Mëccëe 19:21 - Noon

²¹ Yéesu woꞌꞌari an: - Fu waaꞌ kimëtíraa, kara, fu toon iñaa fu laakɗa tóoh, fu waroh koparaama nduulcii, fodaama fu hay kilaak alalaa leehoo taaꞌ ga ɗook, lëehíraa fu hay, fu taabukkoo.

Mëccëe 19:21 ပူးပေါင်းရင်းမြစ်များ

Mëccëe 16:24

Lëehíꞌta Yéesu woꞌꞌa tëelíbéecaagari an: - Binaa ɓoꞌ waaꞌ kitaam ga fenooroonaa, ya alat hafci, ya kooruk kuraanaagari, ya taabukkoo.

Mëccëe 19:20

Oomaa-fiilaa woꞌꞌa Yéesu an: - Mi tumin iñcuma tóohca, iñii yiida tessoo kitum?

Mëccëe 19:22

Daa oomaa-fiilaa kelohee woꞌeenaama, keeñci leehha tak, ya yaa ƴah, ndaga ya enee ɓaa yewinin alal.

Mëccëe 19:28

Yéesu taassa an: - Mi woꞌꞌúuka ee kayoh; bëríinaa Kooh tuukiran ëldúna wiliis wiꞌas bi Kowukii ɓii yuŋ kinguuruk ga ndamaagarinaa, ɗú ɓii ɗú ɓidaaŋkaah na kanakɓii taabukkooɗa, ɗú hay kiyuŋ ɓan ga baŋ-buuꞌ, ɗú attiꞌ níilcaa Isarayeel cidaaŋkaah na kanakcaa.

Mëccëe 4:19

Yéesu woꞌꞌaɓa an: - Taabukattoo, mi hayyúu kitum ɓimbaaloh ɓoꞌ!

Mëccëe 5:48

Kon enat ɓuwaa matin, fodii dii Paammbúu yii ga ɗook matɗa.

Mëccëe 8:22

Wayee Yéesu woꞌꞌari an: - Taabukaaroo, fu íis ɓuwaa kaaninɗa ɓa ac ɓuwaagaɓa kaanɗa.

Mëccëe 9:9

Yéesu meƴca, yaa ƴah. Ya hotta ɓaa teeku Mëccëe, yugin ga daa ɓuwaa fayohi juutiɗa. Yéesu woꞌꞌari an: - Taabukaaroo! Mëccëe kolukka yaa taabuk Yéesu.

Marka 10:21

Yéesu malakka ɓaa, waaꞌtari. Ya woꞌꞌari an: - Laakin iñaa tesohhaa kitum: kara, toonnaa iñaa fu laakɗa tóoh, fu onwa nduulcii. Fodaama fu hay kilaak alal ga ɗook. Lëehíraa haya, fu taabukkoo.

Marka 2:14

Ya enee na kipaaf, ya hotta Léwí, kowu Alfee, yugin ga ɗekataa fayukohsi juutiɗa. Yéesu woꞌꞌari an: - Taabukaaroo! Léwí kolukka, yaa taabukki.

Marka 8:34

Lëehíꞌta, Yéesu ɓayya mbooloomaa na tëelíbéecaagari, woꞌꞌaɓa an: - Ɓaa waaꞌ kitaam ga fenooroonaa, ya alat hafci, ya tíkat hafci kuraanaagari, ya taabukkoo.

Lúkkaa 12:33

Toonat iñum ɗú laakɗa, ɗú erohwa sarah. Heelɗat haffúu nafaꞌcaa magatoo, alalaa leehoo taaꞌ ga ɗook-Kooh: daama lok mínoo gaca kilaas ee maasoh mínooca kiyasoh.

Lúkkaa 14:33

Fodaama deŋ, ɓaa en ɓéeɓ garúu, fu mínndii kifoñ tóoh iñaa fu laakɗa fu taabukkoonaa, fu yaama, fu mínoo kiꞌen tëelíbéeroo.

Lúkkaa 16:9

Yéesu tíkka ga an: - Ee mi, mi woꞌꞌúu an: pokat kifiiliimun na alal ëldúna, en ɗanaa, bëríinaa ɗú laakissii daranaa, ɗú ɗapu ga kaancaa dëkohsan bi taaꞌɗa.

Lúkkaa 18:22

Ga waa Yéesu kelohha iñaama, ya woꞌꞌari an: - Laakin iñaa tesohhaa. Toonaa iñcaa fu laakɗa tóoh, fu waroh nduulcii koparaama, fodaama fu hay kilaak alalaa leehoo taaꞌ ga ɗook-Kooh, lëehíraa fu hay, fu taabukkoo.

Lúkkaa 5:27

Lëehíꞌta, Yéesu meƴca, ya hotta juuti, yaa teeku Léwí, yugin ga ɗekataa fayohsi juutiɗa. Ya woꞌꞌari an: - Taabukaaroo!

Lúkkaa 6:40

Tëelíbée mínoo kipaaf ɓaa jëgíꞌtiɗa, wayee tëelíbéenaa mat ga jagaagarinaa hay kileꞌ ga jëgírohaagari.

Lúkkaa 9:23

Lëehíꞌta Yéesu woꞌꞌa ɓuwaa ɓéeɓɓa an: - Binaa ɓoꞌ waaꞌ kitaam ga fenooroonaa, ya alat hafci, ya kooruk kuraanaagari besaa en ɓéeɓ, ya taabukkoo.

Saŋ 10:27

Baalciigoo súkúruksin iñaa mi woꞌɗa. Mi ínohinɓa ee ɓa ɓii taabukkoo.

Saŋ 12:26

Ɓaa waaꞌtoo kisúrgaꞌukaa, ya taabukattoo, ee daa mi enohɗa, súrgaagoo ɓan ƴah da. Ɓaa súrgaꞌuk garoonaa Paammboo hayyi kiꞌon céeꞌ. Yéesu tíkka ga an:

Tumeen 2:45

Ɓa toonnda iñaa ɓa laakɗa, ɓa warohha ga díkaantiɓa, yaa en ɓéeɓ na iñaa ya soolukɗa.

Yaawúuꞌcaa 10:34

En kiꞌenaa, ɗú bokka na ɓuwaa abu ga kasuɗa coonucaagaɓa, ee ga wii iñcaa ɗú laak teꞌuɗa, ɗú tookkaka na keeñ wisóosíꞌ, ndaga ɗú ínoheera an ɗú laakin alalaa gën, ee alalaama ƴah bi taaꞌ.