Mëccëe 26:41 - Noon

⁴¹ Kaa neehat ee kíimat Kooh doonaa ɗú keenoo ga fíraa Seytaani. Ɓoꞌ daal, keeñaa waarin wayee faanfaa tookkii.

Mëccëe 26:41 ပူးပေါင်းရင်းမြစ်များ

Mëccëe 24:42

Kon kaa neehat, ndaga ɗú ínohoo besaa Haꞌmudiigarúu ƴah kihayɗa.

Mëccëe 25:13

Yéesu tíkka ga an: - Kon kaa neehat, ndaga ɗú ínohoo besaa ee ɗú ínohoo wahtaa Kowukii ɓii hayanɗa. Yéesu liiwukissa an:

Mëccëe 26:38

Ya dallaɓa kiwoꞌ an: - Keeñnjoo leehin bi mi yii kaanan. Tesat dii naroo ee kaa neehat.

Mëccëe 6:13

Ee kaa íissíi ɗí keen ga fíꞌ Seytaani, wayee músalaaríi ga sépíꞌíꞌ-ga-nofii, [ndaga fu yërí laak kinguuruk, fu yërí laak kimín, fu yërí laak ndam, bi taaꞌ. Aameen].»

Marka 14:38

Kaa neehat ee kíimat Kooh doonaa ɗú keenoo ga fíraa Seytaani. Ɓoꞌ daal keeñaa waarin wayee faanfaa tookkii.

Lúkkaa 11:4

Bayalaaríi baakaaꞌciigaríi, ndaga ɗí, ga kihaffíi, ɗí bayalin ɓuwaa tooñnjíiɗa. Ee kaa íissíi ɗí keen ga fíꞌ Seytaani.»

Lúkkaa 21:36

Kon kaa neehat, ɗú kíimi Kooh wahtaa en ɓéeɓ, doonaa ɗú laak dooli kisaan ga iñcaa ƴah kihay caama, ee ɗú mín kituuk ga fíkíi Kowukii ɓii.

Lúkkaa 22:40

Ga waa ya leꞌꞌa ɗekataa, ya woꞌꞌaɓa an: - Kíimat Kooh doonaa ɗú keenoo ga fíraa Seytaani.

Lúkkaa 22:46

Ya woꞌꞌaɓa an: - Ɗú neeh ya? Kolkat, ɗú aaw kikíim Kooh doonaa ɗú keenoo ga fíraa Seytaani.

Lúkkaa 8:13

Ɓíinoo madu na ɗekataa yewinin atohɗa, ɓërí en ɓuwaa, binaa ɓa keloh woꞌeenaa Koohaa, ɓa safaꞌ gawa kiteꞌ, wayee ɓa íisoo woꞌeenaa yíp níil ga keeñcaagaɓa; ngëmaagaɓa maañoo, ee Seytaani jéematukiɓanaa, ɓa tagohi nawa.

Room 8:3

Iñaa Waasii Móyíis mínéeríi kitum, ndaga dii ɓoꞌ-súusúus laakoo dooli tah wa mínéeríikaɗa, Kooh tuminndi. Ya tumwa ga waa ya wos Kowukaagari ëldúna, ka ɓayya faanciigaruu, ɗu, tumoh-baakaaꞌcii, doonaa ka nísíꞌtuu baakaaꞌciigaruuɗa. Fodaama, Kooh attiꞌꞌa kikaan baakaaraa en ga ɓoꞌ-súusúusɗa.

1 Korenti 10:13

Laakkii coonufaa tíkukkúu, faa ɓiɓoꞌ ɓiliis koorukkiifa. Iñaa Kooh dígoh tóoh tummbi, ee ya íisanndiirúu ɗú tíku coonufaa paaf daa doolicaagarúu eem. Saycaa coonu tíkukkúu tóoh, Kooh waayukiꞌtúu ɓan halaa ɗú rëcohan en ɗanaa ɗú yëgís ga fíkíi coonucaama.

1 Korenti 16:13

Enat weceŋ, ɗú am ngëmii bi yëgís. Kaa niikat ee enat gík.

1 Korenti 9:27

faanfiigoo, mi onoofa jam, mi tumifa iñaa neɓpoo, enndiikanaa mi hay kiyéegal ɓuwii Hewhewii winéwíꞌwii bi leehaa, mi dal kijafu ga fooh.

Galaat 5:24

Ɓuwii en ɓuu Yéesu Kiristaaɗa apuunun ga kuraanaa kiɓoꞌkaagaɓa taabuki neɓlaat-kumuunɗa, na iñcaa cibóníꞌcaa helɓa líki gaɗa.

Efees 6:18

Ga wahtaa en ɓéeɓ, kíimat Kooh ga iñaa en ɓéeɓ, ɗú dímalukiri kooroh ga Helii yiselaꞌíꞌyii. Kaa neehat ee dëkat ga iñaama, ɗú kíimɗi ɓéeɓ ɓuwii enu ɓuu Koohɗa.

1 Peeꞌ 4:7

Iñaa enin tóoh, jamaanaa wa leehanɗa deeyin. Kon taabat na hel na kiwíisoh, en ɗanaa ɗú mín kikíim Kooh.

1 Peeꞌ 5:8

Wíisohat ee ɗú watuki! Yii heñohirúuɗa, Seytaanii, yii ƴoot en fan gayindifaa en na kimbëmbuk kiheel ɓaa ya seelsohan.

2 Peeꞌ 2:9

Kon iñaama teewohin an Haꞌmudii ínohin daa ya tuman bi ya músal ɓuwii am gari ga coonucii ɓa enukoheeɗa, na daa ya ɗaakan ɓuwii ɓisóotíꞌɓii, ya tóróyíꞌɓa bi ga bëríinaa ëldúna ƴah kiꞌattiꞌuɗa.

Ínohlukoh 16:15

Haꞌmudii woꞌ an: - Malakat, mi yii hay fodii lok. Ɓaa neehhii ee yaa na kúltícaagari, yewinin múuꞌ ndaga ya tíidoo faan ɓuucuuc bi ɓoꞌ hoti kacici.

Ínohlukoh 3:10

Waa mi nakoh kiguuꞌguuluk ee fu taabuk iñaama, mi ɓan, mi hayyaa kisom ga jamaanaa coonucaa hayanɗa. Coonucaama ƴah kidal ëldúna tóoh, kimalaksukoh ɓuwii.