Saŋ 5:34 - Noon

³⁴ Mi woꞌ iñuma doonaa Kooh músallúu, ndaga mi ga kihaffoo, enndii sah an mi laakin sooli ga iñaa ɓoꞌ-súusúus seediꞌan garoo.

Saŋ 5:34 ပူးပေါင်းရင်းမြစ်များ

Lúkkaa 13:34

- Éeƴ, ɗú ɓu-Yéerúsaleem, ɗú ɓii ɗú lagi tumuuntii sëldíiga-Koohcii, ee ɗú tapisohi na atoh bi ɗú ap ɓuwii Kooh wos garúuɗa! Waas cera cërí mi heellúu kinëgíroh fodaa daa pabu nëgírohi towutaagari ga fíldoo paɓcaagariɗa, ee ɗú tookkiika?

Lúkkaa 19:10

En kiꞌenaa, Kowukii ɓii hay dii kiɓay na kimúsal ɓuwii múuƴɗa.

Lúkkaa 24:47

ee daloh ga Yéerúsaleem, ɓuwii ga ëldúnaɗa tóoh jomin kijangatu, bi ɓa súpít kipeskaagaɓa, ɓa bayalu baakaaꞌcaagaɓa ga teekii Kiristaanii.

Saŋ 20:31

Kíntaancii en ga Këyítfii fiiɗa nak, ca bídu ga doonaa ɗú gëm an Yéesu yërí en Kiristaanii, Kowukii Kooh; ee ɗú gëm garinaa, ɗú hay kilaak kipes ga teekci.

Saŋ 5:32

Wayee laakin ɓoꞌ yiliis yaa seediꞌꞌoo ee mi ínohin an iñii ya seediꞌ garooɗa tuukin.

Saŋ 5:41

Mi heellii kilaak ndamaa meyoh ga ɓoꞌ-súusúus.

Saŋ 8:54

Yéesu taassaɓa an: - Binaa mi heeliꞌ haffoo ndamaa, ndamaama enndii tús. Paammboo yërí ƴahhoo kiꞌeꞌ ndam, ya yii ɗú woꞌ an yërí en Koohyiigarúu.

Room 10:1

Mbokcii, iñii mi waaꞌ ga keeñnjoo ee mi kíim Kooh gaɗa, wërí en an ɓuwii mi bok naɓa heetɗa, ɓa múc.

Room 10:21

Wayee ga iñaa aaw ga loo ɓu-Isarayeel, Kooh woꞌ an: «Noh noh, mi yii lërís yahiigoo heetaa wëeꞌtaa ga an wii, wa kelohoo kiwoꞌ ee wa yëgísin ga haf.»

Room 12:21

Kaa íisat kibon wëñnjúu dooli, wayee ga kijofkaa ɗú tumɗa, laakat ndam ga ɗook kibon.

Room 3:3

En kiꞌenaa, laakin gaɓa, ɓaa enndii goꞌ. Diima nak ya? Kiꞌenndii-goꞌkaagaɓa kaama mín kihoonoh Kooh kiꞌen gore?

1 Korenti 9:22

Mi en na ɓuwaa ngëmaagaɓa yëgíssiinaa, mi tumi fodii ɓaa ngëmaagari yëgíssii, doonaa mi nookɓa. Fodaama mi madi ga fíkíi ɓaa en ɓéeɓ fodaa daa mi laakki ya manɗa, ee mi tum tóoh bi laak gaɓa ɓaa múc.

1 Tímotée 4:16

Malaksukohaa daa fu jom kiman ga kipesfu, fu ínoh iñcaa fu jëgírohiɗa, ee fu dëk ga iñaama rek. En kiꞌenaa, fu tumkanaa, fu hay kimúc, fu na ɓuwaa súkúrukanndaaɗa.

1 Saŋ 5:9

Binaa ɓiɓoꞌ seediꞌ yenaa, ɗu tookin iñaa ɓa woꞌɗa. Seediꞌaa Kooh nak wërí wëñ kiɓít ee iñaa ya seediꞌ yaamaɗa, ya ëewdohwa ga Kowukaagari.