Saŋ 11:4 - Noon

⁴ Daa Yéesu kelohee iñaama, ya woꞌꞌa an: - Ɗúukoolaa Lasaaꞌ waama, ɓayoo kumuunci, wayee wa ƴah kiteewoh ndamii Kooh, ee doonaa Kowukii Kooh laak Ndam ga.

Saŋ 11:4 ပူးပေါင်းရင်းမြစ်များ

Saŋ 10:38

Wayee en lak mi tumcanaa, luu enee an ɗú waaꞌtiiroo kigëm sah, gëmat tumeenciigoo, en ɗanaa ɗú ínoh píŋ an Paamudii yii garoo ee mi yii ga Paamudii.

Saŋ 11:40

Yéesu taassari an: - Mi woꞌéeríiraa an binaa fu gëmaa, fu hay kihot ndamii Koohe?

Saŋ 12:28

Paamudii, eraa teekiigaraa ndam! Waa ennda ɗa, laakka koonaakaa meyoh ɗook-Kooh, woꞌꞌa an: - Mi erinwa ndam kumëeñíꞌ ee mi haywa kiꞌeꞌsis ndam.

Saŋ 17:1

Ga waa Yéesu lëehíꞌta kiwoꞌ fodaama, ya taaginukka ɗook-Kooh, ya woꞌꞌa an: - Paamudii wahtii leꞌin. Teewohaa ndamii Kowukiigaraa, en ɗanaa Kowukii ɓan teewoh ndamiigaraa.

Saŋ 17:10

Ɓéeɓ iñaa mi laak, yuufu ee ɓéeɓ iñaa fu laak, yuuroo, ee ndamii mi laakɗa hotukin gaɓa.

Saŋ 17:5

Diimaɗa nak, Paamudii, eraaroo ndam ga yahaafu, waa mi laakee ga yahaafu lakanaa ëldúna sakussii duumɗa. Yéesu tíkka ga an:

Saŋ 2:11

Kíntaanaama wërí Yéesu ɗeɓ kitum, ee enee ga Kanaa ga gohaa Gëlílée. Fodaama ya teewohha ndamaagari ee tëelíbéecaa gëmussa gari.

Saŋ 5:23

En ɗanaa ɓéeɓ eꞌ Kowukii céeꞌ fodaa ɓa eꞌ Paamudii céeꞌɗa. Ɓéeɓ ɓaa eꞌtii Kowukii ɓii céeraa, lak eꞌtii Paamudii wos Kowukiiɗa céeꞌ.

Saŋ 8:54

Yéesu taassaɓa an: - Binaa mi heeliꞌ haffoo ndamaa, ndamaama enndii tús. Paammboo yërí ƴahhoo kiꞌeꞌ ndam, ya yii ɗú woꞌ an yërí en Koohyiigarúu.

Saŋ 9:24

Fërísiyeeŋcaa ɓayussa ɓaa enee búumíꞌɗa kotaa kukanakkaa, woꞌussari an: - Woꞌɗaa Kooh rek! Ɗí ínohin an ɓaa yaama tumoh-baakaaꞌ.

Saŋ 9:3

Yéesu taassaɓa an: - Enndii baakaaꞌci wala baakaaꞌ ɓuwaa límmbiɗa kommbika. Ya enin búumíꞌ doonaa Kooh mín kiteewoh tumeencaagari ga ɓii.

Room 11:11

Kon mi meekisohis an, ga wii yaawúuꞌcii këfítukuɗa, ɓa keeneera bi ɓa leꞌꞌa kakaye? Mínoo ɗa kiꞌen! Keenii ɓa keenɗa nak lëgísiꞌ ɓuwii enussii yaawúuꞌɗa hal bi ɓa mín kimúc. Ee fodaama, iñaama tahin yaawúuꞌcii kisiis.

Filiip 1:11

Kipeskiigarúu, kooroh ga Yéesu Kiristaa, ka líif na tumeen cijúwíꞌ, caa ndaman Kooh ee ca kañiri.

Filiip 1:20

Mi abin yaakaaꞌ wiyëgísíꞌ an mi kaciꞌanndii múk ga fíkíi Kooh. Hanaa kay, ennda diimaɗa ee bi taaꞌ, waa mi kaan waa mi pes, mi laakan hel widëlíꞌ, ee fodaama mi hay kiteewoh kiyakkii ndamii Kiristaanii ga ɓéeɓ kipeskiigoo.

1 Peeꞌ 1:21

Kooroh gari, ɗú gëmin ga Kooh, yii mílísiꞌti ga ɓuwaa kaanin, eꞌtari ndamɗa. Fodaama, ngëmiigarúu na yaakaariigarúu cii ëewrukka ga Kooh.

1 Peeꞌ 4:11

Ɓoꞌ en na kijangataa, ya woꞌat iñii Kooh woꞌɗa. Ɓaa en na kiꞌamɗoh ga lëgëyiinaa, amɗohat na doolii Kooh onndiɗa. En ɗanaa, Kooh eru ndam ga iñaa en tóoh, kooroh ga Yéesu Kiristaa yii laak ndam na dooli bi taaꞌɗa. Aameen!

1 Peeꞌ 4:14

Ɗú yewinin múuꞌ, binaa ɗú ɓasu ndaga teekii Kiristaaniinaa, ndaga lak Helii Kooh líif na ndamɗa wii dëkka ga ɗuuƴcúu.