Saŋ 13:22 - Noon

²² Tëelíbéecaa ɓaa malakoh, ndaga ɓa ínohéeríi ɓaa Yéesu woꞌ nariɗa.

Saŋ 13:22 ပူးပေါင်းရင်းမြစ်များ

Mëccëe 26:21

Lak ɓa ɓaa ñam, ya woꞌꞌaɓa an: - Mi woꞌꞌúuka ee kayoh; yíinoo garúu hayyoo kitoon.

Mëccëe 26:22

Tëelíbéecaa, keeñɓa leehha ga tak, ɓa ɓaa meekissi yíinoo yíinoo an: - Haꞌmudii, mi yëríne?

Marka 14:18

Daa ɓa yugee daama ɓaa ñamɗa, Yéesu woꞌꞌa an: - Mi woꞌꞌúuka ee kayoh; yíinoo garúu ee yii ñam naroo, hayyoo kitoon.

Marka 14:19

Tëelíbéecaa, keeñɓa leehha ga iñaama ee ɓa ɓaa meekissi yíinoo yíinoo an: - Mi yëríne?

Lúkkaa 22:21

Wayee malkat ɓii ƴahhoo kitoonɗa yii ekoh naroo yah dii.

Lúkkaa 22:23

Waa ennda ɗa, apotaaꞌcaa ɓaa heel kiꞌínoh ga ɗuuƴɓa, ɓaa ƴah kitum iñaamaɗa.

Saŋ 13:18

Yéesu woꞌꞌa tëelíbéecaagari an: - Enndii ɗú ɓéeɓpúu, ɗú tahhoo kiwoꞌ. Mi ínohin ɓuwaa mi tanukɗa. Wayee iñii Këyítfaa woꞌ yii jomin kilaak: «Ɓaa bokee naroo kanuɗa, oninndoo bíiŋ.»

Saŋ 13:21

Ga waa Yéesu lëehíꞌta kiwoꞌ fodaama, keeñci leehha tak, ya woꞌꞌa faŋ an: - Kayoh-kayohɗa mi woꞌꞌúuka: yíinoo garúu hayyoo kitoon.