Lúkkaa 7:34 - Noon

³⁴ Kowukii ɓii hayin, kii ñam, kii an, ee ɗú woꞌ an: «Malkat ɓii yii halaat kiñam doŋ na kiꞌan biiñ ee ya fiiliimunoh na juuticii na tumoh-baakaaꞌcii.»

Lúkkaa 7:34 ပူးပေါင်းရင်းမြစ်များ

Mëccëe 11:19

Kowukii ɓii hayin, kii ñam, kii an, ee ɓa woꞌ an: «Malkat ɓii yii halaat kiñam doŋ na kiꞌan biiñ ee ya fiiliimunoh na juuticii na tumoh-baakaaꞌcii.» Wayee iñii kiñaañkii Kooh límiɗa, wërí teewohi an ka júwin.

Mëccëe 5:46

Binaa en lak ɗú waaꞌ ɓuwii waaꞌtúuɗa rekaa, neehalii wiida wërí ɗú laakan ga iñaama? Iñaama, bi ga juuticii sah tumsinndi.

Mëccëe 9:11

Fërísiyeeŋcaa hotussa iñaama, woꞌussa tëelíbéecaa Yéesu an: - Iñii tah ya jëgírohiirúu bok kiñam na juuticii na ɓuwii ɓibóníꞌɓii ɓii?

Lúkkaa 11:37

Ga waa Yéesu woꞌꞌa bi lëehíꞌta, laakka Fërísiyeegaa ɓayyi kicuunohuk ga kaanci. Yéesu aassa, yuŋnga kiñam.

Lúkkaa 14:1

Ga bes Sabat, bëríi Yéesu karee kiñam ga kaan ɓoꞌ yíinoo ga ɓuwaa kuliyuk ga Fërísiyeeŋcaaɗa. Ɓuwaa ensee daamaɗa enussa yëŋ gari.

Lúkkaa 15:2

Fërísiyeeŋcaa na jëgíroh-waascaa ɓaa jambat ga díkaantiɓa an: - Ɓii yii tookin kiyuŋ na ɓuwii júwussiiɗa ee ya ñami naɓa!

Lúkkaa 19:7

Wayee ɓéeɓ ɓuwaa hotee iñaamaɗa ɓaa jambat an: - Malkat, Yéesu kaꞌ kisagacuknee ga kaan ɓaa júɓpii!

Lúkkaa 5:29

Léwí tíkɗee Yéesu ñamah cijófíꞌ ga kaanci. Juuti ɓiyewin na ɓiɓoꞌ ɓiliis bokussa naɓa kanu.

Lúkkaa 7:33

Ndaga Saŋ-Bëtís hayin, ya ñamoo ee anoo fodii ɓuwii, ee ɗú woꞌ an: «Ya laak raɓ».

Lúkkaa 7:35

Wayee ɓéeɓ ɓuwii took kiñaañkii Koohɗa ínohuunun an ka júwin.

Lúkkaa 7:36

Laakka Fërísiyeegaa ɓay Yéesu kiñamnee nari. Yéesu kaꞌta kaanfaa Fërísiyeegaa, ya yuŋnga kiñam.

Saŋ 12:2

Ya tíkɗussa cuuníin daama. Marta yërí norohee ee Lasaaꞌ bokee ga ɓuwaa bok na Yéesu kanuɗa.

Saŋ 2:2

Yéesu ɓan nakseera sëgílookfaa, ya na tëelíbéecaagari.