Saŋ 6:9 - Noon

⁹ Laakin kuꞌoomaa-ƴaalkaa en dii, ja ɓayin mbúurú-lorsu ciyëtúus na jën kanak. Wayee ɓuwii, dii ɓa yewinɗa, iñcaama ca paƴɓa ya?

Saŋ 6:9 ပူးပေါင်းရင်းမြစ်များ

Mëccëe 14:17

Ɓa woꞌꞌari an: - Ɗí laak mbúurú ciyëtúus na jën kanak doŋ dii. Yéesu woꞌꞌaɓa an:

Mëccëe 16:9

Helciirúu hayyii bi watine? Hanaa ɗú níindísukkii mbúurúcaa ciyëtúuscaa warohsee ɓuwaa ɓijúnni-yëtúusɓaaɗa (5.000)? Pañi cera cërí ɗú wookee ga iñaa teseeɗa?

Marka 6:38

Yéesu meekissaɓa an: - Ɗú ɓay mbúurú cera? Malaknat! Ɓa laakka iñaa leeꞌɓa ga, ɓa hayya, ɓa woꞌꞌari an: - Mbúurú ciyëtúus na jën kanak cërí ɗí laak.

Marka 8:19

ga waa mi weeliꞌ ɓuwaa ɓijúnni-yëtúusɓaa mbúurúcaa ciyëtúuscaaɗa, ɗú wookee pañi cera, caa ɗú líifɗee na mbúurúcaa teseeɗa? Ɓa taassa an: - Cidaaŋkaah na kanak.

Lúkkaa 9:13

Wayee Yéesu loffaɓa an: - Eratɓa na kihaffúu iñaa ɓa ñaman. Wayee ɓa taassa an: - Ɗí laakkii iñaa wëñ mbúurú ciyëtúus na jën kanak. Hanaa ɗí kaꞌ kilomnee ñamahcaa kap ɓuwii ɓii ɓéeɓɓa.

Saŋ 11:21

Marta dalla kiwoꞌ Yéesu an: - Haꞌmudii, fu enee diinaa, eneenaa këmëeŋkíroo kaanoo.

Saŋ 11:32

Daa Mërí leꞌee ɗekataa Yéesu enoheeɗa, ya hottari, ya ƴíꞌꞌa ga kotcaagari, woꞌꞌa Yéesu an: - Haꞌmudii, fu enee diinaa eneenaa këmëeŋkíroo kaanoo.

Saŋ 21:10

Yéesu woꞌꞌaɓa an: - Haydohat ga jëncii ɗú han kiꞌamɗa.

Saŋ 21:13

Yéesu deeƴca, ɓeɓpa mbúuraa, warohhaɓawa. Ya tumissa fodaama na jënaa.

Saŋ 21:9

Ga waa ɓa yoosukka ga tewisaaɗa, ɓa hotta daama kiwiikaa taaluunun, tíkuunun jën ga ɗookgaa, na mbúurú ga yahaanaa.

Saŋ 6:11

Yéesu ɓeɓpa mbúurúcaa, ya gërëmmba Kooh gaca, ya warohhaca ɓuwaa yugee daamaɗa. Ya tumissa fodaama na jëncaa, ya eꞌta yaa en ɓéeɓ iñaa ya sooluk gaɗa.

Saŋ 6:7

Filiip taassari an: - Luu enee an ɓaa en ɓéeɓ ƴaak-mbúurú wíinoo, fay ɓoꞌ ɓitéeméeꞌ-kanak ga noh-noh wíinoo mínoo kilom iñaa ñëmíꞌ ɓuwii ɓéeɓɓa.

2 Korenti 8:9

En kiꞌenaa, ɗú hotin dii Yéesu Kiristaa, Haꞌmudiigaruu hín kijof garuuɗa: ya yii ya enee ɓaa hóomɗin, ya tummba hafci ɓaa laakoo ee ɗú ɓërí calallika. En ɗanaa, kooroh ga kilaakookaagari kaamanaa, ɗú hóomíꞌ.

Ínohlukoh 6:6

Mi kelohha, en fan koonaa kërí meyoh ga díkaanti enaamacaa ɓinikiisɓaa, kaa woꞌ an: - Kílóo beli wíinoo calat cadam fay noh-noh ɓoꞌ yíinoo. Ee kílóo lorsu kaahay calat cadam fay noh-noh ɓoꞌ yíinoo. Dúuleen na biiñ nak, kaa leꞌ gaca!