Lúkkaa 7:8 - Noon

⁸ Ndaga mi ga kihaffoo, mi laakin ɓuwaa hanohhoo ɗook ee mi laakin soldaaꞌcaa hanohussoo kakay. Binaa mi woꞌ yii an karanaa, ya kaꞌ; mi woꞌ yíinoo an hayanaa, ya hay; ee binaa mi woꞌ súrgaagoo an tumaa iñii yiinaa, ya tummbi.

Lúkkaa 7:8 ပူးပေါင်းရင်းမြစ်များ

Lúkkaa 7:7

iñaama yërí tah bi mi woꞌ an joobinndoo mi hay na kihaffoo kihídohnee naraa. Wayee woꞌaa woꞌeen wíinoo rek, súrgiigoo wak.

Lúkkaa 7:9

Daa Yéesu kelohee woꞌeencaama, ya waaruꞌꞌa ga soldaaraa yiyaakyaa. Ya mëeñsukka ga mbooloomaa taabukeeriɗa, ya woꞌꞌa ɓuwaa an: - Mi woꞌꞌúu man, bi ga ɗuuƴ Isarayeel sah mi mossii kihot ɓaa laak ngëmaa hín na wii garoo.

Tumeen 23:17

Pool ɓayya yíinoo ga soldaaꞌcaa kuliyuki ɓoꞌ ɓitéeméeꞌ ga heñɗa, woꞌꞌari an: - Ɓayaa oomaa-ƴaalii yii ga haꞌ-kaadaa soldaaꞌcaa, ya laak iñaa ya ƴahhi kiwoꞌ.

Tumeen 23:23

Waa ennda ɗa, haꞌ-kaadaa soldaaꞌcaa ɓayya ga soldaaꞌcaagari ɓanak ɓaa kuliyuk ɓoꞌ ɓitéeméeꞌ ga heñ, ya woꞌꞌaɓa an: - Hídírohat soldaaꞌ ɓitéeméeꞌ-kanak ɗú tuuk ga kiƴah Sesaree. Ɗú taam ɓan na soldaaꞌ ɓidaaŋkaah-yitnakanak ɓaa lap pënís na soldaaꞌ ɓitéeméeꞌ-kanak ɓiliis ɓaa ɓay núɓ. Ɗú ƴah kikolkoh dii noh-soos ga wahtu cuuníin ɗú ƴeeꞌ.

Tumeen 23:26

«Filiksi, gúwernëerii yiyaakyii, mi Kolot Lísiyas mi yërí bínndaa këyítfii fii, ee mi yii këñíꞌtaa ga.

Tumeen 23:31

Soldaaꞌcaa ɓewussa Pool, fodaa ɓa naku kaɗa, ɓa ɓayyari ga wek bi ga teeraa Antípatiriis.

Tumeen 24:23

Waa ennda ɗa, Filiksi nakka soldaaraa kuliyuki ɓoꞌ ɓitéeméeꞌ ga heñɗa kiɗaak Pool ga kasaa, wayee ya íisu ya féeh ee fiiliimuncaagari míniri kihay kitoputuꞌ.

Tumeen 25:26

Mi nak mi laakkii dara yiléeríꞌ ga looci yaa mi mínan kibín buuꞌ Sesaaꞌ. Mi haydohhari ga fíkíirúu, ee wëñaa ga fíkíifu, buuꞌ Agírípaa; en ɗanaa, ya meekisunaa, heƴna mi laak kimma iñaa mi bídanndi.

Koloos 3:22

Ɗú ñaamcii nak, kelohɗat haꞌmunciigarúu ga ëldúnaɗa ga iñaa en tóoh. Hanat kiꞌen rek ga daa ɓa malaki garúuɗa tah ɗú tumi lëgëyiigarúu kiheel ndam ɓoꞌ-súusúus, wayee kelohɗatɓa, taam na keeñ wisétíꞌ ndaga dii ɗú erin Haꞌmudii céeꞌɗa.