Lomu 4:3 - Siani Komongu

³ Aya yamu ya ka mono lufuwau ya nediye liye? Abalahamukafo Goti koli kikito umami yamu monala efe limo we ne, loto lo edami ne, loto ka mono lufuwau (Stt 15:6) ya nemo ne.

Siane Lambau

³ Aya yagunu ya ha mono lufuwau ya neidafaiye liye? Abalahamukafo Goti holi hikito muibo yagunu monala fefe libo we ne, loto lo edaibo ne, loto ha mono lufuwau (Stt 15:6) ya nebo ne.

Lomu 4:3 ပူးပေါင်းရင်းမြစ်များ

Matiu 20:9

Eti loumaito wenena fo saipaito lunaga oti lono olamo we muki ya lono fo kamena lawoko meinala kifana denaliyasi lawoko ya gimaiye.

Maki 12:10

Ido mono lufuwau ya eti limo, Kifana ya numuna kuwamo wenena eye fa netaidana itamo nefa, ido aya kifanawa yama moda numuna lagi kola fiyami ne.

Lomu 10:11

Aya yamu ya eti limo, Amo koli kikito umamo wenena muki ya ukanido kolámenagilae, loto ka mono lufuwau (Ais 28:16) ya nemo ne.

Lomu 11:2

Gotikafo adeina akaimati geyefe limo wenenala ya meya gimámami ne. Ido Elaiya kala ka mono lufuwau nemo ya ma kolámafe? Amokafo Isilaeli wenena ligiya lo gedeto ya Goti eti loto loumami,

Lomu 4:11

Ido ainalaki minámaido ya koli kikito umami yamu monala efe limo we ne, lo edeto, ya ainalawa ukanigu fukomo unawamo monawa ya aiga olamima nenako, yamu ainalaki minámamo wenena koli kikitamo yamu monanina efe limo wenena minae, lo gedami wenena muki ya aunibo-kolofanina Abalahamu ya ne.

Lomu 4:5

Etito nefa, ido Goti omunalo ya monate efe limo wenena minenune, loto nedi-nedi enune? Monate u efe lenami lono ya auma wito olunuba, ido ogoufámonimo yamu Goti monalalo meyalo melámonimo mona lifimate kilili oto monatina efe limo wenena minae, lo ledami we koli kikito umunumo, ya koli kikito umonimo yamu ya monatina efe limo wenena minae, loto lo ledenami ne.

Lomu 4:9

Ido lalo koli minamo wenenawa ya Goti ainala ukanigu fukamo wenena yamuko lifemo, ido ainala ukanigu fukámamo wenena yakimu liye? Aya yamu ya Abalahamu monala ya oluto logiminagolowe. Kolalo. Abalahamu koli kikitimo yamu monala efe limo we ne, loto lo edami ka ya lo-lo one.

Lomu 9:17

Aya yamu ya Felo ya eti loto loumami, Kamo ya kiyabani we wekudi minenane, loto olu faka lo kedomo, ya namo aumane kamodoka olu oloto piyoneto, ya kuline mikau-mikau ba loto lo oloto melemo unawae, loto olu faka lo kedowe, loto ka mono lufuwau (Kis 9:16) ya nemo ne.

Yemusi 2:23

Etito ya, Abalahamukafo Goti koli kikito umami yamu monala efe limo we ne, loto lo edami ne, loto ka mono lufuwau (Stt 15:6) nemo ka ya ayalo wiyaiye. Ido wenena ya Abalahamu ya Goti yowola we ne, loti lo-lo o minae.

Yemusi 4:5

Ido Gotikafo ouna mele ledami, ya namoko setimuludi numunawae, loto auma wito kolito, ido nasafili mona ya mulalo-mulalo oto mele ledemo idami ne, loto ka mono lufuwau lolomami ka ya faifa ka ne, loti kolafe? Etiti kolámalo. Aya yamu ya eti limo, Inanimo ukani-kulini oluti idamo wenena ya Gotikafo fina fi ginito, ido inanimo ukani-kulini oluti lomamo wenena ya nasafili o gede minaiye, loto ka mono lufuwau (Snd 3:34) ya nemo ne.