Mëccëe 9:13 - Noon

¹³ Karat, ɗú heel kiꞌínoh iñaa woꞌeenii wii waaꞌ kiwoꞌɗa: «yërmaandi wëñnjoo kineɓloh kisarahoh júuꞌ», ndaga mi hayyii ëldúna kiɓay ɓuwii tík hafɓa ɓiɓoꞌ ɓijúwíꞌɗa, wayee mi hay kiɓay haꞌ-baakaaꞌcii.

Mëccëe 9:13 ပူးပေါင်းရင်းမြစ်များ

Mëccëe 12:3

Yéesu dallaɓa kilof an: - Hanaa ɗú jaŋngii iñaa buuꞌ Dëwít tumee bëríi lak ya yaawin ya na ɓuwaa taabee nariɗa?

Mëccëe 12:5

Wala book, hanaa ɗú jaŋngii ga Këyítfaa Waasaa Móyíis an, en ga bes Sabataa sarahohcaa hëyrohu kilëgëy ga Kaanfaa Koohɗa tumu iñaa hoonohu kitum ga besaamaɗa ee iñaama enoo tooñ gaɓa.

Mëccëe 12:7

Bíduunun ga Këyítfaa an: «Yërmaandi wëñnjoo kineɓloh kisarahoh júuꞌ». Binaa ɗú ínohee iñii woꞌeenuma waaꞌ kiwoꞌɗanaa, eneenaa ɗú daloo ga ɗook ɓuwaa tummbii dara yibóníꞌ.

Mëccëe 19:4

Yéesu meekissaɓa an: - Hanaa ɗú jaŋngii iñaa bídu ga Këyítfaa Koohɗa: «Ga dalaaraa yii sak tóohɗa tummbaɓa ƴaal na ɓeti»,

Mëccëe 21:42

Yéesu woꞌꞌaɓa an: - Hanaa ɗú mosoo kijaŋ iñaa bídu ga Këyítfaa an: «Atohaa tawahohcaa jafeeɗa, atohaama enin atoh-koñ. Iñaama yërí Haꞌmudii tum, ee enin kíntaan ga hasciiruu.»

Mëccëe 3:2

- Súpítat kipeskiigarúu, ndaga Nguurii ga ɗookɗa deeyin!

Mëccëe 3:8

Kon tumat iñcaa teewohin an ɗú récukin baakaaꞌciigarúu.

Mëccëe 4:17

Waa ennda ɗa, Yéesu aawwa kijangat an: - Súpítat kipeskiigarúu, ndaga Nguurii ga ɗookɗa deeyin!

Marka 12:26

En iñaa aaw ga kimílískaa ɓuwaa kaanɗanaa, hanaa ɗú mosoo kijaŋ këyítfaa Móyíis bín ga daa ya woꞌ ga loo bos-dútúkaa abee kiwiiɗa? Kooh woꞌ Móyíis an: «Mi yërí en Koohyii Abaraham, Koohyii Ísaak na Koohyii Yakoop». Yéesu tíkka ga an:

Marka 12:33

Kiwaaꞌ Kooh na keeñaagaraa tóoh na helaagaraa tóoh na doolaagaraa tóoh, ee ɓan kiwaaꞌ mooroomfu fodaa daa fu waaꞌ haffuɗa, wërí wëñ kiyak júuraa hoosu, tëkíꞌɗu Kooh, na kitumiꞌ Kooh sarahaa mín kiꞌen ɓéeɓ.

Marka 2:17

Daa Yéesu kelohee iñaama, ya woꞌꞌaɓa an: - Ɓuwaa dara gaa naɓa laakussii sooli ga payoh, wayee ɗúukoolíꞌcii ɓërí laak sooli ga. Mi hayyii ëldúna kiɓay ɓuwii júwinɗa, wayee mi hay kiɓay haꞌ-baakaaꞌcii.

Lúkkaa 10:26

Yéesu loffari an: - Iñii yiida bídu ga Waasiiruu? Fu am ya ga iñaa fu jaŋ gaɗa?

Lúkkaa 19:10

En kiꞌenaa, Kowukii ɓii hay dii kiɓay na kimúsal ɓuwii múuƴɗa.

Lúkkaa 24:47

ee daloh ga Yéerúsaleem, ɓuwii ga ëldúnaɗa tóoh jomin kijangatu, bi ɓa súpít kipeskaagaɓa, ɓa bayalu baakaaꞌcaagaɓa ga teekii Kiristaanii.

Lúkkaa 5:31

Yéesu kelohhaɓa, loffaɓa an: - Ɓuwaa dara gaa naɓa laakussii sooli ga payoh, wayee ɓuwaa ɗúukoolin ɓërí laak sooli ga.

Lúkkaa 5:32

Mi hayyii ga ëldúna kiɓay ɓuwii júwinɗa wayee mi hay kiɓay haꞌ-baakaaꞌcii doo ɓa súpít kipeskiigaɓa.

Saŋ 10:34

Yéesu taassaɓa an: - Bíduunun ga Këyítfaa waasiigarúu an Kooh woꞌin an: «Ɗú ɓikooh».

Tumeen 11:18

Daa ɓuwaa kelohee woꞌeencaama, ɓa laakissii iñaa ɓa woꞌan ee ɓa ɓaa kañ Kooh an: - Kon kay kayoh, Kooh onin bi ga ɓuwii enussii yaawúuꞌɗa kisúpít kipeskiigaɓa, doonaa ɓa laas ga kipeskii kukayohkii.

Tumeen 2:38

Peeꞌ taassaɓa an: - Súpítat kipeskiigarúu, yaa en ɓéeɓ bëtísiꞌuk ga teekii Yéesu Kiristaa, doonaa ɗú bayalu baakaaꞌcumgarúu, en ɗanaa Kooh onndúu Helii yiselaꞌíꞌyii.

Tumeen 20:21

Mi mosoo kiꞌíis kiɓay yaawúuꞌcii na ɓéeɓ ɓuwii enussii yaawúuꞌɗa ɓa súpít kipesɓa, ɓa gëm ga Kooh, ɓa gëm ga Yéesu, Haꞌmudiigaruu.

Tumeen 3:19

Kon súpítat kipeskiigarúu, ɗú ɓoƴkidoh haffúu ga Kooh doonaa Kooh sétíꞌtúu ga baakaaꞌcumgarúu.

Tumeen 5:31

Ee yërí Kooh ɓëwíꞌ, yugiꞌtari hanohha yah-ñaabaagari, ya fallari ya en buuꞌ na Músalkaat doonaa ya on heetii ɓu-Isarayeel kimín kisúpít kipeskaagaɓa en ɗanaa ɓa bayalu baakaaꞌcaagaɓa.

2 Peeꞌ 3:9

Luu enee an laakin ɓuwaa halaatu an yéehin, iñaa Haꞌmudii dígohɗa, ya hayyi kitum ga besaa na wahtaa ya amɗa. Nam kiꞌen kay an ya múuñíꞌtúu hen ndaga ya waaꞌtii ken saŋkuꞌ, wayee ya waaꞌ ɓéeɓ mín kisúpít ɓadukeen.