Marka 7:34 - Noon

³⁴ Lëehíꞌta ya taaginukka ɗook, ya údíꞌta yen ga kakay, ya woꞌꞌa an: - Effata! (wërí en: «Lëgíska!»)

Marka 7:34 ပူးပေါင်းရင်းမြစ်များ

Marka 1:41

Yéesu laakka yërmaandi wiyaak gari. Ya lëríssa yahaagari, leꞌꞌa ga ɓaa, woꞌꞌari an: - Mi waarinka, waka!

Marka 15:34

Ee ga wahtu kigoonaluk, Yéesu lessa koonaa didóolíꞌ an: - Élóyí, Élóyí, lema sabaktani? (Wërí en: «Koohyiigoo, Koohyiigoo, iñii tah ya fu foñnjoo?»)

Marka 5:41

Ya ammba oomaanaa ga yahaa, ya woꞌꞌa an: - Talita kúm! (Wërí en: «Kuꞌoomaa-jowu, mi woꞌꞌaa, kolka!»)

Marka 6:41

Ya ɓeɓpa mbúurúcaa ciyëtúuscaa na jëncaa kanakcaa, ya taaginukka ɗook, ya gërëmmba Kooh gaca. Lëehíꞌta ya gúꞌsohhaca, ya eꞌta tëelíbéecaa ɓa waroh ɓuwaa. Fodaama ɓan ya warohha jëncaa kanakcaa ga ɓuwaa tóoh.

Marka 7:35

Haat nofcaa ɓaa lëgísukka, perimpaa lógískohha, ya yaa woꞌ dijófíꞌ.

Marka 8:12

Yéesu íikka hëes, woꞌꞌa an: - Iñii tah ya ɓuwii wati waaru kihot kíntaan? Mi woꞌꞌúuka ee kayoh; ɓuwii wati, ken teewooɓa kíntaan.

Lúkkaa 18:42

Waa ennda ɗa Yéesu woꞌꞌari an: - Mínsisaa kihot! Ngëmiigaraa músalinndaa.

Lúkkaa 19:41

Ga waa Yéesu hayya bi deeƴca teeraa Yéerúsaleem, ee ya tíkka kuhasci gawa, ya yaa kodukiꞌ ɓu-dëkaa

Lúkkaa 7:14

Lëehíꞌta, Yéesu deeƴca, leꞌꞌa ga ñoyaa ɓuwaa abohɗa, ɓa tuukka. Yéesu woꞌꞌa an: - Oomaa-fiilii, mi nakkaa, kolka!

Saŋ 11:33

Daa Yéesu hotee Mërí yaa koduk, ya na yaawúuꞌcaa taabee nariɗa, faanci púnnda keeñci leehha,

Saŋ 11:35

Daama Yéesu kodukka.

Saŋ 11:38

Waa ennda ɗa, ɓaatissa ga, keeñaa Yéesu wëñnja kileeh, ya yaa ƴah loyaa. Loyaa enee nogaa yotu ga jaŋjagaa ee atoh wiyaak lagussa ga kúuwkaa.

Saŋ 11:41

Ɓa níssa atohaa. Yéesu ɓëwíꞌta hascaagari ɗook asamaan, woꞌꞌa an: - Paamudii, mi gërëminndaa ga dii fu súkúrukinndooɗa.

Saŋ 11:43

Daa Yéesu lëehɗee kiwoꞌ iñaama, ya fiippa koonaa ga ɗook an: - Lasaaꞌ, meyaa fooh!

Saŋ 17:1

Ga waa Yéesu lëehíꞌta kiwoꞌ fodaama, ya taaginukka ɗook-Kooh, ya woꞌꞌa an: - Paamudii wahtii leꞌin. Teewohaa ndamii Kowukiigaraa, en ɗanaa Kowukii ɓan teewoh ndamiigaraa.

Tumeen 9:34

Peeꞌ woꞌꞌari an: - Aynee, Yéesu Kiristaa yërí wëkíꞌtaa, koluka fu lariꞌ haffu fayaaŋfiigaraa. Ga saasi Aynee kolukka.

Tumeen 9:40

Peeꞌ meƴdohhaɓa ɓéeɓɓa fooh, ya ƴíꞌꞌa, kíimmba Kooh. Lëehíꞌta ya mëeñsukka ga faraaffaa, woꞌꞌa an: - Tabítaa, kolka! Tabítaa malakka, ee daa ya hotee Peeꞌ hen, ya kolukka, yuŋnga.

Yaawúuꞌcaa 4:15

Sarahohii yiyaakyii ɗu laakɗa mínin naruu kibok ga ɗuuƴ kilaakoo-doolikiigaruuɗa, ndaga fodii ɗu fíꞌsiɗa, ya ga kihafci, ya fíꞌseera ga ɓakaa en tóoh, wayee ya tummbii baakaaꞌ.