Lúkkaa 3:22 - Noon

²² Helaa yiselaꞌíꞌyaa yoosukka ga ɗookci fodii iñaa man na hoꞌ. Laakka koonaakaa kelohuk, meyoh ɗook-Kooh an: «Fu yërí en kowuroo ee mi waarinndaa. Keeñnjoo soosin garaa.»

Lúkkaa 3:22 ပူးပေါင်းရင်းမြစ်များ

Mëccëe 12:18

- Súrgiigoo mi tanukɗa yeema. Yii mi keeñuk ee yërí soos keeñnjooɗa. Mi hay kiyóoskíꞌ Heliigoo ga ɗookci, ee ya hay kiteeɓ heetcii ɓéeɓca iñaa en kijúɓɗa.

Mëccëe 17:5

Lak Peeꞌ yaa lís kiwoꞌ fodaama, laakka yaayeel wimélícíꞌ waa hay, úullaɓa. Ee ga ɗuuƴ yaayeelaa, laakka koonaakaa woꞌ an: - Ɓii yii yërí en Kowukiigoo mi keeñukɗa, keeñnjoo soosin gari, súkúrukatti!

Mëccëe 27:43

Ya tíkee yaakaaꞌci ga Kooh. En lak Kooh keeñukinndinaa, ya músalatti diima ndaga yërí woꞌ an ya Kowu Kooh.

Mëccëe 3:13

Waa ennda ɗa, Yéesu kúlkohha Gëlílée hayya kibëtísiꞌuknee ga Saŋ ga húlúwaa Yúrdeŋ.

Mëccëe 3:16

Daa Yéesu bëtísiꞌsee bi lëehíꞌta, ya meƴca músúmaa. Ga saasi asamaanaa lëgísukka, ya hotta Helaa Kooh yaa yoosuk ga ɗookci en fan hoꞌ.

Mëccëe 3:17

Laakka koonaakaa meyoh ɗook woꞌꞌa an: - Ɓii yii yërí en Kowukiigoo mi keeñukɗa, keeñnjoo soosin gari!

Marka 1:11

Laakka koonaakaa meyoh ɗook Kooh, woꞌꞌa an: - Fu yërí en Kowukiigoo mi keeñukɗa. Keeñnjoo soosin garaa.

Marka 1:9

Waa ennda ɗa, Yéesu meyohha dëkaa Nasareet ga gohaa Gëlílée, ya hayya, Saŋ bëtísiꞌꞌari ga húlúwaa Yúrdeŋ.

Marka 9:7

Laakka yaayeelaa hay, úullaɓa. Ee ga ɗuuƴ yaayeelaama, laakka koonaakaa koluk an: - Ɓii yii yërí en Kowukiigoo mi keeñukɗa, súkúrukatti!

Lúkkaa 2:14

«Ndam aawat ga Kooh ga ɗookaa-ɗook, ee ga kakay jamaagari enat na ɓuwaa ya tanɗa!»

Lúkkaa 4:21

Daama, ya yaa woꞌɓa an: - Wati, woꞌeenii ga Këyítfii ɗú han kikelohɗa laakohin ga dii wa woꞌɗa.

Saŋ 1:32

Ga iñaama, Saŋ seediꞌꞌa an: - Mi hotin Helaa yiselaꞌíꞌyaa yoosukohha asamaan en fan hoꞌ, yammba ga ɗookci.

Saŋ 12:28

Paamudii, eraa teekiigaraa ndam! Waa ennda ɗa, laakka koonaakaa meyoh ɗook-Kooh, woꞌꞌa an: - Mi erinwa ndam kumëeñíꞌ ee mi haywa kiꞌeꞌsis ndam.

Saŋ 5:37

Ee ɓan Paamudii wossooɗa, ya ga kihafci, ya seediꞌin yen garoo. Ɗú mosoo kikeloh koonaakaagari ee ɗú mosoo kihot fíkíifaagari.

Tumeen 10:38

Yéesu Nasareet yaama, Kooh faleeri, soꞌtari doolaa meyoh ga Helii yiselaꞌíꞌyii, ya yaa wíil daa en ɓéeɓ kitum enaama cijófíꞌ, ya yaa wëkíꞌ ɓéeɓ ɓuwaa Seytaani laakee dooli ga ɗookɓaɗa ndaga Kooh taabee nari.

Koloos 1:13

Ya teꞌinnduu ga doolii ñúusii, ya ekkaruu ga nguurii Kowukiigarii ya keeñukɗa.

1 Peeꞌ 2:4

Haꞌmudii yërí en atohii en na kipes ɓuwii jafeeɗa wayee Kooh tanukwa ee wa laakin solu gari. Deeyat gari.