Ínohlukoh 22:9 - Noon

⁹ Malaakaa nak dallaroo kiwoꞌ an: - Watuka! Kaa tumka. Mi, mi súrga fodiigaraa, fodaa ɓan mbokcaagaraa, sëldíiga-Koohcaa, na ɓan ɓéeɓ ɓuwaa taabuk woꞌeencii bídu ga Këyítfii fiiɗa. Jaamukaa Kooh!.

Ínohlukoh 22:9 ပူးပေါင်းရင်းမြစ်များ

Mëccëe 4:9

woꞌꞌari an: - Mi hayyaa kiꞌon iñcuma tóohca binaa fu ƴíꞌ ga fíkíiroo, fu jaamukkoonaa.

Lúkkaa 4:7

Kon fu, binaa fu ƴíꞌ ga fíkíiroonaa, iñaama tóoh fu hayyi kilaak.

1 Saŋ 5:20

Ɗu ínohin an Kowukii Kooh hayin ëldúna ee ya oninnduu hel kiꞌínohsoh Koohyii yukayohyii. Ɗu enin wíinoo na Koohyii yukayohyii ndaga dii ɗu enin wíinoo na Yéesu Kiristaa, Kowukiigari. Ya yërí en Koohyii yukayohyii, yërí en kipeskii leehoo taaꞌɗa.

Ínohlukoh 1:1

Këyítfii fii woꞌ ga loo iñcii Kooh eꞌ Yéesu Kiristaa kiteeɓ súrgacaagari, en ɗanaa, ɓa ínoh iñcaa joman kilaak ga iñaa maañanndii. Fodaama, Yéesu Kiristaa wossa malaakaagari ga súrgaci Saŋ, ya ínohlukohhiꞌca.

Ínohlukoh 1:11

Koonaakaa woꞌꞌaroo an: - Iñcii fu hotɗa bídaaca ga këyít, fu wosohca ga jaangucii ciyitnakanakcii, cii en ga teerucii ciiɗa: teeraa Efees, waa Ismíiꞌ, waa Pergaam, waa Tíyaatíiꞌ, waa Sardes, waa Fílaadelfíi na waa Lawodísée.

Ínohlukoh 14:7

Ya yaa woꞌ didóolíꞌ an: - Niikat Kooh ee ɗú eꞌti ndam! Kayoh, wahtii ya ƴah kiꞌattiꞌ ëldúnaɗa leꞌin. Kon jaamukat ɓii sak asamaanii, kakayfii, giiyii na haalaa-músúciiɗa.

Ínohlukoh 15:4

Haꞌmudii, ɓii kaañanndaa kiniikoo ɓa? Ɓii sagan kikañ teekiigaraaɗa ɓa? Kayoh, fu doŋ fu yërí selaꞌ, ee ɓéeɓ heetcii hay kihayu ƴíꞌu ga fíkíifu, jaamuksiraa, ndaga ɓa hotin an tumeenciigaraa júwin.

Ínohlukoh 19:10

Waa ennda ɗa, mi jafukka kakay ga kotcaagari kijaamukki. Wayee ya woꞌꞌaroo an: - Múk, kaa tum iñuma. Mi súrga doŋ fodiigaraa, fodii ɓan mbok-kerceencaagaraa abu kayohfaa Yéesu seediꞌɗa. Jaamukaa Kooh! En kiꞌenaa, kayohfaa Yéesu seediꞌɗa fërí léeríꞌ helcaa sëldíiga-Koohcaa.

Ínohlukoh 22:10

Lëehíꞌta, ya woꞌissaroo an: - Kaa ɗekoh múk na woꞌeencii meyoh ga Kooh, bídu ga Këyítfiiɗa. En kiꞌenaa, wahtii abu ca jom kilaakohɗa deeyin.

Ínohlukoh 22:18

Mi Saŋ, mi yii yéegal ɓéeɓ ɓuwii keloh woꞌeencii meyoh ga Kooh, bídu ga Këyítfii fiiɗa an: «Binaa ɓoꞌ ɓaat yen ganaa, Kooh hayyi kiɓaati ga kofeelcaa tíkukkiɗa, cii ɓéestíru ga Këyítfii fiiɗa.

Ínohlukoh 22:7

Yéesu woꞌ an: - Kayoh, mi yii hay ga iñaa maañanndii. Fu yewinin múuꞌ, ɓaa fu am woꞌeencii meyoh ga Kooh, bídu ga Këyítfii fiiɗa!

Ínohlukoh 4:10

yaakcaa ɓidaaŋkaah-kanakɓaa na ɓinikiisɓaa ƴíꞌu kúrúk ga fíkíi ɓaa yuŋ ga baŋ-buuraaɗa, yaa ƴah kipes bi taaꞌɗa, ɓa jaamukiri; ɓa ɓúuk baanu-buuꞌcaagaɓa ga kakay, ga fíkíi baŋ-buuraa, ɓa woꞌꞌi an:

Ínohlukoh 9:20

Wayee nak ɓuwaa tes kaanussii ga kofeelcaa-caamaɗa, foñussii ga fen iñcaa cibóníꞌcaa ɓa tumee na yahɓaɗa. Ɓa ɓaa lís kijaamuk raɓ-seytaani na nataalcaa hëwírohu wúrúus, wala hëelís, wala përëm, atoh cimóríꞌ wala dooꞌ kedik. Ee iñcaama mínoo kihot, ca mínoo kikeloh, ca mínoo kitíin.