Lúkkaa 7:40 - Noon

⁴⁰ Yéesu taassa woꞌꞌa Fërísiyeegaa an: - Simoŋ, laakin iñaa mi waaꞌtaa kiwoꞌ. Simoŋ taassa an: - Jëgírohii, woꞌa!

Lúkkaa 7:40 ပူးပေါင်းရင်းမြစ်များ

Mëccëe 26:49

Daa Yúdaa leꞌee, ya dalla kideeƴ ga Yéesu woꞌꞌari an: - Hóowíra Haꞌmudii! Ya dalla kifuun Yéesu.

Mëccëe 7:22

Besaa Kooh ƴah kiꞌattiꞌoh ɓuwii leꞌ bëríinaa, hay kiyewin ɓuwaa woꞌanndoo an: «Haꞌmudii, Haꞌmudii, man ɗí yéegalohee woꞌeenaa Kooh ga teekiigaraa. Ɗí kaalla raɓcaa abee ɓuwaaɗa ga teekiigaraa. Ɗí tummba kíntaan ciyewin ga teekiigaraa!»

Lúkkaa 18:18

Laakka ɓoꞌ yaa kuliyuk ga yaawúuꞌcaa, meekissa Yéesu an: Jëgírohii yijófíꞌyii, mi tuman na bi mi laak ɓakkoo ga kipeskaa leehoo taaꞌɗa?

Lúkkaa 5:22

Wayee Yéesu ínohha halaatcaagaɓa, woꞌꞌaɓa an: - Iñii tah ya ɗú laak halaatcuma ga helciigarúu?

Lúkkaa 5:31

Yéesu kelohhaɓa, loffaɓa an: - Ɓuwaa dara gaa naɓa laakussii sooli ga payoh, wayee ɓuwaa ɗúukoolin ɓërí laak sooli ga.

Lúkkaa 6:8

Wayee Yéesu ínohha halaatcaagaɓa, ya woꞌꞌa ɓaa yahaa ɗooƴkinɗa an: - Kolka, fu tuuk dii ga fíkíi ɓéeɓ! Ɓaa kolukka, tuukka.

Lúkkaa 7:39

Daa Fërísiyeegaa ɓayee Yéesu kiñamɗa hotee iñaama, ya yaa woꞌ ga helci an: «Ɓii yii enee sëldíiga-Koohaa, eneenaa ya hay kiꞌínoh ɓii en ɓetifii leꞌ gariɗa ati ya ɓa: eneenaa ya hay kiꞌínoh an ɓii yii ɓetifaa júɓpii.»

Lúkkaa 7:41

Yéesu woꞌꞌa an: - Enee ɓoꞌ ɓanak, ɓaa laakiꞌ ɓoꞌ kobot: yíinoo ɓayɗeeri denariyon citéeméeꞌ-yëtúus, yíinooyaa cidaaŋkaah-yëtúus.

Saŋ 13:13

Ɗú, ɗú ɓayiroo «Jëgírohii», ɗú ɓayiroo «Haꞌmudii», ee ɗú woꞌ kayoh ndaga mi yërí.

Saŋ 16:19

Yéesu ínohha an ɓa waaꞌti kimeekis, ya woꞌꞌaɓa an: - Ɗú ɓii meekisoh ga díkaantirúu kiwaaꞌ kiꞌínoh iñii mi woꞌ an: «Tesin ga jutuut ɗú hotsanndiiroo ee tík ga jutuutaa ɗú hayyoo kihotis.»

Saŋ 16:30

Ɗí hotin kimma an soolukkii fu meekisu iñaa ɓoꞌ-súusúus halaat ga helci. En kiꞌenaa, fu ínohin iñaa en tóoh. Kërí tah ɗí gëmin an fu meyoh ga Kooh.

Saŋ 3:2

Ya hayya ga Yéesu ga wek, ya woꞌꞌari an: - Jëgírohii, ɗí ínohin an Kooh yërí wossaa kijëgíꞌtíi. En kiꞌenaa, ken mínoo kitum kíntaancii fu tumiɗa enndii an Kooh taam narinaa.