Tumeen 4:19 - Noon

¹⁹ Wayee Peeꞌ na Saŋ loffaɓa an: - Woꞌat rek! Iñii yiida wëñ kijúɓ ga fíkíi Kooh? Kikeloh woꞌeenndúunoo, kikeloh woꞌeenci?

Tumeen 4:19 ပူးပေါင်းရင်းမြစ်များ

Mëccëe 22:21

Ɓa taassa an: - Cuu Sesaaꞌ, buuraa yiyaakyaa. Daama Yéesu woꞌꞌaɓa an: - Kon erat Sesaaꞌ iñaa en yuu Sesaaꞌ ee erat Kooh iñaa en yuu Kooh.

Lúkkaa 22:8

Yéesu wossa Peeꞌ na Saŋ, woꞌꞌaɓa an: - Karat, ɗú waayukɗinee haffuu cuuníinfii Paak.

Saŋ 7:24

Kon íisat kiꞌattiꞌ ee ɗú malkoo bi jof, wayee attiꞌat ga kayoh.

Tumeen 4:13

Ɓuwaa attiꞌi ga paanaa wiyaakwaaɗa, waaruꞌussa ga daa Peeꞌ na Saŋ kaañu woꞌeencaagaɓaɗa, ee iñaama bettaɓa ndaga ɓa ínohin an Peeꞌ na saŋ jagussii. Ɓa hotta an ɓa bok ga ɓuwaa taabee na Yéesuɗa.

Tumeen 5:28

- Ɗí hoonohéeríirúu kijëgíroh ga teekaa ɓaa yaamane? Ee malkat, Yéerúsaleem tóoh gomin na iñcum ɗú jëgírohiɗa, ee ɗú waaꞌtíi kikooꞌ daal kikaankaa ɓaa yaama!

Tumeen 5:29

Peeꞌ na apotaaꞌcaa tesɗa loffaɓa an: - Kooh yërí jom kitaabuku wayee enndii ɓoꞌ-súusúus.

1 Korenti 10:15

Mi ínohin an mi woꞌ na ɓuwaa laakin hel, kon iñuma mi woꞌꞌúuɗa malakatti bi jof.

2 Korenti 4:2

Ɗí sagin kiꞌaas ga iñcii tumsi ɗaakuksi ee ca apohin kaciɗa. Ɗí ñaañukohhii ken ee ɓan ɗí kalañsohhii woꞌeenii Kooh. Ɗí nami kay kiyéegaloh kayohfii bi leeꞌ lañ, ee ɗí heel ɓéeɓ ɓuwii tookkíi ga keeñciigaɓa ga fíkíi Kooh.

Efees 6:1

Ɗú oomaacii nak, fodii dii Haꞌmudii nakohkaɗa, kelohɗat ɓipaammbúu na ɓiꞌeewwúu. Iñaama nak yërí jof.

1 Tímotée 2:3

Iñaama yërí jof ee yërí Kooh yii músalluuɗa waaꞌ.

Yaawúuꞌcaa 11:23

Kilaak ngëm kërí tah wii Móyíis límuɗa, eeci na paamci ɗaakussari ñiin kaahay ndaga ɓa hotee daa oomaanaa hín kimoꞌɗa, ee ɓa faaliꞌꞌii iñaa Farawoŋ ebiloh kitumɗa.

Saak 2:4

Iñaama ɗú tummbinaa, lak ɗú gënantilohin ga díkaantirúu ee ɗú attiꞌꞌii na keeñ wimóríꞌ.