi numuna nabau ya yokila ki umamo we kiyabani wemomo yaki ido Yuda wenena kiyabani wemomo yaki mau witi,

Maki 1:2

Ido polofete Aisaiyakafo ya Gotikafo Nalafo ka loumami ya eti limo, Moda kane lo oloto melenami we ilifoneto u komu mele kedeto kanuka wili kedenagoliye. (Mal 3:1)

Luka 1:80

Ido kipawa naba dito, ouna-lula-kala ya auma wimo idaito, uto kofo mikau yau minomo uto, aiga Isilaeli wenena omunido oloto pi gedami ne.

Yoni 1:23

Loumato, eti logimami, Polofete Aisaiya eti limo, Kofo mikau yalo we ya welauti ka auma wito eti loto lo oloto melenami, Wekola kanula ya olufe lalo, loto lo minenaiye, loto ka mono lufuwau (Ais 40:3) nemo ka yama oiya namo ya o fedowe, loto ya liye.

Yoni 18:24

Loumaito, Anasikafo logimaito, Yesu ana nela witi yokila ki umamo we kiyabani we wenaba Kaiyafasi nedo ilimiti wae.

Aposolo 4:6

Mau minagu ya Goti yokila ki umamo we wenabani Anasile, ido wenenala Kaiyafasile, Yonile, Alekisadale, ido wenenala maki lakoina mau minae.