Marka 9:31 - Noon

³¹ ndaga ya enee na kijëgíꞌ tëelíbéecaagari. Ya woꞌeeɓa an: - Kowukii ɓii hay kitíku ga yah ɓuwii. Ɓa hayyi kiꞌap wayee ya kaan bi tík ga bes kaahayaa, ya hay kimílís.

Marka 9:31 ပူးပေါင်းရင်းမြစ်များ

Mëccëe 16:21

Kolkohha daama, Yéesu aawwa kiwoꞌ tëelíbéecaagari faŋ an: - Mi jomin kikaꞌ Yéerúsaleem. Daama, haꞌ-kaancaa na sarahohcaa ɓiyaakɓaa na jëgíroh-waascaa tíkussoo mesiklaat ciyewin. Mi hay kiꞌapu ee besaa wukaahaywaa tíkan gaɗa, mi hay kimílís.

Mëccëe 20:28

Fodaama, kiheel súrga tahhii Kowukii ɓii kihay, wayee ka hay kiꞌen súrga ɓuwii na kiꞌeroh kumuunci doo ya laas tumuun ɓoꞌ ɓiyewin.

Mëccëe 26:2

- Ɗú ínohin an tes ga bes kanak feetii Paakii leꞌ, ee Kowukii ɓii hay kitíku ga yah ɓuwii sagoh nariɗa, ka daayu ga kuraa.

Mëccëe 27:63

Ɓa woꞌꞌari an: - Kiyaakii, ɗí níindísukin an ɓaa yaama woꞌoo kayohɗa, woꞌeera lak ya yaa lís kipes an: «Tík ga bes kaahayaa mi hay kimílís»,

Marka 10:34

Ɓaama hayyi kiñaawalsoh, ɓa toossohhi, ɓa típpi laawoo, ɓa appi. Lëehíraa, bes kaahay tík ganaa ya mílís.

Marka 8:31

Lëehíꞌta Yéesu yaa ínohlukohɓa an: - Kowukii ɓii jom kikooroh ga mesiklaat ciyewin. Haꞌ-kaancaa, sarahohcaa ɓiyaakɓaa, na jëgíroh-waascaa waaꞌsanndii kihotu gari. Ya hay kiꞌapu ee bes kaahay tík ganaa, ya hay kimílís.

Marka 9:12

Ya taassaɓa an: - Ee, Ili ɗewan kihay, ya hëwíraat iñaa en tóoh bi jek. Wayee iñii tah ya, Këyítfaa Kooh woꞌ ɓan an Kowukii ɓii hay kikooroh ga mesiklaat ciyewin, ee ya hay kisagu?

Lúkkaa 24:26

Hanaa Kiristaanii joméeríiɗa kison, balaa ya aas ga ndamaagarine?

Lúkkaa 9:44

- Súkúrukat dijófíꞌ iñii mi ƴahhúu kiwoꞌ yii: Kowukii ɓii hay kitíku ga yah ɓuwii.

Saŋ 10:18

En kiꞌenaa, ken mínoo kiɓeɓ kumuunkiigoo. Newanndoo hen mi erohka. Mi laakin dooli kiꞌeroh kumuunkiigoo na kilaasiska. Iñuma yërí Paammboo nakkoo kitum.

Saŋ 2:19

Yéesu loffaɓa an: - Ɓúrat Kaanfii Kooh, tík ga bes kaahayaa mi ɓëwíꞌfa.

Saŋ 3:14

Fodaa daa Móyíis ɓëwíree goŋ-përëmaa ga ëgíꞌ-dúndagaa doonaa ɓaa en ɓéeɓ hotwaɗa, fodaama ɓan mi, Kowukii ɓii, mi ɓëwíꞌsan ɗa.

2 Tímotée 2:12

Ee binaa ɗu guuꞌguuluk bi leehaa, ɗu hay nari kibok kinguuruk. Wayee binaa ɗu taasukkinaa ya ɓan, ya hayyuu kitaasuk.