Tumeen 17:3 - Noon

³ Ya yaa lóogísohiꞌɓaca, ya yaa teeɓɓa ga iñaa Bíncaa woꞌɗa an: «*Kiristaanii jomee kikaan, tík ganaa ya mílís.» Kiristaanaama, yërí en Yéesu yii mi yéegaloh diiɗa.

Tumeen 17:3 ပူးပေါင်းရင်းမြစ်များ

Lúkkaa 24:32

Ɓa ɓaa woꞌ kon ga díkaantiɓa an: - Laakéeríi fodii keeñ-soos wiyaak ga ɗuuƴcuu, ga wii ya en na kiwoꞌ naruu ga waasaaɗa, ee ya yaa lëegísohiꞌtuu iñcaa bídu ga Këyítfaaɗane?

Lúkkaa 24:44

Lëehíꞌta ya woꞌꞌaɓa an: - Ga wii mi en narúuɗa, mi woꞌeerúu an ɓéeɓ iñaa woꞌuunun garoo ee bíduunun ga këyítfaa Waasaa Móyíis, na këyítfaa sëldíiga-Koohcaa, na këyítfaa Kañcaa jomeera kilaak.

Lúkkaa 24:46

ya woꞌꞌa ɓa an: - Iñii yii yërí bídu: Kiristaanii hay kiꞌen ga coonu, lëehíraa ya mílís ga ɓuwaa kaanɗa, ga besaa wukaahaywaa,

Saŋ 20:9

[En kiꞌenaa, iñaa Këyítfaa yéegalohee an Yéesu jomin kimílís ga ɓuwaa kaaninɗa leeréeríi ga hafcaa tëelíbéecaa duum].

Tumeen 1:4

Laakka bes, ya yuŋnga naɓa kiñam, ya dígallaɓa an: - Kaa úsaayat Yéerúsaleem, wayee sekat iñaa Paamudii dígohee ee ɗú keloheeka ga kúuwrooɗa.

Tumeen 18:28

Ya ɓúlla yaawúuꞌcaa ga fíkíi ɓéeɓ, ee ya koorohee ga Bíncaa ciselaꞌíꞌcaa, kiteeɓɓa an Yéesu yërí en Kiristaanii.

Tumeen 18:5

Sílaas na Tímotée meyohussa teeraa Maseduwaan, ɓa hayya, laakussa Pool teeraa Korenti. Pool nak ëewrukka kiima ga kiyéegaloh woꞌeenii Kooh, ya yaa yéegal yaawúuꞌcaa an kayoh-kayohɗa, Yéesu yërí en Kiristaanii.

Tumeen 3:18

Kooh nak mëtíꞌta fodaama iñaa ya yéegalohee kooroh ga kúuw sëldíigacaagariɗa. Ya woꞌee an Kiristaanaagari hay kikooꞌ ga coonu.

Tumeen 9:22

Sóol nak wëñnja ɗa kiyëgís ga jangataagari. Yaawúuꞌcaa dëku Damaasɗa, laakussii iñaa ɓa woꞌanndi ndaga ya teeweeɓa hen bi leeꞌta an Yéesu yërí en Kiristaanii.

Galaat 3:1

Ɗú ɓu-Galaat, ɗú lohoyin hel kat, ɓii móoñís hafciigarúu ɓa? Moona déy, ɗú teewuunun bi leerin lañ ga hasciigarúu Yéesu Kiristaa yaa daayu ga kuraanaaɗa.