Lúkkaa 23:2 - Noon

² Daama, ɓa ennda ga kipokiꞌti woꞌeencaa an: - Ɗí laak ɓii yii, yii hícísoh kúlkii: ya hoonohi ɓuwii kifay buuꞌ Sesaaꞌ lempu, ee ya woꞌ an ya en Kiristaa, buuꞌ.

Lúkkaa 23:2 ပူးပေါင်းရင်းမြစ်များ

Mëccëe 17:27

Wayee waa ɗu waaꞌtii kiyëngël keeñcaagaɓa, karaa giiyaa fu wees yoos. Jënaa fu ɗewan kiꞌamɗa, ŋëegísaa kúuwkaa: fu hay ga kihot hanjaꞌ-hëelís wíinoo. Ɓewaawa, fu fayɓa lempiigoo ga na wiigaraa.

Mëccëe 22:21

Ɓa taassa an: - Cuu Sesaaꞌ, buuraa yiyaakyaa. Daama Yéesu woꞌꞌaɓa an: - Kon erat Sesaaꞌ iñaa en yuu Sesaaꞌ ee erat Kooh iñaa en yuu Kooh.

Mëccëe 27:11

Waa ennda ɗa, Yéesu ɓayussa ga fíkíi gúwernëeraa, yaama meekissari an: - Fu yërí en buurii yaawúuꞌciine? Yéesu taassari an: - Fu yii woꞌka.

Marka 12:17

Daama, Yéesu woꞌꞌaɓa an: - Kon erat Sesaaꞌ iñaa Sesaaꞌ laak, ɗú eꞌ Kooh iñaa Kooh laak. Ɓa waaruꞌꞌa lool ga iñaa Yéesu taasɓa yaama.

Marka 15:2

Pílaat meekissa Yéesu an: - Fu Yërí en buurii yaawúuꞌciine? Yéesu taassari an: - Fu yii woꞌka.

Lúkkaa 23:14

ya woꞌꞌaɓa an: - Ɗú ɓërí haydoh ɓii yii garoo, ɗú woꞌ an ya en na kihícisoh kúlkii. Mi meekisinndi ga fíkíirúu ee mi hottii gari yen yíinoo ga iñcii ɗú yammbiɗa.

Lúkkaa 23:5

Wayee ɓa wëñnja kiyëgís ga woꞌeenaagaɓa an: - Ya yii yëngël ɓu-dëkii na iñcii ya en na kijëgírohɗa ga ɗuuƴ kúlkii Yúudée. Ya dalohnee gohaa Gëlílée, ya hayin bi dii.

Saŋ 18:29

Iñaama tah, Pílaat, gúwernëeraa nammba kimeƴ gaɓa ga fooh, meekissaɓa an: - Ɓii yii, iñii ɗú yabohhiɗa, ya ya?

Saŋ 18:30

Ɓa taassari an: - Ya enéeríi tumoh-kofeelaa, ɗí haydohoori garaa.

Saŋ 19:12

Ga ɗekataama, Pílaat yaa heel kiꞌíis Yéesu, wayee yaawúuꞌcaa ɓaa fiip didóolíꞌ an: - Binaa fu íis ɓii yii rekaa fu enndii fiiliimun buuꞌ Sesaaꞌ. Ɓaa tík hafci buuꞌ ɓéeɓ, lak sagohin na buuꞌ Sesaaꞌ.

Tumeen 24:13

Ɓuwii ɓii mínsoo kiwoꞌ dara yiléeríꞌ ga iñcii ɓa yammboo diima diimaɗa.

Tumeen 24:5

Tertilus tíkka ga an: - Ɗí hotin an ɓii yii, ɓoꞌ yibóníꞌ ga ɗuuƴ ɓuwii. Ya haydoh kihëgískoh ga ɗuuƴ yaawúuꞌcii ga ëldúnaɗa tóohɓa; yërí kuliyuk ga ɓuwum taabuk iñii jëgírohu meyoh Nasareetɗa.

Room 13:7

Erat yaa en ɓéeɓ iñaa ya jom kiꞌeruɗa. Ɓaa ɗú jom kifay lempunaa, fayattiwa. Ɓaa ɗú jom kifay juutinaa, fayattiwa. Ɓaa ɗú jom kiꞌeꞌ céeraa, erattiwa. Ɓaa ɗú jom kiꞌeꞌ ndamaa, erattiwa.