Saŋ 3:34 - Noon

³⁴ En kiꞌenaa, ɓaa Kooh wosɗa, woꞌi woꞌeencaa meyoh ga Kooh, ndaga Kooh sorinndi bi líifin na Helaa yiselaꞌíꞌyaa.

Saŋ 3:34 ပူးပေါင်းရင်းမြစ်များ

Mëccëe 12:18

- Súrgiigoo mi tanukɗa yeema. Yii mi keeñuk ee yërí soos keeñnjooɗa. Mi hay kiyóoskíꞌ Heliigoo ga ɗookci, ee ya hay kiteeɓ heetcii ɓéeɓca iñaa en kijúɓɗa.

Lúkkaa 4:18

«Helii meyoh ga Haꞌmudiiɗa, wii ga ɗookkoo ndaga ya tanukinndoo kihaydoh Hewhewii winéwíꞌwii ga ɓuwii laakooɗa. Ya wosinndoo kiyéegal ɓuwii abuɗa an ɓa hay kirëc na kiwoꞌ ɓuwii hascii búumɗa an ɓa hay kihotis, ɓuwii en na kitogisohuɗa an ɓa hay kilaak hafɓa;

Saŋ 1:16

Ɓéeɓpúu ɗú laasin ga yërmaandiigari leehooɗa, ɗú ɓii barkeeluk ga rek.

Saŋ 15:26

Mi hayyúu kiwosoh ga teekii Paamudii ɓaa amɗohanndúu. Yërí en Helaa teewohi kayoh ee kúlkoh ga Paamudiiɗa. Ya hayaa, ya hay kiseediꞌ iñaa aaw garoo.

Saŋ 16:7

Moona mi woꞌꞌúu kayoh: iñaa gën garúu wërí en mi kaꞌ. En kiꞌenaa, mi kaꞌtiinaa, ɓaa ƴahhúu kiꞌamɗohɗa hayoo. Wayee binaa mi karaa nak, mi hayyúuri kiwosoh.

Saŋ 3:17

En kiꞌenaa, Kooh wossii Kowukiigari ga ëldúna kiꞌattiꞌ ɓu-ëldúna, wayee ya woska ka músal ɓu-ëldúna.

Saŋ 5:26

En kiꞌenaa, fodaa daa Paamudii laak kipeskii ya ga kihafciɗa, ya erin Kowukii ka laak kipeskii ga kihafka fodaama.

Saŋ 7:16

Yéesu taassaɓa an: - Iñii mi jëgírohɗa, meyohhii garoo, wayee meyoh ga Kooh yii wossooɗa.

Saŋ 8:40

Mi, mi woꞌirúu kayohfii mi ɓewoh ga Koohɗa, ee diima ɗú heelloo kiꞌap. Abaraham mosoo kitum iñaa manɗa.

Saŋ 8:47

Ɓaa Kooh laak, súkúruki woꞌeencii Kooh. Wayee ɗú, ɗú súkúrukooca, ndaga Kooh laakkiirúu.

Tumeen 1:2

bi ga besaa Kooh ɓëwíꞌti, ya lappa asamaanɗa, lakanaa ga doolaa Helaa yisalaꞌíꞌyaa, ya nakin apotaaꞌcaa ya tanukɗa kitum iñcaa ɓa jom kitumɗa.

Tumeen 10:38

Yéesu Nasareet yaama, Kooh faleeri, soꞌtari doolaa meyoh ga Helii yiselaꞌíꞌyii, ya yaa wíil daa en ɓéeɓ kitum enaama cijófíꞌ, ya yaa wëkíꞌ ɓéeɓ ɓuwaa Seytaani laakee dooli ga ɗookɓaɗa ndaga Kooh taabee nari.

Room 8:2

En kiꞌenaa, Waasii Helii yiselaꞌíꞌyii oniraa kipes ga kiꞌenfu wíinoo na Yéesu Kiristaaɗa ɓëgísinndaa ga waas baakaaꞌ na kikaan.

Efees 3:8

Mi wëñ kijutuut ga ɓéeɓ ɓuwii en ɓuu Koohɗa. Moona déy, Kooh tanukinndoo kiyéegaloh, fodii hewhew, ɓuwii enussii yaawúuꞌɗa alalii leehoo taaꞌ meyoh ga Kiristaaniiɗa.

Koloos 1:19

En kiꞌenaa, neɓ Kooh hen ya líiffa muut ga Kowukiigari.

Koloos 2:9

En kiꞌenaa, Kooh yii dëkka ga faanfiigari, ya gomin gari.

Ínohlukoh 21:6

Lëehíꞌta ya woꞌꞌaroo an: - Matin sëk! Mi yërí en Alfaa, mi en Omegaa, mi en dalaarii mi en siñdaanii. Ɓaa pílaa, mi, mi hayyi kiꞌon ya an ga kuhaalaakaa ɓay músúmaa onohi kipesɗa ee ya meekissoo dara ga.

Ínohlukoh 22:1

Tíkka ga, malaakaa teeɓparoo húlúɓ, waa músúmaa onohi kipes. Wa waa melic fodii seetu, ee wa waa haaloh ɗekataa baŋ-buuraa Kooh enoh, ya na Kubaalkiiɗa,