Saŋ 1:1 - Noon

¹ Ga dalaaraa ëldúna, Woꞌeenaa eneera; ee ɓaa en Woꞌeenaaɗa enee na Kooh ee ya en Kooh.

Saŋ 1:1 ပူးပေါင်းရင်းမြစ်များ

Mëccëe 1:23

Ya woꞌee an: «Oomaa-jowaa ínohoo ƴaal hay kiꞌen na look, ya laak kowu kiƴaal kaa ƴah kiteeku Emanuweel.» Teekaama wërí en “Kooh yii naruu.”

Lúkkaa 24:53

Ee besaa en ɓéeɓ, ɓa eni ga Kaanfaa Kooh, ɓa kañi Kooh.

Saŋ 1:14

Woꞌeenaa ennda ɓoꞌ, ya hayya dëkka naruu, líiffa na ndam na kayoh. Ɗu hotin ndamiigari, ee ndamaama wërí en ndamaa, ya, Kowu kíinoo ga Paamudii, ya ɓewoh ga paamciɗa.

Saŋ 1:18

Ken mosoo kihot Kooh, wayee Kowukii Kooh laak doŋ ee en Kooh, ee en ga yahaa Paamudiiɗa, teewinnduuri.

Saŋ 1:2

Ya enee na Kooh ga dalaaraa.

Saŋ 16:28

Mi meyoh ga Paamudii mi hayin ëldúna. Diimaɗa, mi yii meyoh ëldúna, mi ƴee ga Paamudii.

Saŋ 17:5

Diimaɗa nak, Paamudii, eraaroo ndam ga yahaafu, waa mi laakee ga yahaafu lakanaa ëldúna sakussii duumɗa. Yéesu tíkka ga an:

Saŋ 20:28

Toomaa dalla kiwoꞌ anee: - Haꞌmudiigoo ee Koohyiigoo!

Saŋ 8:58

Yéesu taassaɓa an: - kayoh-kayohɗa mi woꞌꞌúuka: balaa Abaraham hay ëldúnanaa lak mi yërí en.

Room 9:5

Ɓa límukoh ga caasamuncaagaɓa meyoh ga níilaa Abarahamɗa; ee Kiristaanii, ga kiɓoꞌkaagari, límuk ga ɓuwaama, ya yii ya en Koohyii hanoh ɓéeɓ ɗookɗa. Ndam aawat gari bi taaꞌ. Aameen.

Efees 3:9

Ya oninndoo fodaama kimeƴdoh faŋ ga ɓéeɓ ɓuwii iñaa ya waayukeeɗa, ya yii ya sak iñaa en tóohɗa. Ee iñaama mos kiꞌen kúmpa ga ɓéeɓ.

Filiip 2:6

Ya mos kiꞌen Kooh wayee ya mosoo kinookuk kihín na Kooh.

Koloos 1:15

Kiristaanii yërí nataal Kooh yii hotukoo na hasɗa. Yërí en saawii ee ya hanoh ɗook ga tóoh iñcii sakuɗa.

Koloos 1:17

Balaa dara sakunaa lak ya enin, ee yërí tuukiꞌ iñaa enin tóoh.

1 Tímotée 3:16

Iñii ɗaakukee ga waasiigaruu ee diima Kooh teewohinndiɗa yakin ee ken mínooka kisaŋ. Iñaama yërí en: Ya hayin, ya mannda fodii ɓoꞌ-súusúus, Helii yiselaꞌíꞌyii teewohha an ya júwin, malaakacaa hotuununndi, ee ya jangatuunun ga ɗuuƴ ɓuwii enndii yaawúuꞌɗa. Ɓu-ëldúna gëmussa gari, Kooh ekkari ga ndamaagari ga asamaanɗa.

Tít 2:13

Ɗu jom kisek fodaama besaa winéwíꞌwaa ɗu yaakaaꞌɗa. Besaama wërí Yéesu Kiristaa, Músalkaatiigaruu, yii en Koohyiigaruu wëñ ɓéeɓ, ƴah kihayis taam na ndamɗa.

Yaawúuꞌcaa 13:8

Yéesu Kiristaa, ya ya rek: daa ya madee wútúwaaɗa ya manɗa wati ee ya ƴahɗa kiman bi taaꞌ.

