Saŋ 9:35 - Noon

³⁵ Yéesu yéeŋnga an Fërísiyeeŋcaa kaaluunun ɓaa ya wëkíreeɗa fooh. Daa Yéesu hídohee nari, Yéesu meekissari an: - Fu gëmin ga Kowukii ɓiine?

Saŋ 9:35 ပူးပေါင်းရင်းမြစ်များ

Mëccëe 14:33

Tëelíbéecaa enee ga gaal-loocaaɗa ƴíꞌussa ga fíkíi Yéesu, woꞌussari an: - Fu yërí en Kowukii Kooh kayoh-kayohɗa.

Mëccëe 16:16

Simoŋ-Peeꞌ taassa an: - Fu yërí en Kiristaanii, Kowukii Koohyii en na kipesɗa.

Mëccëe 4:3

Waa ennda ɗa, Seytaani deeƴca Yéesu kifíꞌti. Ya woꞌꞌari an: - En lak fu yërí en Kowukii Koohaa, nakaa atohcii ca súpítuk mbúurú.

Marka 1:1

*Hewhewii winéwíꞌwii woꞌ ga loo Yéesu Kiristaa, Kowukii Koohɗa, daloh anee:

Saŋ 1:18

Ken mosoo kihot Kooh, wayee Kowukii Kooh laak doŋ ee en Kooh, ee en ga yahaa Paamudiiɗa, teewinnduuri.

Saŋ 1:34

Saŋ tíkka ga an: - Iñaama mi hotinndi, ee mi seediꞌ an ɓii yii yërí en Kowukii Kooh.

Saŋ 10:36

Mi, Kooh yërí tanukkoo, wossaroo ëldúna. Kon ɗú mín na kiwoꞌ an mi ɓasin Kooh ga dii mi woꞌ an mi kowu Koohɗa?

Saŋ 11:27

Marta taassa an: - Ee Haꞌmudii, mi gëmin dijófíꞌ an fu yërí en Kiristaanii, Kowukii Kooh, yii jomee kihay ëldúnaɗa.

Saŋ 20:28

Toomaa dalla kiwoꞌ anee: - Haꞌmudiigoo ee Koohyiigoo!

Saŋ 20:31

Kíntaancii en ga Këyítfii fiiɗa nak, ca bídu ga doonaa ɗú gëm an Yéesu yërí en Kiristaanii, Kowukii Kooh; ee ɗú gëm garinaa, ɗú hay kilaak kipes ga teekci.

Saŋ 3:36

Ɓaa fu gëm ga Kowukiinaa fu laasin ga kipeskaa leehoo taaꞌɗa. Ee ɓaa fu saŋ kigëm ga Kowukiinaa, fu laasanndii ga kipeskaa leehoo taaꞌɗa ee aylukaa Kooh dëkan ga ɗookfu.

Saŋ 5:14

Ga waa iñaama paaffa, Yéesu hídohha na ɓaa ya wëkɗeeɗa ga Kaanfaa Kooh, ya woꞌꞌari an: - Man diima fu wakin. Kaa tumis baakaaꞌ, doonaa iñaa wëñ yii kiyiis dalooraa.

Saŋ 6:69

Ɗí, ɗí gëmin ee ɗí ínohin an fu, fu yërí en Ɓii yiselaꞌíꞌyii meyoh ga Koohɗa.

Saŋ 9:22

Ɓuwaa lím búumíraa wëkíruɗa woꞌsee iñaama kiniik ɓuwaa kuliyuk ga yaawúuꞌcaaɗa. Ndaga yaawúuꞌcaa yéegohseera ga an, ɓéeɓ ɓaa fu seediꞌ an Yéesu yërí en Kiristaaniinaa, ɓa kaallaa jaangaagaɓa.

Saŋ 9:34

Ɓa taassari an: - Fu límu múlúŋ mút ga baakaaꞌ, an fu waaꞌtíi kijëgíꞌ! Waa ennda ɗa, ɓa kaallari fooh.

Tumeen 8:36

Daa ɓa en na kiƴahɗa, ɓa leꞌꞌa ga ɗekataa taakin músú, lëehíꞌta ɓaa woꞌꞌa Filiip an: - Man músú mee, iñii kokohan ya mi bëtísiꞌu? [

Tumeen 8:37

Filiip woꞌꞌari an: - En an fu gëmin ga keeñiigaraa ɓéeɓwanaa, fu mín kibëtísiꞌu. Ɓaa woꞌꞌari an: - Mi gëmin an Yéesu Kiristaa yërí en Kowukii Kooh.]

Tumeen 9:20

Ya sekkii iñaa maañ, ya aawwa kijangat ga ɗuuƴ jaangu-yaawúuꞌcaa an Yéesu yërí en Kowukii Kooh.

Room 10:20

Ísayíi, sëldíiga-Koohaa kaañnja kiwoꞌ ga iñaa Kooh nakki kiwoꞌɗa an: «Ɓuwaa heelséeríiroo kihotɗa, hotuununndoo. Ee mi teewohin haffoo ga ɓuwaa tíkséeríi helɓa garooɗa.»

1 Saŋ 4:15

Ɓéeɓ ɓaa took kiwoꞌ faŋ an Yéesu yërí en Kowukii Koohaa, Kooh dëkin gari ee ya enin wíinoo na Kooh.

1 Saŋ 5:10

Fodaama, ɓaa gëm ga Kowukii Kooh ɓayin seedaama ga keeñaagari, wayee ɓaa gëmmbii Kooh, ya tíkinndi ɓaa woꞌoo kayoh, waa ya gëmmbii iñii Kooh seediꞌ ga Kowukiigariɗa.

1 Saŋ 5:13

Mi bínndúu iñcuma tóohca ɗú ɓii ɗú gëmin ga teekii Kowukii Koohɗa, doonaa ɗú ínoh an ɗú laasin ga kipeskaa leehoo taaꞌɗa.

1 Saŋ 5:20

Ɗu ínohin an Kowukii Kooh hayin ëldúna ee ya oninnduu hel kiꞌínohsoh Koohyii yukayohyii. Ɗu enin wíinoo na Koohyii yukayohyii ndaga dii ɗu enin wíinoo na Yéesu Kiristaa, Kowukiigari. Ya yërí en Koohyii yukayohyii, yërí en kipeskii leehoo taaꞌɗa.

1 Saŋ 5:5

Kon ɓii yiida mín kilaak ndam ga ɗook ëldúna? Hanaa ɓaa gëm an Yéesu yërí en Kowukii Kooh.

3 Saŋ 1:10

Kon, binaa mi hay dumanaa, mi hay kiwoꞌ ga fíkíi ɓéeɓ iñcum ya tumiɗa: ya pokɗinndíi woꞌee cibóníꞌ. Ee ya eemmbii ga iñaama: binaa laak mbok-kerceencaa hayu daamanaa, ya saŋɓa kiꞌek kaanci. Ee ɓaatta ga, ɓuwaa tookɓa kiꞌek ga kaancaagaɓaɗa, ya hoonohɓaka ee ɓa sagaa ya kaalɓa ɓan jaangaa.