Lúkkaa 3:14 - Noon

¹⁴ Laakka ɓan soldaaꞌcaa meekissi an: - Ɗí ɓan, ɗí jom ya kitum? Ya woꞌꞌaɓa an: - Kaa teꞌat hëelís ken na dooli wala ga pokiꞌ ɓoꞌ iñcaa laakkii, wayee eemat ga fayaagarúu.

Lúkkaa 3:14 ပူးပေါင်းရင်းမြစ်များ

Mëccëe 8:5

Lak Yéesu yaa aas teeraa Kafarnawom, soldaaꞌ, yaa kuliyuki ɓoꞌ ɓitéeméeꞌ ga heñ, deeƴca gari, kíimmbari

Lúkkaa 19:8

Sakee nak kolukka, woꞌꞌa Haꞌmudii an: - Haꞌmudii, malka, mi hay kiwaroh nduulcii ɓakii alaliigoo wíinoowii, ee en lakanaa mi ɗúkeera ɓoꞌ mi ñammba hëelíscinaa, mi hayyi kiꞌík iñaa hín ɗa waas cinikiis.

Lúkkaa 3:10

Mbooloomaa meekissari an: - Kon ɗí jom ya kitum?

Lúkkaa 3:13

Ya loffaɓa an: - Kaa meekisohat ɓuwii iñaa wëñ iñaa nguuraa nakohɗa.

Tumeen 10:7

Ga waa malaakaa woꞌee nari kaꞌɗa, Korney ɓayya ga súrgacaagari ɓanak, na soldaaꞌ yigëmíꞌ Kooh ga ɓaa ya kuliyukɗa.

Filiip 2:15

En ɗanaa, ɗú laakoo sík, ɗú set wic, ɗú en ɓitowu Kooh taa laakoo dara iñaa ɓoꞌ woꞌan gaɓa yibóníꞌ ee ɗú kíndohsoo ga ɓuwii ga ëldúna júwussii ee ɓa ɓiɓoꞌ ɓibóníꞌɗa.

Filiip 4:11

Enndii an mi laak sooli ga yen tah mi woꞌꞌúu iñuma. En kiꞌenaa, iñii mi yoonɗa wërí en an, waa mi laak yen, waa mi laakkii dara, keeñnjoo soosin.

Tít 2:3

Fodaama ɓan, yaꞌɓucum, woꞌaaɓa ɓa ɓay ɓadukeen ɓaa pes ga iñaa Kooh waaꞌ. Ɓa hanat kiɗooɓ mooroomɓa, ɓa hanat kihaabin ga kiꞌan, ɓa jom kidígaloh yijófíꞌ,

Ínohlukoh 12:10

Lëehíꞌta, mi kelohha koonaa kiyaak ga asamaan, kaa woꞌ an: - Diimaɗa, jamaanii kimúckii leꞌin, diimaɗa Koohyiigaruu teewohin iñii ya mínɗa ee tuukirin nguuriigari. Diimaɗa Kiristaaniigari eruunun doolii. Ga iñaama, pokoh-kiwoꞌii, yii wekoo nohoo ëpírohi mbok-kerceenciigaruu na Koohɗa, jafuunun ga kakayfii.