Yaawúuꞌcaa 7:3

Melkisedek yiima ken ínohiꞌtiiri eewun, wala paamun, wala caasamun. Ken ínohoo dara ga loo kilímukci wala loo kikaanci. Ya mëdírohu na Kowukii Kooh ee ya en sarahoh bi taaꞌ.

2 Peeꞌ 1:1

Mi Simoŋ-Peeꞌ, súrgii na apotaarii Yéesu Kiristaa, mi yërí bínndúu këyítfii fii, ɗú ɓii, ɗú laakin ngëm ga Koohyiigaruu, Yéesu Músalkaatiigaruu fodii ɗí gëm gariɗa. Ee iñaama, ya yërí onnduuka ga kijúɓkiigari.

1 Saŋ 5:20

Ɗu ínohin an Kowukii Kooh hayin ëldúna ee ya oninnduu hel kiꞌínohsoh Koohyii yukayohyii. Ɗu enin wíinoo na Koohyii yukayohyii ndaga dii ɗu enin wíinoo na Yéesu Kiristaa, Kowukiigari. Ya yërí en Koohyii yukayohyii, yërí en kipeskii leehoo taaꞌɗa.

1 Saŋ 5:7

En kiꞌenaa, ya laakin seedi ɓaahay:

Ínohlukoh 1:11

Koonaakaa woꞌꞌaroo an: - Iñcii fu hotɗa bídaaca ga këyít, fu wosohca ga jaangucii ciyitnakanakcii, cii en ga teerucii ciiɗa: teeraa Efees, waa Ismíiꞌ, waa Pergaam, waa Tíyaatíiꞌ, waa Sardes, waa Fílaadelfíi na waa Lawodísée.

Ínohlukoh 1:17

Daa mi hoteeri, mi keennda kakay ga kotcaagari, mi mannda na ɓaa kaanin. Waa ennda ɗa, ya tíkka yahaagari ñaabaa ga ɗookkoo, woꞌꞌaroo an: - Kaa niik dara! Mi yërí en yii, iñaa en tóoh, ɗewoh gari ee tóoh mëeñjoh gariɗa.

Ínohlukoh 1:2

Saŋ woꞌ an ɓéeɓ iñcii ya ɓéestíꞌɗa, ya hotca hen, ennda iñaa Kooh woꞌ na kayohfii Yéesu Kiristaa seediꞌɗa.

Ínohlukoh 1:8

Haꞌmudii en Koohɗa woꞌ an: «Mi en Alfaa, mi en Omegaa, mi yërí en, mi yërí enee, ee mi ƴah kihay, mi yërí mín ga tóoh.»

Ínohlukoh 19:13

Ya ekukin kúltí, faa ñoodu ga ñíf. Ya teeku “Woꞌeenii Kooh”.

Ínohlukoh 2:8

Ɓaa yaama woꞌissaroo an: - Bídaa woꞌeencii cii, fu wosohca ga malaakaa watuki ɓu-jaangaa ga teeraa Ismíiꞌɗa. Woꞌaari an iñii yii meyoh kúuw ɓaa yaama enee, lak dara sakussiiɗa ee ƴah kiꞌen binaa tóoh leehaa. Ya kaaneera ee ya mílísin.

Ínohlukoh 21:6

Lëehíꞌta ya woꞌꞌaroo an: - Matin sëk! Mi yërí en Alfaa, mi en Omegaa, mi en dalaarii mi en siñdaanii. Ɓaa pílaa, mi, mi hayyi kiꞌon ya an ga kuhaalaakaa ɓay músúmaa onohi kipesɗa ee ya meekissoo dara ga.

Ínohlukoh 22:13

Mi yërí en Alfaa, mi en Omegaa; yii iñaa en tóoh ɗewoh gari ee tóoh mëeñjoh gariɗa; yii en dalaarii, en siñdaaniiɗa.»

Ínohlukoh 3:14

Ɓaa yaama woꞌissaroo an: - Bídaa iñii yii, fu wosohwa ga malaakaa watuki ɓu-jaangaa ga teeraa Lawodíséeɗa, woꞌaari an iñii yii meyoh kúuw ɓaa yaama woꞌu Aameen, ee yërí en seedii yiwóoríꞌyii, yukayohyii, yii ɓéeɓ iñcii Kooh sak kooꞌ yahciɗa.