Marka 4:39 - Noon

³⁹ Ya yúudukka, ya gëtta uurisaa, ya woꞌꞌa giiyaa an: - Ɗekoha, fu yeewuk! Uurisaa tuukka, ɗekataa ennda cel.

Marka 4:39 ပူးပေါင်းရင်းမြစ်များ

Mëccëe 8:26

Yéesu woꞌꞌaɓa an: - Iñii tahhúu ya kiniik hínɗa? Ɗú daal ngëmiigarúu yëgíssii! Waa ennda ɗa, ya kolukka, gëtta uurisaa na giiyaa, tóoh ennda selew.

Marka 4:38

Lak Yéesu yaa neeh ga ɓakaa hanoh bosaa loocaaɗa, tígínkin. Tëelíbéecaagari yúudussari, ɓaa woꞌꞌi an: - Jëgírohii! Tumuuntii ɓuwii ɓíttiiraane?

Marka 9:25

Yéesu hotta ga daa ɓuwaa ɓaa fool kihay kilaaƴɗa, ya gëtta rawaa an: - Fu rawii, fu yii fu haydoh kiɗek na kiluuɓɗa, mi nakkaa, meyohaa ga oomaanii ee kaa leꞌis gari bi taaꞌ!

Lúkkaa 4:35

Yéesu gëtta rawaa, woꞌꞌari an: - Ɗekoha, fu meyoh ga ɓii. Daama, rawaa ɓúukka ɓaa kakay, ga leeloo ɓuwaa ɓéeɓɓa, ya meƴca gari ee tummbiiri dara iñaa meskin.

Lúkkaa 4:39

Ya híilla ga ɗookci, ya gëtta tamohlaataa faanfaa; tamohlaataa meƴca, ga saasi ya kolukka, ya aawwaɓa kitoputuꞌ.

Lúkkaa 8:24

Ɓa deeƴca ga Yéesu, ɓa yúunndari an: - Jëgírohii, Jëgírohii, kikaankii kii hayyuu! Yéesu yúudukka, gëtta uurisaa na dúuscaa, ca seemmba, ɗekataa ennda cel.