Saŋ 12:27 - Noon

²⁷ - Diima deŋ heliigoo hícukohin. Haa mi woꞌan ya? Mi woꞌan an: «Paamudii, músalaaroo ga coonucii ƴahhoo kidal ga wahtiimane?» Múk! Man kikooꞌ ga coonucii ga wahtiimaɗa tahhoo kihay.

Saŋ 12:27 ပူးပေါင်းရင်းမြစ်များ

Mëccëe 11:25

Ga wahtaama, Yéesu woꞌꞌa an: - Buba, mi yii gërëmmbaa, fu, Haꞌmudii ɗook na kakay, ndaga iñaa fu ɗaak haꞌ-hamhamcii na ɓuwii jaginɗa, fu teewinwa oomaacii.

Mëccëe 11:26

Kayoh buba, iñaama laakohɗa, ndaga iñaama yërí fu waaꞌ ya laak.

Mëccëe 26:42

Ya úsaaysissaɓa kotaa kukanakkaa, ya yaa kíim Kooh anee: «Buba, en lak kaas-coonii wii mínoo kipaaf, ee an mi jomwa kiꞌan henaa, kon iñaa fu waaꞌɗa laakat.»

Mëccëe 26:45

Waa ennda ɗa, ya soofissa ga tëelíbéecaa, ya woꞌꞌaɓa an: - Ɗú ɓii lís kineeh na kiꞌíikaruke? Wahtii leꞌin kimma, Kowukii ɓii kii ƴah kitíku ga yah tumoh-baakaaꞌcii.

Lúkkaa 22:44

Hídaa ga daa keeñci leehɗa tóoh, Yéesu yaa ɓaat kiwëñ kikíim Kooh. Anagaagari mannda na ñífaa en na kisíit kakay.]

Lúkkaa 22:53

Mi enéeríi narúu besaa en ɓéeɓ ga ɗuuƴ Kaanfaa Koohe? Ee ɗú tíkkii yah garoo. Wayee wahtii wii wuurúu, ɗú na doolii laak wekɗa.

Saŋ 11:41

Ɓa níssa atohaa. Yéesu ɓëwíꞌta hascaagari ɗook asamaan, woꞌꞌa an: - Paamudii, mi gërëminndaa ga dii fu súkúrukinndooɗa.

Saŋ 12:23

Yéesu woꞌꞌaɓa an: - Wahtii leꞌin, wii Kowukii ɓii ƴah kilaas ga ndamiigariɗa.

Saŋ 13:21

Ga waa Yéesu lëehíꞌta kiwoꞌ fodaama, keeñci leehha tak, ya woꞌꞌa faŋ an: - Kayoh-kayohɗa mi woꞌꞌúuka: yíinoo garúu hayyoo kitoon.

Saŋ 18:37

Pílaat dallari kimeekis an: - Kon fu iñii buuꞌ? Yéesu taassari an: - Fu yii woꞌka: mi iñii buuꞌ. Ee iñii tahhoo kilímu ee mi hayin ëldúnaɗa wërí en kiseediꞌ kayohfii. Ɓéeɓ ɓaa bokin ga kayohfii, súkúruk woꞌeenndoo.

1 Tímotée 1:15

Woꞌeenii mi ƴah kiwoꞌ wii wóorin ee ɓéeɓ jominwa kiꞌam dijófíꞌ: Yéesu Kiristaa hay ëldúna kimúsal ɓuwii tumi baakaaꞌɗa, ee mi Pool, mi yërí kuliyuk gaɓa.

Yaawúuꞌcaa 2:14

Oomaaciima, waa ɓa ɓiɓoꞌ, Yéesu hayya, tummba hafci ɓoꞌ fodaa gaɓa. En ɗanaa, kooroh ga kikaankaagarinaa, ya ɗúbíꞌ Seytaani, yii ɓay doolii kikaankii tíkukeeɓaɗa.

Yaawúuꞌcaa 5:7

Ga wii ya pes ga ëldúnaɗa, Yéesu enee ga kíimi Kooh, dímalukiri taam na tifiip na moon, ya kíimi Kooh yii míneeri kimúsal ga kikaanɗa. Kooh nak tummba iñaa ya kíimɗa ndaga daa ya kelohɗeeriɗa.