Lomu 15:3 - Siani Komongu

³ Etito Kilisto yaki aimolamuko kolámoto, Melafo eti loto loumami, Wenena yoka kamaga kiyamo ka ya namodoka ekelami ne, loto ka mono lufuwau (Sng 69:9) nemo ka ya monala lilibami ne.

Siane Lambau

³ Feito Kilisto yagi eimolagunuko holiyámoto, Melafo feto loto lomuibo, Wenina soka hamaga hiyabo ha ya nemodoka kelaibo ne, loto ha mono lufuwau (Sng 69:9) nebo ha ya monala lilibibo ne.

Lomu 15:3 ပူးပေါင်းရင်းမြစ်များ

Filipai 2:8

ya wenena yate eyamo, ya fa mikaleka wenena lalimo yaidana oto ne, loti eyae. Amo ya ukana oto lumuto, Goti welalo meyalo meleto fulunae, loto imo yako minámaiye. Yá yofolo fulunae, loto welalo melami ne.

Yoni 4:34

Eti lato, ya Yesukafo logimami, Nilifi melami we kala lalo kiyami mona ya meyalo meleto lonola olu fuli lenamo ya namo wene-neta ya ne.

Yoni 6:38

Kosinauti lomomo ya nanimone weneloti ka lonowa olunae, loto lomámowe. E’e, nilifi melami we welaloti ka lonowa olunae, loto lomomo ne.

Yoni 5:30

Namo nanimone oune-lune-kaneloti kolito lono olunamo ma minámaiye. E’e, Menefo welalotiko lifimani itibito gimi-gimi o minowe. Nanimo weneloti lono olunae, loto kolámoto nilifi melami we welalotiko olunae, loto kolonako, lifimani itibito gimi-gimi omo ya efe lenagoliye, loto ya liye.

2 Kolinti 8:9

Yamu kolalo. Wekola Yesu Kilisto nasafilila ya linate moda koli minae. Amo ya neta-mata muki ko naifa, ido linatemu kolito netawa-matawa muki fulitito fa we bulami, ya linate ya neta ko namo wenena bulu gedenae, loto u fa we bulaiye.

Yoni 8:29

Nilifi melami we ya namodoka mino nedaito, namo kamena-kamena neta oneto kolami lalo imo yamu namo ma fulo nedámaiye, loto

Matiu 26:42

Eti loito kofa uto limo, Menefo, keinawa ya olu fulo nedámagaiyama ya moda mofunagolowe. Kaimoka kolinanido ya mele nedo, loto loumutoto,

Matiu 10:25

Etito nenako, ka kolinami we yamo api ilibami we mona melami yaidana oto minenami ya moda ne. Ido lonodo we ya lono aboga mona melami yaidana oto minenami ya moda ne. Ido numuna aboga namo minomo ya Belesebulile, lo nedetima moda oto diti wenenane muki yaki kamanina kinawamo ne.

Yoni 15:24

Amo minagu ya mona kofawa melomo, ya wenena komu melámamo mona ya namo olu oloto pito melámomo neko, lifimaninaki minámagi ne. Nefa, ama ya olu oloto pito meloneto eyamo yate ya eye fuliti, namo koli nosámami numuti ya Menefo ayaidana oti koli nosámami umu minae.

Yoni 15:10

Namo ya Menefo ka limo ya kolito golodoto ya siya-muluna nomaido ayalo yako moni-moni o minowe. Linate ayaidana oti namo wenelo ya golodotima ya sene-mulune gimodo yaloko ya minenagilae.

Matiu 26:39

Eti loito, kefo ma monimo uto kola-wela mikalo olumo fito limo, Menefo, kanu ma minagaiyama miluma kolomo kapu ama olu fulo nedenane, loto kolomo nefa, ido namo kolodo mele nedámoto, kaimoka kolinanido ya mele nedo, loto loumaiye.

Matiu 27:44

Ido kaila we amoki lakoina yá yofolo ginamo ya ayaidana oti ka nosámami lo edaiye.

Filipai 2:5

Kilisto Yesu lula-kalau kolami yamaidana oti linate luti-katigu ya kolalo.