Ínohlukoh 11:8 - Noon

⁸ Fodaama, faraafcaagaɓa hay kifoñu ga paanaa en ga teeraa wiyaakwaaɗa. Teeraama, Kooh abohwa fodii Sodom wala Esípti ee Haꞌmudiigaɓa daayohsee ga kuraanaa daama.

Ínohlukoh 11:8 ပူးပေါင်းရင်းမြစ်များ

Mëccëe 10:15

Mi woꞌꞌúuka ee kayoh; besaa ƴah kiꞌattiꞌohuɗa leꞌaa, ɓu-dëkaa Sodom na Gomooꞌ ɓërí taniꞌan ɓu-dëkaawaama attiꞌ.

Tumeen 9:4

Ya keennda kakay. Ya kelohha koonaa, kaa woꞌꞌi an: - Sóol! Sóol, iñii tah ya fu hatalloo ga kipes?

Yaawúuꞌcaa 13:12

Iñaama tah Yéesu kaannda ga foogaanaa teeraa kisétíꞌ baakaaꞌcaa ɓuwaa na ñífaagari sah-sah.

2 Peeꞌ 2:6

Kooh attiꞌꞌa ɓan teeraa Sodom na waa Gomooꞌ, ca tëkírussa na kiwii bi ennda wet. Ee fodaama, ya teewohha iñii ƴah kidal ɓéeɓ ɓuwii faaliꞌussiiriɗa.

Yúut 1:7

Níindísukat ɓan teeraa Sodom na waa Gomooꞌ, na dëkcaa wíileecaɗa. Ɓa tumee fodaa malaakacaama, ɓa enukohha ga kifaanuk na ɓaa en ɓéeɓ, na ɓan kitaabohkaa keeñ na faan tookkii. Ɓa attiꞌussa, ɓa tëkírussa na kiwii bi taaꞌ, ee iñaama korin ɓaa en ɓéeɓ.

Ínohlukoh 11:13

Ga wahtaama siiƴ, kakayfaa yëngëlukka didóolíꞌ, ee ga iñaama, kaan cidaaŋkaahcaa fu am ga teeraa tóoh, fíinoofaa ɓúꞌta ga, ɓoꞌ ɓijúnni-yitnaɓanak (7.000) kaanussa ga yëngëlaa kakayfaa waama. Ɓuwaa ɓíinoo múc gaɗa tíitussa, ɓa aawwa kindam Koohyii hanoh ɗookɗa.

Ínohlukoh 11:9

Iñaa leꞌ bes kaahay na caban, ɓiɓoꞌ ga heetaa en ɓéeɓ, ga níilaa en ɓéeɓ, ga lakaa en ɓéeɓ, na ga kúlkaa en ɓéeɓ, hay kihayu kimalak faraafciigaɓa, ee ɓa íisanndii ken acca.

Ínohlukoh 14:20

Towu reseŋtaa togisohussa ga ɗuuƴ iñaa seesohsiɗa, ga foogaanaa teeraaɗa. Ñíf meyohha ga, wa taakka iñaa hín na kíloomeet citéeméeꞌ-kaahay (300) ga agilaat, ee wa lappa bi hínnda na laaɓcaa pëníscaa ga ɗook.

Ínohlukoh 14:8

Laakka malaaka yiliis, yukanak, taammba ga fenoo yuɗewaayaa, woꞌꞌa an: - Babíloon, teerii wiyaakwii keenin! Ya yii ya lëelɗee heetcii ɓéeɓ na biiñii kifaanuk-pakaƴkiigari kiyaakkii ya enukohɗa, ya keenin jac!

Ínohlukoh 16:19

Teeraa wiyaakwaa ɗaꞌsukohha kom kaahay ee teerucii túltii ɓéeɓca ɓúꞌta. Babíloon nak, teeraa wiyaakwaama, Kooh alliiwa. Ya anlukohwa kaas-biiñaa en aylukaagari witamóhíꞌwaa.

Ínohlukoh 17:1

Waa ennda ɗa, yíinoo ga maalaakacaa ɓiyitnaɓanakɓaa ɓay kaas mesiklaatcaa ciyitnakanakcaaɗa, hayya, woꞌꞌaroo an: - Hay, mi teeɓpaa attiꞌii sek ɓeti faankoh-pakaƴfii fiyaakfii yípuk ga yahaa giiƴcii ciyaakciiɗa.

Ínohlukoh 17:18

Ɓetifii fu hotɗa nak teewoh teerii wiyaakwii nguuruk ga ɗook buuꞌcii ga ëldúnaɗa.

Ínohlukoh 17:5

Laakin teekaa bídu ga púkaagari ee iñaa kúmpa. Bídu ga an: «Babíloon yii yiyaakyii, eew faankoh-pakaƴcii, eew enaamacii ciꞌaraamíꞌcii ga ëldúnaɗa.»

Ínohlukoh 18:10

Ɓa hay kiceel palah ndaga kitíit ga coonucaa ya dayanɗa, ee ɓa woꞌi an: - Massa, éeƴ massa, fu Babíloon, teerii wiyaakwii, teerii wilëekíꞌ-dooliwii! Wahtii wa wíinoo doŋ ee attiꞌii fu attiꞌuɗa matta!

Ínohlukoh 18:18

ee daa ɓa hotee iifiilaa tëkíree teeraaɗa, ɓa fiippa an: - Laakoo múk teeraa hín na teerii wii kiyaak!.

Ínohlukoh 18:2

Ya dalla kiles koonaa kiyaak an: - Babíloon, teerii wiyaakwii keenin, wa keenin jac! Diimaɗa ya enin didëkaaꞌ raɓ-seytaanicii, ɗaakkaarii ɓéeɓ raɓcii ɓibóníꞌɓii, na ɓéeɓ selcii tabin kiñam [na ɓéeɓ júuꞌcii tabin kiñam], ee ken waaꞌtiiɗa.

Ínohlukoh 18:21

Waa ennda ɗa, malaaka yilëekíꞌ-dooli ɓeɓpa atoh wiyaak waa man na cii ɗílohsi beliɗa, jaffawa ga giiyaa, woꞌꞌa an: - Babíloon, teerii wiyaakwii ƴah kijafu ɗa fúr, ken hotsisoowa bi taaꞌ!

Ínohlukoh 18:24

Ɓaatta ga, ñífii sëldíiga-Koohcii, na wii ɓuwii en ɓuu Koohɗa, na ɓan wii ɓéeɓ ɓuwii apsee ga ëldúnaɗa, hotukin ga kaanfu, fu Babíloon.