Lúkkaa 7:22 - Noon

²² Ya dalla ɓuwaa kitaas an: - Karat ɗú ɓéestíꞌnee Saŋ iñcii ɗú hotɗa, na iñcii ɗú kelohɗa: búumíꞌcii ɓii hot, lafañcii ɓii tíin dijófíꞌ, gaanacii ɓii sétíru, ɗekcii ɓii keloh, faraafcii cii mílís, nduulcii ɓii yéegalu Hewhewii winéwíꞌwii.

Lúkkaa 7:22 ပူးပေါင်းရင်းမြစ်များ

Mëccëe 11:5

búumíꞌcii ɓii hot, lafañcii ɓii tíin dijófíꞌ, gaanacii ɓii sétíru, ɗekcii ɓii keloh, faraafcii cii mílís, ee nduulcii ɓii yéegalu Hewhewii winéwíꞌwii.

Mëccëe 21:14

Laakka búumíꞌ, na ɓéedúkíꞌcaa hay ga Yéesu ga Kaanfaa Kooh, ya wëkíꞌtaɓa.

Lúkkaa 4:18

«Helii meyoh ga Haꞌmudiiɗa, wii ga ɗookkoo ndaga ya tanukinndoo kihaydoh Hewhewii winéwíꞌwii ga ɓuwii laakooɗa. Ya wosinndoo kiyéegal ɓuwii abuɗa an ɓa hay kirëc na kiwoꞌ ɓuwii hascii búumɗa an ɓa hay kihotis, ɓuwii en na kitogisohuɗa an ɓa hay kilaak hafɓa;

Lúkkaa 7:21

Ga wahtaama siiꞌ, Yéesu wëkíꞌta ɓoꞌ ɓiyewin ga ɗúukoolcaagaɓa, na ga iñaa mesikɓaɗa, ya kaalla raɓcaa ga ɓuwaa ee búumíꞌ ɓiyewin, ya onndaɓa kihot.

Lúkkaa 7:23

Ɓaa mi tahhiiraa kisoof fenoo ga ngëmaagaraanaa, fu yewinin múuꞌ!

Saŋ 1:46

Natanayeel woꞌꞌari an: - Nasareete? Enaama yijófíꞌ mínin daama kimeyohe? Filiip woꞌꞌari an: - Haya, fu hot.

Tumeen 26:18

Mi wossaa gaɓa, fu lëgísiꞌɓa hasciigaɓa, fu ɓewohɓa ga ñúusii fu haydohɓa ga leeꞌlaatii. Fu ɓewohɓa ga yah Seytaani, fu ëewdohɓa ga Kooh, mi bayalɓa baakaaꞌciigaɓa, en ɗanaa ɓa gëm garoonaa mi waꞌ ɓa ga iñcii ɓuwii Kooh ƴah kilamɗa.»

Tumeen 8:7

En kiꞌenaa, raɓ ɓiyewin meyohussa na tifiip tiyaak ga ɓuwaa ɗúukoolinɗa, ee lafañ ɓiyewin na ɓeedukíꞌ ɓiyewin wëkɗussa ɓan.

Saak 2:5

Mbokciigoo mi keeñukɗa, súkúꞌkattoo: ɓuwii tíku nduul ga ëldúnaɗa, Kooh tanukɓa, doonaa ngëmaa ya onɓaɗa dooyɓa alal ee ɓa laas ga Nguurii Kooh díŋ ɓuwii waaꞌtiɗa.